Yɔɔb 9:1-35
9 Yɔɔb cosi se:
2 «Toovenim taa lɛ manawa se mbʋ pɩwɛɛ.
Ɛlɛ ye tɔm ɛkɔm ɛyʋ nɛ Ɛsɔ pɛ-hɛkʋ taa yɔ, ɛzɩma ɛyʋ ɛnʋ ɛ-tɔm pɩzɩɣ nɛ tiɖe?+
3 Ye nɔɔyʋ ɛcaɣ se ɛhɔmnɩ* Ɛsɔ tɔm yɔ,+Ɛsɔ ɛpɔzɩ tɔm kudoku yɔ, ɛyʋ ɛnʋ ɛɛkaɣ pɩzʋʋ nɛ ecosi kʋɖʋmtʋ maɣmaɣ.
4 Ɛkɛ lɔŋsɩnɖʋ ɛ-laŋɩyɛ taa nɛ e-ɖoŋ wayɩ fɛyɩ.+
Apɩzɩɣ nɛ ɛkaɖɩnɩ-ɩ nɛ ɛlɩɩ cɩŋgɩlɩm?+
5 Ɛkɛzɩɣ pʋŋ lona* nɛ nɔɔyʋ eeɖiɣziɣna;Ɛpɩsɩɣ-ɩ kpɛlɩ kpɛlɩ ɛ-pana taa.
6 Ɛñamsɩɣ tɛtʋ ti-lone taa,
Nɛ ti-tilima seliɣ.+
7 Ɛɖʋʋ paɣtʋ wɩsɩ se sɩtaañaɣNɛ ɛɖɩkɩ tɩɩnzɩ ñalɩmɩyɛ yɔɔ;+
8 Eposuu ɛsɔdaa e-ɖeke,+Ɛɖɔŋ teŋgu lɩm hola kʋkʋya yɔɔ.+
9 Ɛlabɩ Asɩ tɩɩnzɩ tindimiye,* Kesil tɩɩnzɩ tindimiye* nɛ Kima tɩɩnzɩ tindimiye,*+Nɛ hadɛ kiŋ ɛsɔdaa tɩɩnzɩ tindima;*
10 Ɛlakɩ wondu sɔsɔtʋ ndʋ paapɩzɩɣ nɛ panɩɩ tɩ-taa yɔ,+Wondu ndʋ tɩwɛ piti nɛ paapɩzɩɣ nɛ pakalɩ-tʋ yɔ.+
11 Ɛtɩŋnɩ mɔn-cɔlɔ, nɛ mantɩpɩzɩ nɛ mana-ɩ;Ɛɖɛ mɛ-ɛsɩndaa, ɛlɛ mantɩtɩlɩ-ɩ.
12 Ye ecobi nabʋyʋ, apɩzɩɣ nɛ ɛkaɖɩnɩ-ɩ?
Apɩzɩɣ nɛ ɛpɔzɩ-ɩ se: “Ɛbɛ ŋlakɩ mbʋ yɔ?”+
13 Ɛsɔ ɛɛkaɣ kpaʋ ɛ-pana;+Rahaabɩ*+ sɩnɩyaa maɣmaɣ kaɣ luŋuu ɛ-tɛɛ.
14 Pʋyɔɔ lɛ, alɩwaatʋ ndʋ moncosuu-i yɔ,Pɩwɛɛ se malɩzɩ mɔn-tɔm pee camɩyɛ pʋcɔ nɛ mɔhɔmnɩ-ɩ tɔm!
15 Paa mɔn-tɔm eeɖewa yɔ, maakaɣ-ɩ cosuu.+
Mbʋ pi-ɖeke manpɩzɩɣ nɛ mala yɔ lɛ se mentendi mɔn-tɔm hʋyʋ* nɛ ɛna man-pʋtɔdɩyɛ.
16 Ye maya-ɩ, ɛkaɣ-m cosuu na?
Mantɩsa se ɛkaɣ mɔ-nɔɔ welisuu,
17 Mbʋ pʋyɔɔ yɔ ɛtɔyɩtʋʋ-m nɛ tɛʋ ŋgʋ kɩnɩɣnɩ helim sɔsɔm yɔNɛ ɛɖʋʋ-m heŋ sakɩyɛ falaa yem.+
18 Eeyeki-m se men-feziŋ ɩkpa;Eeyeki-m haɣzʋʋ mbʋ pɩwɛ ñaŋ yɔ.
19 Ye pɩkɛ ɖoŋ tɔm yɔ, ɛnʋ yɔ ɖoŋ tʋ.+
Ye pɩkɛ siɣsiɣ wɛtʋ tɔm yɔ, ɛtɔŋ se: “Apɩzɩɣ nɛ ɛpɔzɩ-m akɔnta?”*
20 Ye mɔn-tɔm eeɖewa yɔ, mɔ-nɔɔ maɣmaɣ kaakʋ mɔn-tɔm;Paa mɔnɖɔkɩ man-cɩŋgɩlɩm wɛtʋ yɔ,* ɛkaɣ yɔɔdʋʋ se mɔn-tɔm sɩba.*
21 Paa mɔnɖɔkɩ man-cɩŋgɩlɩm wɛtʋ yɔ,* maataɣ man-tɩ liu;*Menkiziɣ* me-wezuu kʋnɛ.
22 Tʋkaɣ nakɛyɛ fɛyɩ. Pʋyɔɔ mɔntɔŋ se:
“Ɛzɩ ɛɖɩzʋʋ kɩdɛkɛdʋ yɔ, mbʋ ɖɔɖɔ ɛɖɩzɩɣ weyi ɛtɩwɛɛkɩ nabʋyʋ yɔ.”*
23 Ye lɩm ɛwadɩ tuda nɛ pɩkɔnɩ sɩm tuda yɔ,Ɛkaɣ woŋuu weyi ɛtɩwɛɛkɩ nabʋyʋ nɛ ɛfɛyɩnɩ lidaʋ yɔ.
24 Paɖʋzɩ tɛtʋ kañatʋ tɩnaa nesi tɛɛ;+Ehuuzuu tɩ-tɔm hʋyaa ɛsa yɔɔ.*
Ye pɩtɩkɛ ɛnʋ, ɖɩnɛ anɩ pʋdʋ?
25 Man-kɩyakɩŋ seɣ lɛɛ lɛɛ nɛ pɩkɩlɩɣ ɛyʋ weyi eseɣ yɔ;+Iseɣ nɛ ɩɖɛɣ, ɛlɛ ɩɩnaɣ kɩbandʋ.
26 Iseɣ lɛɛ lɛɛ ɛzɩ kañɩŋgbayaɣ kpɩyɩŋ yɔ,Ɛzɩ kpeluu* tikuu fɩɩɩ se kɩkpa nabʋyʋ yɔ.
27 Ye mɔntɔm se: “Maakaɣ tasʋʋ wiu man-kʋñɔŋ,Mankaɣ lɛɣzʋʋ mɛ-ɛsɩndaa nɛ mɛwɛɛ taa leleŋ taa” yɔ,
28 Ma-wɩzasɩ kpeekpe yɔɔ lɛ, mɛwɛɣ sɔɔndʋ taa mbʋ,+Nɛ manawa se ŋŋkaɣ mɔn-tɔm ɖezuu.
29 Pakaɣ mɔn-tɔm kʋʋ.
Ye mbʋ, ɛbɛ yɔɔ pɩwɛɛ se malʋ falaa yem?+
30 Ye mɔnsɔ ɖɔmbɛɛ wena ayɔlaa yɔ a-lɩm,Nɛ mansaŋ me-nesi fɔɔfɔɔ lɩm taa* yɔ,+
31 Ðɩnɛ ɛlɛ ŋkaɣ-m tisuu pɔʋ taa,Nɛ halɩ mon-tokonaa maɣmaɣ kaɣ-m paɖʋʋ.
32 Mbʋ pʋyɔɔ yɔ ɛtɩkɛ ɛyʋ ɛzɩ ma yɔ se maapɩzɩ nɛ moncosi-i,Se ma nɛ ɩ ɖiwolo tɔm ɖɩhʋyɛ.+
33 Ɛyʋ nɔɔyʋ fɛyɩ se ɛyasɩ-ɖʋ tɔm,*Se ɛkɛ-ɖʋ tɔm hʋyʋ.*
34 Ye eeyekaɣ-m mabʋ*
Nɛ eyebi-m ñazʋʋ nɛ e-wondu ndʋ tɩcaɣ sɔɔndʋ yɔ,+
35 Ðɩnɛ ɛlɛ maayɔɔdɩnɩ-ɩ nɛ kaalɛyɩtʋ,Mbʋ pʋyɔɔ yɔ mantɩkɛ ɛyʋ weyi ɛyɔɔdʋʋnɩ sɔɔndʋ yɔ.
Pɩ-tɛɛ tɔm
^ Yaa «ɛyaa.»
^ Yaa «Ɛkpɛzɩɣ pʋŋ.»
^ Pɩkɛɣnɩ Kpemtɔɔyaɣ Sɔsɔɔ tɩɩnzɩ tindimiye.
^ Piye piye, «hadɛ kiŋ pɩ-taa kuduyuŋ.»
^ Pɩkɛɣnɩ Kalɩmuuduwe tɩɩnzɩ nzɩ sɩwɛ Tooroo tɩɩnzɩ tindimiye taa yɔ.
^ Pɩkɛɣnɩ Nɔdɔmzuwe tɩɩnzɩ tindimiye.
^ Pɩkɛɣnɩ teŋgu taa coojo sɔsɔ nɔɔyʋ.
^ Pɩpɩzɩɣ pɩkɛ, «weyi ɛya-m tɔm yɔ.»
^ Piye piye, «nɛ ɛya-m tɔm?»
^ Yaa «Paa mantɩɖɔɔ wɛɛ naayɛ yɔ.»
^ Piye piye, «se mantɩtʋʋzɩ.»
^ Yaa «Paa mantɩɖɔɔ wɛɛ naayɛ yɔ.»
^ Yaa «maasɩŋ man-kalɩzaɣ.»
^ Yaa «Manpaɖɩɣ.»
^ Yaa «weyi ɛɖɔkʋʋ ɛ-cɩŋgɩlɩm wɛtʋ yɔ.»
^ Piye piye, «ɛsɩndaa.»
^ Yaa «keziye.»
^ Yaa «sɔsɔɔna taa.»
^ Yaa «Loliyu nɔɔyʋ fɛyɩ ɖɛ-hɛkʋ taa.»
^ Piye piye, «Se ɛtɩnɩ e-nesi ɖa-naalɛ ɖɔ-yɔɔ.»
^ Piye piye, «ɛɛkʋsaɣ ɛ-ɖaʋ mɔ-yɔɔ.»
