Yɔɔb 41:1-34
-
Ɛsɔ kɛdɩ Leviyataŋ weyi ɛwɛ piti yɔ ɛ-tɔm (1-34)
41 «Ŋpɩzɩɣ nɛ ŋkpa Leviyataŋ*+ nɛ kolaɣ na?
Yaa ŋpɩzɩɣ nɛ ŋhɔkɩ ɛ-nzʋlʋmɩyɛ nimiye se ɖitaaciɣdi?
2 Ŋpɩzɩɣ nɛ ŋtʋʋ nimiye* ɛ-mɔɔŋ tɛɛ?
Yaa ŋpɩzɩɣ nɛ ŋtʋlɩ ɛ-tamaɣ nɛ ñɩmɩyɛ nɖɩ pokoti ɖɩ-nɔɔ yɔ?*
3 Ɛkaɣ-ŋ tenduu tam sakɩyɛ na?
Yaa ɛkaɣ-ŋ yɔɔdɩnʋʋ nɛ nɔɔ kɩbaŋa?
4 Ɛkaɣ-ŋ ɖʋʋ nɛ ɛgbɛyɛSe pɩsa nɛ ŋpɩsɩ-ɩ ño-yom tam?
5 Ŋkaɣ-ɩ leɣyinuu ɛzɩ peleɣyinuu sumaɣ yɔ?
Yaa ŋkaɣ-ɩ ɖɩʋ nimiye se ñɛ-pɛlaa ileɣyini-i?
6 Ɛzɩ pɛdɩyaa kaɣ-ɩ lɛɣzʋʋ nɛ nabʋyʋ?
Pakaɣ-ɩ tayʋʋ tadɩyɛ laɖaa na?
7 Ŋkaɣ ɛ-tɔnʋʋ tʋlʋʋ pɔŋ yʋʋʋ nɛ ñɩma* na?+
Yaa ŋkaɣ ɛ-ñʋʋ tʋlʋʋ pɔŋ yʋʋʋ nɛ kpakpasɩ kpayaa kɩgbɛzɛmɩŋ?
8 Tɩnɩ ñe-nesi ɛ-yɔɔ;Ŋŋkaɣ lʋbɩyɛ nɖɩ ɖɩ-yɔɔ sɔʋ, nɛ wiɖiyi ŋŋkaɣ tasʋʋ labʋ mbʋ!
9 Lidaʋ nakʋyʋ fɛyɩ se ŋpɩzɩɣ nɛ ŋwɛɛnɩ ɖoŋ ɛ-yɔɔ.
Halɩ ŋñɩtɩɣ nɛ ŋna-ɩ lɛ, ŋpaɣzɩɣ seluu.*
10 Nɔɔyʋ ɛɛkatɩɣ se ɛcaa-ɩ tɔm.
Ye mbʋ, apɩzɩɣ nɛ ɛkaɖɩnɩ-m?+
11 Acalɩ-m haʋ nabʋyʋ nɛ pɩwɛɛ se mɛhɛyɩ-ɩ pi-lone taa?+
Matɩnɩ mbʋ payɩ pɩwɛ tɛtʋ kpeekpe yɔɔ yɔ.+
12 Maakaɣ sum tamɩyɛ ɛ-nɩŋgbanzɩ tɔm,E-ɖoŋ sɔsɔŋ nɛ e-tomnaɣ ŋga pama-kɛ camɩyɛ yɔ kɔ-tɔm.
13 Ahɔzɩ e-toko kɩtɩnʋʋ?
Akaɣ sʋʋ ɛ-nɔɔ ŋga ɛhawa yɔ ka-taa?
14 Apɩzɩɣ nɛ ɛtʋlɩ ɛ-nɔɔ* pɔɔyɩŋ nɛ ɖoŋ?
E-kela tɩŋa caɣ sɔɔndʋ.
15 Pɔɔyɛɛ pɩlɩ e-siɣye wayɩ,*Ataaɖɩnɩ ɖama cɩŋ cɩŋ.
16 Paa nɖɩ ɖɩñɔnɩ lɛɛɖɛ cɩŋ cɩŋNɛ halɩ helim ɛɛpɩzɩɣ nɛ pɩtɩŋ a-hɛkʋ taa.
17 Añɔnɩ ɖama kpam;Ataaɖɩnɩ ɖama nɛ paapɩzɩɣ nɛ payasɩ-yɛ.
18 Ecimisiɣ lɛ, ñalɩmɩyɛ lɩɣna,Nɛ ɛ-ɛsa wɛ ɛzɩ tɛbɩyɛ tɛɛ ñalɩmɩyɛ yɔ.
19 Miŋ ñɩlɩsʋʋ lɩɣnɩ ɛ-nɔɔ taa;Mamacɩsɩ yazɩɣ nɛ sɩlɩɣ.
20 Ñɔsɩ lɩɣnɩ ɛ-mɔɔŋ tɛɛ tulutulu,
Ɛzɩ miŋ kpou ŋgʋ kɩ-tɛɛ paɖʋ miŋ ñɩtʋ kɩwɩtʋ yɔ.
21 Ɛ-mɔɔŋ tɛɛ helim lakɩ nɛ mamala mʋʋ miŋ,Nɛ miŋ nzʋlʋmɩyɛ lɩɣnɩ ɛ-nɔɔ taa.
22 Ðoŋ sɔsɔŋ wɛ e-pondone taa,Nɛ sɔɔndʋ seɣ ɛ-ɛsɩndaa.
23 Ɛ-tɔnʋʋ yɔɔ canzɩ ñɔnɩ ɖama kpam;Sɩɖɔkɩ cɩŋ cɩŋ, ɛzɩ ñɩɣtʋ poyolisaa nɛ papɩyɩ ɛ-yɔɔ yɔ nɛ siiciɣdiɣ.
24 Ɛ-laŋɩyɛ wɛ ɖoŋ ɛzɩ pɩyɛ yɔ,Ɛɛɛ, ɖɩwɛ ɖoŋ ɛzɩ namɩyɛ yɔ.
25 Ɛkʋyʋʋ lɛ, sɔɔndʋ kpaɣ ɖoŋ tɩnaa maɣmaɣ;Eciɣdiɣ ɛ-tɩ tɛtɛ ciɣduu lɛ, pɩɖʋʋ sɔɔndʋ.
26 Laɣɖɛ naɖɩyɛ eehikiɣ-i nɛ ɖɩwabɩ-ɩ;Kɩgbɛzɛŋ, ñɩmɩyɛ nɖɩ ɖɩ-nɔɔ taa wɛ cʋlʋ cʋlʋ yɔYaa tɔʋ ñɩmɩyɛ nɔɔ ɖɔɖɔ ɛɛkaɣ-ɩ wabʋ.+
27 Ɛ-ɛsɩndaa lɛ, ñɩɣtʋ wɛ ɛzɩ ñɩtʋ kɩwɩtʋ yɔ,Nɛ ñɩɣyʋʋ kɩsɛɛmʋʋ ñɛwɛɛ ɛzɩ ɖeɣa ŋga kapʋwaa yɔ.
28 Eeseɣ tɔʋ ñɩmɩyɛ;Ɛ-ɛsɩndaa lɛ, pʋtɔɖɛ pɛɛ wɛ ɛzɩ tɔɔnaɣ ŋga pakʋma yɔ ka-ɖaŋ yɔ.
29 Ɛ-ɛsɩndaa lɛ, pɔɖɩyɛ wɛ ɛzɩ tɔɔnaɣ ŋga pakʋma yɔ ka-ɖaŋ yɔ,Nɛ ɛnɩɣ kɩgbɛzɛŋ taŋ lɛ ewoŋuu.
30 E-lotu yɔɔ wɛ ɛzɩ cʋʋ wonuu hɔɔlasɩ nzɩ sɩwɛ lɔŋ yɔ;Ɛɖɔŋ ahɔya taa lɛ, pɩnaɣ ɖenɖe ɖenɖe ɛɖɔma yɔ,Ɛzɩ kɛɛkɛɛ ŋgʋ pamakɩnɩ tɔɔnaɣ yɔ.+
31 Ɛlakɩ nɛ teŋgu wasɩɣ ɛzɩ ɖeɣa wasʋʋ yɔ;Ɛcʋʋdʋʋ teŋgu taa ɛzɩ ɖeɣa ŋga ka-taa patɩzɩɣ sɔzɩŋ num yɔ.
32 Ɛɖɛɣ lɩm taa lɛ, pɩñɩlɩsɩɣ ɖenɖe ɛɖɔma yɔ.
Nɔɔyʋ pɩzɩɣ nɛ ɛmaɣzɩ se teŋgu ñɔ ñʋʋ nɛ panzɩ.
33 Nabʋyʋ fɛyɩ ɛzɩ ɛnʋ yɔ tɛtʋ yɔɔ,Ɛkɛ kpɩnɛ nɖɩ palɩzɩ-ɖɩ se ɖitaase nabʋyʋ sɔɔndʋ yɔ.
34 Mbʋ payɩ pɩkpazɩɣ pɩ-tɩ yɔ, ɛkpɛɣ-pʋ nɛ ɛsa.
Ɛkɛ tɛtɛgbɩna sɔsɔna tɩŋa wiyaʋ.»
Pɩ-tɛɛ tɔm
^ Pɩkɛɣnɩ kazɩyaɣ.
^ Nimiye nɖɩ palʋnɩ ñɩtʋ kɩwɩtʋ yɔ ɖɩ-tɔm pɔyɔɔdʋʋ.
^ Piye piye, «nɛ sɔɔyɛ.»
^ Pɩkɛ ñɩma wena awɛ ɛzɩ kɩgbɛzɛmɩŋ nɛ pakpaɣnɩ kpakpasɩ sɔsɔsɩ yɔ.
^ Yaa «ŋtɔlʋʋ.»
^ Piye piye, «ɛ-ɛsɩndaa.»
^ Pɩpɩzɩɣ pɩkɛ, «Pɔɔyɛɛ pɩlɩ e-siɣye wayɩ pɩlʋʋ mbʋ yɔ, mbʋ ɛkʋndʋʋna.»
