Yɔɔb 8:1-22
8 Ðɩnɛ ɛlɛ Suwaa tʋ+ Bilɩdaadɩ+ cosi se:
2 «Ŋwɛɣ nɛ ŋyɔɔdʋʋ ɛzʋnɔ nɛ pɩkɔɔ pɩsɩɩnɩ ɖooye?+
Ñɔ-nɔɔ taa tɔm kɛ helim ɖoŋ ñɩmbʋ yem!
3 Ɛzɩ Ɛsɔ kaɣ kɛzʋʋ siɣsiɣ tɔm kiŋgiɖe na,Yaa Ðoŋ Tɩŋa Tʋ kaɣ kɛzʋʋ mbʋ pɩtʋʋzaa yɔ kiŋgiɖe na?
4 Ye ña-pɩyalaa ɩyʋsɩnɩ-ɩ yɔ,Eyeba nɛ pɔhɔ pa-nɩŋgbaŋʋʋ pa-kaañamtʋ yɔɔ;*
5 Ɛlɛ ye ŋŋpɩsɩnɩ Ɛsɔ yɔɔ+Nɛ ŋtendi Ðoŋ Tɩŋa Tʋ se ɛna ña-pʋtɔdɩyɛ,
6 Nɛ ye toovenim taa, ŋŋwɛ kele kele nɛ ŋkɛ ɛyʋ siɣsiɣ tʋ yɔ,+Ɛɛnɩnɩ-ŋ nɛ ɛpɩsɩnɩ-ŋ ño-lone taa.
7 Nɛ paa ŋŋkɛ ɛjam ɖɩbazɩyɛ taa yɔ,Ŋkaɣ kɛʋ sɔsɔ cee wayɩ.+
8 Mentendi-ŋ, pɔzɩ kpaɖʋʋ ŋgʋ kɩɖɛwa yɔ kɩ-taa mba,Nɛ ŋka ña-lɩmaɣza wondu ndʋ tɩ-yɔɔ pa-caanaa lɩwa yɔ tɩ-yɔɔ.+
9 Mbʋ pʋyɔɔ yɔ ɖeɖe ɖeke palʋlɩ-ɖʋ nɛ ɖɩɩsɩŋ natʋyʋ,Mbʋ pʋyɔɔ yɔ kɩyakɩŋ weyi ɖɩcakɩ wezuu tɛtʋ yɔɔ yɔ ɩkɛ kuzotuu.
10 Ɛzɩ paakaɣ-ŋ tɔm wɩlʋʋNɛ peheyi-ŋ ndʋ pasɩma yɔ?*
11 Papiruusi ñɩyʋʋ pɩzɩɣ nɛ kɩpaɣlɩ ɖoli nɛ pɩtɩkɛ lɩm fɛɛʋ taa?
Kañɩŋgbayaɣ ñɩyʋʋ pɩzɩɣ nɛ kɩpaɣlɩ ɖenɖe lɩm fɛyɩ yɔ?
12 Kɩtɩtɛmtɩ hɔʋ hɛtʋ nɛ kɩtɩtalɩtɩ cɛbʋ lɛ,Kɩkaɣ wɩlʋʋ pʋcɔ nɛ ñɩtʋ lɛɛtʋ tɩŋa wɩlɩ.
13 Mba payɩ pɔsɔʋ Ɛsɔ yɔɔ yɔ, mbʋ pɩtɛŋnɩ-wɛ,*Mbʋ pʋyɔɔ yɔ, weyi ɛɛñaŋ Ɛsɔ yɔ,* e-lidaʋ kaɣ ɖʋʋ lɩm,
14 Mbʋ ɛtaɣ liu yɔ pɩkɛ falaaNɛ e-lidaʋ wɛ ɖaaa ɛzɩ ajaɣ ñɛyɩtʋ* yɔ.
15 Ɛkaɣ tɩlɩsɩnʋʋ ɛ-ɖɩɣa, ɛlɛ kaakaɣ sɩŋʋʋ;Ɛkaɣ ñaɣʋ pana se ɛñɔɔnɩ-kɛ, ɛlɛ kaakaɣ leɖuu.
16 Ɛkɛ tɩʋ lɛŋ ñɩŋgʋ wɩsɩ ñalɩmɩyɛ taa,Ɛyɛzɩɣ pilinzi camɩyɛ kaɖaɣ kpeekpe taa.+
17 E-lila lɛɣtɩɣ ɖama taa pɛɛ huuye taa;Ɛñɩnɩɣ ɖɩɣa pɛɛ taa.*
18 Ɛlɛ alɩwaatʋ ndʋ pɛkpɛzɩɣ-ɩ* e-lone taa yɔ,Lone nɖɩ ɖɩkaɣ-ɩ kizuu nɛ ɖɩyɔɔdɩ se: “Mantɩna-ŋ wiɖiyi nɛ mana.”+
19 Ɛɛɛ, mbʋ ɛkaɣ mʋʋʋ;*+Nɛ lalaa kaɣ ñɔʋ nɛ puuyuu taa.
20 Paa pɩɩlabɩ ɛzɩma yɔ, Ɛsɔ ɛɛkaɣ lɔʋ mba pɔɖɔkʋʋ pa-cɩŋgɩlɩm wɛtʋ yɔ;*Nɛ ɛɛkaɣ sɩnʋʋ ɛyaa kɩdɛkɛdaa,*
21 Mbʋ pʋyɔɔ yɔ ɛkaɣ tasʋʋ labʋ nɛ woŋa su ñɔ-nɔɔ taaNɛ taa leleŋ kubusi su ño-ndomee yɔɔ.
22 Mba papaɖɩɣ-ŋ yɔ, fɛyɛ kaɣ-wɛ kpaʋ kʋɖɩɩɩ,Nɛ kañatʋ tɩnaa kizinziku ɛɛkaɣ tasʋʋ wɛʋ.»
Pɩ-tɛɛ tɔm
^ Piye piye, «Etiyini-wɛ pa-kaañamtʋ nesi tɛɛ.»
^ Piye piye, «Nɛ palɩzɩ tɔm nɛ pa-laŋa taa?»
^ Piye piye, «mbʋ pa-nʋmɔŋ wɛɛ.»
^ Yaa «tisuu yebiyu.»
^ Piye piye, «ɖɩɣa.»
^ Yaa «Ɛcɔŋnɩ pɛɛ ɖɩɣa.»
^ Yaa «peliki-i.»
^ Yaa «mbʋ ɛ-nʋmɔʋ kaɣ ɖɩm.»
^ Yaa «mba pɛfɛyɩnɩ kɩwɛɛkɩtʋ natʋyʋ yɔ.»
^ Piye piye, «ɛɛkaɣ ɖɔkʋʋ ɛyaa kɩdɛkɛdaa nesi.»
