Aduwa 19:1-29
19 Pɩwɛ weewee se ɛyʋ ɛkɛ kʋñɔndʋ nɛ ɛɖɔŋ cɩŋgɩlɩm wɛtʋ taa+Nɛ pɩkɩlɩ se ɛkɛ tulaɣ nɛ cɛtɩyʋ.+
2 Ye ɛyʋ* ɛfɛyɩnɩ sɩmtʋ yɔ, pɩfɛyɩ ɖeu;+Nɛ weyi ekpedisiɣ yɔ, ɛlakɩ kɩdɛkɛdɩm.
3 Ɛyʋ kɩmɛlɛndʋ maɣmaɣ yiɣdiɣni ɛ-nʋmɔʋ,Nɛ ɛ-taa* wɩɣnɩ Yehowa.
4 Ñɩm hɔŋ taabalaa sakɩyɛ nɛ pɩkɔŋnɩ ɛyʋ,Ɛlɛ ɛyaa seɣ kʋñɔndʋ, halɩ ɛ-taabalʋ maɣmaɣ seɣ-i.+
5 Paa pɩɩlabɩ ɛzɩma yɔ, pakaɣ hɔm aseɣɖe tʋ cɛtɩyʋ nɩŋgbaŋʋʋ,+Nɛ weyi ɛ-nɔɔ hutuu cɛtɩm tɔm yɔ, ɛɛkaɣ tʋlʋʋ.+
6 Ɛyaa sakɩyɛ ñɩnɩɣ se pɔ-tɔm ɛkɛdɩnɩ ɛyʋ sɔsɔ,*Nɛ paa weyi ɛkɛ kʋjɔŋ laɖʋ taabalʋ.
7 Kʋñɔndʋ koobiya tɩŋa payɩ paɖɩɣ-ɩ;+Paacazɩɣ ɛ-taabalaa tɔm yɔɔdʋʋ, paba ñeseɣ-i kiseu!+
Ɛɖʋʋ pa-wayɩ nɛ etendiɣ-wɛ, ɛlɛ nɔɔyʋ eekeŋni-i.
8 Weyi ɛñakɩ pana se ehiɣ lɔŋsɩnɖɛ* yɔ, ɛsɔɔlɩ ɛ-tɩ.*+
Weyi eeleɣyiɣni lɛɣtʋ yɔ, pɩkaɣ-ɩ ɖɔmnʋʋ camɩyɛ.*+
9 Paa pɩɩlabɩ ɛzɩma yɔ, pakaɣ hɔm aseɣɖe tʋ cɛtɩyʋ nɩŋgbaŋʋʋ,Nɛ weyi ɛ-nɔɔ hutuu cɛtɩm tɔm yɔ, ɛkaɣ sɩbʋ.+
10 Leleŋ nɩʋ wezuu caɣʋ tɩmʋnɩ kɩmɛlɛŋ;Ye mbʋ, ɛzɩma lɩmɖʋyʋ pɩzɩɣ nɛ ɛtɔɔ kewiyitu awumbiya yɔɔ!+
11 Toovenim lɛ, ɛyʋ ɛwɛ lɛɣtʋ yɔ ɛɛkɔʋ pana lɛɛ lɛɛ;+Nɛ samtʋ pɩkɛnɩ ɛyʋ se ɛsɔɔ* ɖɩwɩzɩyɛ nɖɩ paɖʋ-ɩ yɔ ɖɩ-yɔɔ.*+
12 Wiyaʋ pana wɛ ɛzɩ mʋʋzʋʋ* kubuka yɔ;+Ɛlɛ ɛnaɣ pʋtɔdɩyɛ naʋ mbʋ yɔ, pɩwɛ ɛzɩ ɖoluu ñɩtʋ yɔɔ yɔ.
13 Pɩɣa kɩmɛlɛŋ kɔŋnɩ kʋñɔŋ ka-caa yɔɔ,+Nɛ halʋ ñaɖʋʋ tʋ* wɛ ɛzɩ kuduyuu ŋgʋ kiluluu tam yɔ.+
14 Ðɩsɩ nɛ ñɩm kɛ mbʋ caanaa yekini pe-piya yɔ,Ɛlɛ halʋ lɔŋsɩnɖʋ lɛ, Yehowa haɣna.+
15 Feendu kɔŋnɩ ɖom cukaŋ ñɩmbʋ,Nɛ ɛyʋ weyi ɛwɛ* ninika yɔ, ñɔɔsɩ kaɣ-ɩ wɩʋ.+
16 Weyi ɛɖɔŋ paɣtʋ yɔɔ yɔ, ɛɖɔkʋʋ e-wezuu;*+Weyi ɛlakɩ kaakendu ɛ-ɖɔnɛ taa yɔ, ɛkaɣ sɩbʋ.+
17 Weyi ɛnaɣ kʋñɔndʋ pʋtɔdɩyɛ yɔ, ɛkɩndɩɣ Yehowa,+Nɛ ɛlɛ kaɣ-ɩ hɛyʋʋ mbʋ ɛlaba yɔ pɩ-yɔɔ.*+
18 Hɔ ña-pɩɣa nɩŋgbaŋʋʋ* alɩwaatʋ ndʋ lidaʋ kpɛndɩ kɩwɛɛ yɔ,+Nɛ ka-sɩm ɛtaalɩɩnɩ ñɔ-cɔlɔ.*+
19 Weyi ɛkɔʋ pana lɛɛ lɛɛ yɔ, ɛkaɣ hiɣu pɩ-kɛzɛɣa;Ye ŋñɩnɩɣ se ŋsɩnɩ-ɩ nɛ ɛfɛɛ pɩ-kɛzɛɣa yɔ, ŋkaɣ labʋ mbʋ tam sakɩyɛ.+
20 Welisi lɔŋ tasʋʋ nɛ ŋmʋ lɔŋ sɩɣzʋʋ+Nɛ ŋpɩsɩ lɔŋsɩnɖʋ cee wayɩ.+
21 Ɛyʋ lakɩ ɖʋtʋ sakɩyɛ ɛ-laŋɩyɛ taa,Ɛlɛ Yehowa sɔɔlɩm kaɣnɩ labʋ.*+
22 Mbʋ pɩwɛ ɖeu ɛyʋ yɔɔ yɔ, mbʋ lɛ ɛ-sɔɔlɩm siɣsiɣ ñɩmbʋ;+Pɩwɛ weewee se ɛyʋ ɛkɛ kʋñɔndʋ nɛ pɩkɩlɩ se ɛkɛ cɛtɩyʋ.
23 Yehowa sɔɔndʋ seu haɣnɩ wezuu;+Weyi ɛwɛnɩ-pʋ yɔ ɛkaɣ hiɣu hɛzɩyɛ, nɛ kɩdɛkɛdɩm nabʋyʋ ɛɛtalɩɣ-ɩ.+
24 Feendu tʋ tisiɣ e-nesi tɔɔnaɣ ñanaɣ taa,Ɛlɛ ɛɛtɩɩñakɩ pana se ɛpɩsɩnɩ-sɩ ɛ-nɔɔ taa.+
25 Ma ɛyaa woŋiyu,+ se pɩsa nɛ weyi ɛfɛyɩnɩ lɛɣtʋ yɔ ɛpɩsɩ lɔŋsɩnɖʋ,+Kalɩ weyi ɛwɛnɩ tɔm taa nɩʋ lɛɣtʋ yɔ nɛ ɛsɔzɩ ɛ-sɩmtʋ yɔɔ.+
26 Weyi ɛlakɩ ñaŋ ɛ-caa nɛ ɛɖɔɔnʋʋ e-ɖoo yɔ,Ɛkɛ pɩɣa ŋga kɔkɔŋnɩ fɛyɛ nɛ nimtu yɔ.+
27 Man-pɩyalʋ, ye ŋkizi welisuu lɔŋ sɩɣzʋʋ yɔ,Ŋkaɣ ña-tɩ posinuu sɩmtʋ tɔm.
28 Aseɣɖe tʋ weyi ɛɛwazɩɣ pʋyʋ yɔ, ewoŋuu siɣsiɣ tɔm;+Nɛ kañatʋ tɩnaa liki kɩdɛkɛdɩm.+
29 Tɔm hʋʋ ɖaŋnɩ ɛyaa woŋiyu,+Nɛ kɩmakʋ ɖaŋnɩ kɩmɛlɛŋ siɣye.+
Pɩ-tɛɛ tɔm
^ Yaa «kalɩzaɣ nakɛyɛ.»
^ Piye piye, «ɛ-laŋɩyɛ taa.»
^ Yaa «ɛkɛdɩnɩ kʋjɔʋ laɖʋ.»
^ Piye piye, «ɛkaɣ hiɣu kɩbam.»
^ Yaa «ɛ-kalɩzaɣ.»
^ Piye piye, «laŋɩyɛ.»
^ Piye piye, «ɛmaa.»
^ Yaa «ɛsɔɔ kɩdɛkɛdɩm mbʋ palabɩ-ɩ yɔ pɩ-yɔɔ.»
^ Yaa «mʋʋzʋʋ ŋgʋ kɩwɛnɩ kpɛm ki-pondone yɔɔ yɔ.»
^ Yaa «halʋ weyi ɛhɔŋ tɔm tam yɔ.»
^ Yaa «kalɩzaɣ ŋga kɛwɛ.»
^ Yaa «ɛ-kalɩzaɣ.»
^ Yaa «kaɣ-ɩ pɩsɩnʋʋ mbʋ ɛlaba yɔ.»
^ Yaa «Sɩɣzɩ ña-pɩɣa lɔŋ.»
^ Yaa «Nɛ taasɔɔlɩ ka-sɩm.»
^ Yaa «Yehowa tamaɣ kaɣnɩ wabʋ.»
