Yɔɔb 6:1-30
6 Ðɩnɛ ɛlɛ Yɔɔb cosi se:
2 «Ye paapɩzaɣ se pamaɣzɩ ma-wɩzasɩ+ tɩŋaNɛ pasɩɩ sɩ nɛ asɛyʋʋ ŋgʋ kɩtalɩ-m yɔ kɩmaɣzʋʋ yɔɔ!
3 Mbʋ pʋyɔɔ yɔ lɛɛlɛɛyɔ, ma-wɩzasɩ kɩlɩ teŋgunaa taa kañɩŋa yuŋ.
Pʋyɔɔ mɔn-tɔm kɛ kpaanzɩyʋ tɔm.*+
4 Mbʋ pʋyɔɔ yɔ Ðoŋ Tɩŋa Tʋ tɔʋ ñɩma tʋlɩ-m pɔŋ,Nɛ men-fezuu ñɔʋ a-sɔtʋ;+Sɔɔndʋ ndʋ tɩlɩnɩ Ɛsɔ cɔlɔ yɔ, tɩpɩlaa nɛ tɩkaɖɩnɩ-m.
5 Tɛyɛ kpaŋaɣ+ wiɣ alɩwaatʋ ndʋ kɛwɛnɩ ñɩtʋ yɔ?Yaa nɔ abalɩñɩnʋ wiɣ alɩwaatʋ ndʋ ɛwɛnɩ tɔɔnaɣ yɔ?
6 Ɛzɩ pɔtɔkɩ tɔɔnaɣ ŋga kɛfɛyɩ tɔdɔka yɔ nɛ paaɖʋʋ ɖɔm ka-taa?Yaa mbʋ pɩfɛyɩ leleŋ nɩɩyɩ yɔ, pɩ-tɔɔʋ pɩzɩɣ nɛ pɩha ɛyʋ leleŋ na?
7 Menkizaa* se maatukuuni wondu ndʋ.
Tɩwɛ ɛzɩ mbʋ pɩhaɣ kʋdɔŋ yɔ mɔn-tɔɔnaɣ taa.
8 Oo, ye paacɛlaɣ-m mbʋ mɔnpɔzʋʋ yɔNɛ ye Ɛsɔ ɛɛcɛlaɣ-m mbʋ me-liu wɛɛ yɔ!
9 Ye Ɛsɔ eetisaɣ se ɛtɔyɩtɩ-m,Nɛ ye eesezaɣ e-nesi se ɛkʋ-m!+
10 Mbʋ pʋyɔɔ yɔ ye pɩɩlabɩ mbʋ yɔ halɩ pɩɩkɔnɩ-m laŋɩyɛ hɛzʋʋ;Maamanɩ taa leleŋ paa men-siziŋ ɛwɛ tam yɔ,Mbʋ pʋyɔɔ yɔ mantikizi Kiɖeɖeu tɔm.+
11 Mɛwɛnɩ ɖoŋ se mɛwɛɛ ɖaŋʋʋ yɔɔ yaa we?+
Nɛ ɛbɛ pɩkaɣ-m tɛmnʋʋ nɛ pɩpɔzʋʋ se mantasɩ wezuu caɣʋ?*
12 Ɛzɩ mon-ɖoŋ wɛ ɛzɩ kaaʋ ñɩŋ yɔ?
Yaa ñɩɣyʋʋ kɩsɛɛmʋʋ palabɩnɩ mon-tomnaɣ na?
13 Ɛbɛ manpɩzɩɣ mala nɛ mansɩnɩ man-tɩ,Ŋgʋ pamʋ sɩnʋʋ kpeekpe mɔn-cɔlɔ?
14 Weyi ekiziɣ wɩlʋʋ sɔɔlɩm siɣsiɣ ñɩmbʋ ɛyʋ lɛlʋ yɔ+Ɛɛkaɣ tasʋʋ seu sɔɔndʋ Ðoŋ Tɩŋa Tʋ.+
15 Mon-koobiya kɛ pɩ-tɛɛ nɛ pɩ-yɔɔ tɩnaa+ ɛzɩ nikaɣ alɩwaatʋ taa lemeɣa yɔ,Ɛzɩ nikaɣ alɩwaatʋ taa lemisi taa lɩm mbʋ pɩsɔʋ yɔ.
16 Ðɔmbɛɛ yeba nɛ sɩ-taa piyi,Nɛ ɖɔmbɛɛ wena ayɔlʋʋ yɔ, amɛlɩ sɩ-taa.
17 Ɛlɛ alɩwaatʋ talɩɣ lɛ, sɩ-taa lɩm sɔʋ nɛ sɩɩtasɩɣ wɛʋ;Soŋaɣ talɩɣ lɛ sɩsɔʋ.
18 Pɛkɛzɩ-sɩ nʋmɔʋ;Sikpeŋ kañɩmbusuu taa nɛ sɩsɔʋ.
19 Teema+ nʋmɔɖɔnaa ñɩnɩɣ-sɩ;Nʋmɔɖɔnaa mba palɩnɩ Seeba+ yɔ* paɖaŋ-sɩ.
20 Fɛyɛ kpa-wɛ mbʋ pʋyɔɔ yɔ pata liu mbʋ pɩtaapɔzɩ yɔ;Powobi peeɖe lɛ, pitibi-wɛ yɔɔɔ.
21 Mbʋ pʋyɔɔ yɔ mɛ-ɛsɩndaa lɛ, mbʋ ɩpɩsaa;+Ɩna ma-asɛyʋʋ caɣ sɔɔndʋ caɣʋ mbʋ yɔ lɛ, sɔɔndʋ kpa-mɩ.+
22 Ɛzɩ mɔntɔm se: “Ɩha-m nabʋyʋ,”Yaa mɔnpɔzɩ-mɩ se ɩlɩzɩ mɩ-ñɩm nabʋyʋ nɛ ɩlabɩnɩ-m kʋjɔʋ na?
23 Mɔnpɔzaa se poholi-m koyindu nesi tɛɛYaa paya ma-ñʋʋ nazɩyaa nesi tɛɛ?
24 Ɩwɩlɩ-m tɔm, nɛ mankaɣ sum ɖiɣ ɖiɣ;+Ɩsɩnɩ-m nɛ mantɩlɩ man-kɩwɛɛkɩm.
25 Toovenim tɔm ɛɛɖʋʋ ɛyʋ wɩzasɩ!+
Ɛlɛ ɩkʋʋ mɔn-tɔm kʋʋ mbʋ yɔ wazaɣ ŋga pɩwɛna?+
26 Ɩwɛɛ nɛ ɩkpɛyɩɣ se ɩkʋ mɔn-tɔm yaa we,Se ɩkʋ abalʋ weyi ɛlɔ lidaʋ yɔ ɛ-tɔm+ ndʋ helim kpakɩɣ yɔ?
27 Ɩpɩzɩɣ ɖɔɖɔ nɛ ɩtɔ piye soliɣa yɔɔ+Nɛ ɩpɛdɩ mɩ-taabalʋ maɣmaɣ.*+
28 Pʋyɔɔ lɛ, lɛɛlɛɛyɔ ɩkɛzɩ mɩ-tɩ nɛ ɩcɔnɩ-m,Mbʋ pʋyɔɔ yɔ maakaɣ cɛtʋʋ mɩ-ɛsɩndaa.
29 Mentendi-mɩ, ɩɖaɣnɩ pɩ-yɔɔ maɣzʋʋ, ɩtaakʋ mɔn-tɔm ɖulum,Ɛɛɛ, ɩɖaɣnɩ pɩ-yɔɔ maɣzʋʋ, mbʋ pʋyɔɔ yɔ men-siɣsiɣ wɛtʋ wɛ ti-ɖeɖe.
30 Ɛzɩ ma-nzʋlʋmɩyɛ yɔɔdʋʋ tɔm ndʋ tɩfɛyɩ siɣsiɣ yɔ?
Ye manɖɩkɩ mbʋ pɩfɛyɩ ɖeu yɔ ɛzɩ maapɩzɩɣ nɛ menɖiɣzini-pʋ?
Pɩ-tɛɛ tɔm
^ Yaa «Pʋyɔɔ mɔyɔɔdaa mantɩmaɣzɩ ma-ñʋʋ taa.»
^ Yaa «Man-kalɩzaɣ kizaa.»
^ Yaa «nɛ pɩpɔzʋʋ se mɔnsɔzɩ me-wezuu (man-kalɩzaɣ) ɖaɣlɩkɩŋ.»
^ Yaa «Seeba mba nʋmɔɖɔnaa canɖaʋ.»
^ Yaa «Nɛ ɩkpaɣ mɩ-taabalʋ maɣmaɣ nɛ ɩlɛɣzɩnɩ nabʋyʋ.»
