Aduwa 2:1-22
2 Man-pɩyalʋ, ye ŋmʋʋ mɔn-tɔmNɛ ŋɖɔkʋʋ man-paɣtʋ ɛzɩ ñɩm pʋyʋ,+
2 Nɛ ŋkʋŋ nɩŋgbaŋʋʋ nɛ lɔŋsɩnɖɛ+Nɛ ŋkuluu ña-laŋɩyɛ se ŋkpɛlɩkɩ lɛɣtʋ yɔ;+
3 Pɩtasɩ lɛ, ye ŋyaɣ tɔm taa nɩʋ lɛɣtʋ+Nɛ ŋmakɩ kubusi nɛ ŋyaɣ lɛɣtʋ yɔ;+
4 Ye ŋwɛ pɩtɩŋa mbʋ yɔ pɩ-ñɩnʋʋ yɔɔ ɛzɩ pañɩnʋʋ liidiye yɔ,+Nɛ ŋwɛɛ pɩ-ñɩnʋʋ yɔɔ ɛzɩ pañɩnʋʋ tɛtɛɛ ñɩm yɔ,+
5 Ðɩnɛ ɛlɛ ŋkaɣ nɩʋ Yehowa sɔɔndʋ seu tɔbʋʋ,+Nɛ ŋkaɣ Ɛsɔ sɩm.+
6 Mbʋ pʋyɔɔ yɔ Yehowa maɣmaɣ haɣnɩ lɔŋsɩnɖɛ;+Ɛ-nɔɔ taa sɩmtʋ nɛ lɛɣtʋ palɩɣna.
7 Ɛñɔɔzʋʋ lɔŋsɩnɖɛ nɖɩ ɖɩwazɩɣ yɔ nɛ ɛsɩɣ ɛyaa siɣsiɣ tɩnaa;Ɛkɛ mba pɔɖɔŋ cɩŋgɩlɩm wɛtʋ taa yɔ pa-kpayʋʋ.+
8 Ɛcɔŋnɩ siɣsiɣ wɛtʋ nʋmɔŋ yɔɔ,Nɛ ɛkaɣ kandɩyʋʋ ɛ-ɛyaa siɣsiɣ tɩnaa nʋmɔʋ yɔɔ.+
9 Ðɩnɛ ɛlɛ ŋkaɣ nɩʋ mbʋ pɩwɛ siɣsiɣ, mbʋ pɩtʋʋzaa nɛ mbʋ pɩwɛ yiɣ yiɣ yɔ pʋ-tɔbʋʋ,Ŋkaɣ nɩʋ nʋmɔʋ kɩbaŋʋ tɔbʋʋ.+
10 Alɩwaatʋ ndʋ lɔŋsɩnɖɛ sʋʋ ña-laŋɩyɛ taa,+Nɛ sɩmtʋ paɣzɩ kɛdɩnʋʋ ña-kalɩzaɣ* lɛ,+
11 Ŋkaɣ pɩzʋʋ nɛ ŋmaɣzɩ camɩyɛ nɛ pihuuzi ñɔ-yɔɔ,+Nɛ lɛɣtʋ kaɣ ñɔ-yɔɔ kandɩyʋʋ,
12 Se piholi-ŋ nʋmɔʋ kɩdɛkɛdʋʋ taa,Se piholi-ŋ ɛyʋ weyi ɛyɔɔdʋʋ tɔm kɩdɛkɛdɩtʋ yɔ e-nesi tɛɛ,+
13 Se piholi-ŋ mba peyeki nʋmɔŋ weyi ɩwɛ siɣsiɣ yɔNɛ pɔɖɔŋ cɩkpɛndʋʋ nʋmɔŋ taa yɔ pe-nesi tɛɛ,+
14 Se piholi-ŋ mba kɩdɛkɛdɩm labʋ kɛdɩnɩ-wɛ yɔ pe-nesi tɛɛ,Mba panɩɣ leleŋ nɛ lakasɩ kɩdɛkɛdɩsɩ sɔsɔsɩ yɔ,
15 Mba pa-nʋmɔŋ tɩtʋʋzɩNɛ paapɩzɩɣ nɛ pataa-wɛ liu yɔ.
16 Lɔŋsɩnɖɛ kaɣ ña-ñʋʋ yabʋ halʋ acɛyɛ tʋ* nesi tɛɛ,Ðɩkaɣ yebu nɛ ŋŋtɔlʋʋ halʋ weyi ɛcakɩ wezuu kɩdɛkɛdʋʋ yɔ,* ɛ-tɔm leleŋ ñɩndʋ kpaca taa,*+
17 Ɛnʋ weyi eyeki ɛ-pɛlɛtʋ taa taabalʋ kɩbanʋ*+Nɛ ɛsɔʋ ɛ-Ɛsɔ ɛgbɛyɛ yɔɔ yɔ;
18 Mbʋ pʋyɔɔ yɔ ɛ-ɖɩɣa tiki nɛ kacaɣ sɩm taa,Nɛ ɛ-nʋmɔŋ wokini ɛyʋ mba pasɩba nɛ pɛfɛyɩnɩ ɖoŋ nɩɩyɩ yɔ pɔ-cɔlɔ.+
19 Mba payɩ pasʋʋnɩ-ɩ yɔ* pa-taa nɔɔyʋ ɛɛkaɣ pɩsʋʋ,Nɛ paakaɣ tasʋʋ naʋ wezuu nʋmɔŋ.+
20 Pʋyɔɔ lɛ, ɖɔ ɛyaa kɩbama nʋmɔʋ taa,Wɛɛ ɛyaa siɣsiɣ tɩnaa nʋmɔŋ taa,+
21 Mbʋ pʋyɔɔ yɔ ɛyaa siɣsiɣ tɩnaa ɖeke kaɣnɩ caɣʋ tɛtʋ yɔɔ,Nɛ mba pɛfɛyɩnɩ kɩwɛɛkɩtʋ natʋyʋ yɔ* mba kaɣnɩ kazʋʋ tɩ-yɔɔ.+
22 Piyele nɛ kañatʋ tɩnaa yɔ, pakaɣ-wɛ ɖɩzʋʋ tɛtʋ yɔɔ,+Nɛ pakaɣ pɩ-tɛɛ nɛ pɩ-yɔɔ tɩnaa kpɛzʋʋ tɩ-yɔɔ.+
Pɩ-tɛɛ tɔm
^ Cɔnɩ Tɔm pee sɔsɔna tɔbʋʋ lɩzʋʋ.
^ Piye piye, «halʋ ɛgɔm.» Pɩtʋʋ fɛyɩ se pɩkɛɣnɩ halʋ weyi eposini Ɛsɔ, wezuu kɩbaŋʋ caɣʋ hɔɔlʋʋ taa yɔ.
^ Piye piye, «halʋ agbaaɣdaa tʋ.» Pɩtʋʋ fɛyɩ se pɩkɛɣnɩ halʋ weyi eposini Ɛsɔ, wezuu kɩbaŋʋ caɣʋ hɔɔlʋʋ taa yɔ.
^ Yaa «ɛ-tɔm ndʋ epeɣziɣni ɛyaa yɔ tɩ-kpaca taa.»
^ Yaa «ɛ-pɛlɛtʋ taa walʋ.»
^ Piye piye, «Mba payɩ pasʋʋ ɛ-cɔlɔ yɔ.»
^ Yaa «mba pɔɖɔkʋʋ pa-cɩŋgɩlɩm wɛtʋ yɔ.»
