Aduwa 26:1-28
26 Ɛzɩ ɖɔmbɛɛ wɛʋ soŋaɣ alɩwaatʋ taa, nɛ ɛzɩ tɛʋ wɛʋ kʋmtʋ alɩwaatʋ taa yɔ,
Mbʋ ɖɔɖɔ kɩmɛlɛŋ tɩmʋnɩ hɩɖɛ ɖʋʋ.+
2 Sumaɣ eeseɣ yem falaa, nɛ canjaafuwa ɛɛkʋyʋʋ helim taa yem falaa,Mbʋ ɖɔɖɔ paalɔʋ ɛyʋ yɔɔ nɔɔ kɩdɛkɛdaɣ yem falaa.*
3 Kpaŋnʋ poluu ɛgbazɩyɛ, kpaŋaɣ nɔɔ paɖʋʋ ñɩɣtʋ,+Nɛ kɩmɛlɛmɩŋ siɣye wayɩ poluu ɖaʋ.+
4 Taacosi kɩmɛlɛŋ kɩ-kɩmɛlɛndʋ nɔɔ taa,Pɩtɩkɛ mbʋ yɔ, ŋpɩsɩɣ ña-tɩ kɩ-ɖaɣʋ.*
5 Cosi kɩmɛlɛŋ kɩ-kɩmɛlɛndʋ nɔɔ taa,Pɩtɩkɛ mbʋ yɔ, kɩkaɣ maɣzʋʋ se kɩwɛ lɔŋ.+
6 Weyi ɛtaɣ kɩmɛlɛŋ liu nɛ ɛɖʋzɩ nabʋyʋ ki-nesi taa yɔ,Ɛwɛ ɛzɩ weyi ɛsɛtɩɣ ɛ-nɩŋgbanzɩ nɛ ɛɖʋʋ ɛ-tɩ wɩzasɩ yɔ.*
7 Eduuye nɖɩ ɖɩlɩɣnɩ kɩmɛlɛŋ nɔɔ taa yɔ,Ðɩwɛ ɛzɩ nɩŋgbaŋaɣ tʋ nɩŋgbanzɩ nzɩ sɩcamaa yɔ.*+
8 Ye paha samtʋ kɩmɛlɛŋ yɔ,Pɩwɛ ɛzɩ pɔhɔkʋʋ pɩyɛ pʋtɔɖɛ taa yɔ.+
9 Kɩmɛlɛŋ nɔɔ taa eduuye wɛ ɛzɩSɔɔ cɔkɔyɛ nɖɩ ɖɩwɛ weyi sʋlʋm kʋʋ-ɩ yɔ e-nesi taa yɔ.
10 Weyi ɛmʋʋ abaa kɩmɛlɛŋ yaa nʋmɔɖɔnaa yɔ,Ɛwɛ ɛzɩ tɔŋ tɔyʋ weyi ɛɖʋʋ ɛyaa heŋ yem yem yɔ.*
11 Kɩmɛlɛŋ ɖaɣnɩɣ kɩ-kɩmɛlɛndʋ labʋƐzɩ haɣ ŋga kapɩsɩ kɔ-tɔtʋ wayɩ yɔ.+
12 Ŋtɛm naʋ ɛyʋ weyi ɛmaɣzɩɣ se ɛkɛ lɔŋsɩnɖʋ yɔ?+
Kɩmɛlɛŋ wɛnɩ lidaʋ nɛ pɩkɩlɩ ɛyʋ ɛnʋ.
13 Feendu tʋ tɔŋ se: «Mʋʋzʋʋ* wɛ nʋmɔʋ taa,Mʋʋzʋʋ wɛ samaɣ kadaɣ taa!»+
14 Ɛzɩ pɔɔyʋʋ cɔɔʋ ñɩma wena a-yɔɔ paɖʋ-kʋ yɔ a-yɔɔ tam yɔ,Mbʋ ɖɔɖɔ feendu tʋ mɩlɩtɩɣ ɛ-tɩ ɛ-ñalʋʋ yɔɔ.+
15 Feendu tʋ tisiɣ e-nesi tɔɔnaɣ ñanaɣ taa,Ɛlɛ ɛzɩma ɛla nɛ ɛpɩsɩnɩ-sɩ ɛ-nɔɔ taa yɔ, pɩcaɣ-ɩ kaɖɛ kpem.+
16 Feendu tʋ maɣzɩɣ se ɛsɩm lɔŋ nɛ pɩkɩlɩƐyaa 7 mba pocosi tɔm yɔɔ nɛ lɛɣtʋ yɔ.
17 Weyi eɖiɣni ɖɔm nɛ ɛɖɛɣ nɛ ɛnɩɩ you nakʋyʋ taŋ ɛlɛ kititukuni-i nɛ ɛkɔ pana yɔ,*Ɛwɛ ɛzɩ weyi ɛɖɔkɩ haɣ nɩŋgbaaŋ cɩŋ cɩŋ yɔ.+
18 Ɛzɩ kpaanzɩyʋ weyi ɛtɔʋ miŋ ñɩma, nɛ tɔʋ ñɩma wena akʋʋ ɛyʋ yɔ* ɛwɛʋ yɔ,
19 Mbʋ keekee ɛyʋ weyi epeɣziɣ e-koobu nɛ ɛtɔŋ se: «Meleɣyaɣ kileɣyu!» yɔ ɛwɛɛ.+
20 Miŋ ɖeŋ ɖenɖe ɖasɩ fɛyɩ yɔ,Nɛ you sɩɣ tɩnaɣ ɖenɖe kɔlɔmɔtʋ tʋ nɔɔyʋ fɛyɩ yɔ.+
21 Ɛzɩ pɔsɔzʋʋ aka miŋ mamala yɔɔ nɛ amʋʋ, nɛ paɖʋʋ ɖasɩ miŋ taa nɛ ɛmʋʋ yɔ,Mbʋ ɖɔɖɔ ñaɖʋʋ tʋ seɣtiɣ you.+
22 Kɔlɔmɔtʋ tʋ tɔm wɛ ɛzɩ tɔɔnaɣ leleŋ ñɩŋga yɔ;*Peliki-kɛ nɛ ketiki ɖooo lotu taa kpaagbaa.+
23 Tɔm kɩbandʋ* ndʋ tɩlɩɣnɩ laŋɩyɛ kɩdɛkɛdɩyɛ taa yɔ,Tɩwɛ ɛzɩ liidiye nɖɩ poyolisaa nɛ pataa cʋʋ wonuu nakʋyʋ salaɣ yɔɔ yɔ.+
24 Weyi ɛpaɖɩɣ lalaa yɔ, ɛ-tɔm pee ekendiɣni ɛ-paɖɩyɛ yɔɔ,Ɛlɛ pɔbɔtʋ suni ɛ-laŋɩyɛ taa.
25 Paa ɛ-tɔm ɛwɛ leleŋ yɔ, taataa-ɩ liu,Mbʋ pʋyɔɔ yɔ wondu 7 ndʋ tɩcaɣ kiniŋ yɔ tɩwɛ ɛ-laŋɩyɛ taa.*
26 Paa epeɣziɣ ɛyaa nɛ ehuuzuuni ɛ-paɖɩyɛ yɔɔ yɔ,Ɛ-kɩdɛkɛdɩm yɔɔ kaɣ kuluu kaɣlaa samaɣ taa.
27 Weyi ehuyuu pɔʋ yɔ, ɛ-maɣmaɣ ɛkaɣnɩ tɔlʋʋ kɩ-taa,Nɛ weyi epilisiɣ pɩyɛ naɖɩyɛ nɛ ɖɩɖɛɛ yɔ, ɖɩkaɣ pɩsɩnʋʋ ɛ-maɣmaɣ ɛ-yɔɔ nɛ ɖɩtɔyɩtɩ-ɩ.+
28 Nzʋlʋmɩyɛ nɖɩ ɖɩcɛtɩɣ yɔ, ɖɩpaɖɩɣ mba ɖɩtɔyɩtaa yɔ;Nɛ nɔɔ leleŋ tɔm* kɔŋnɩ asɛyʋʋ.+
Pɩ-tɛɛ tɔm
^ Pɩpɩzɩɣ pɩkɛ, «Mbʋ ɖɔɖɔ ye pɔlɔ ɛyʋ yɔɔ nɔɔ kɩdɛkɛdaɣ nɛ ɛtɩmʋnɩ-kɛ yɔ, piiyou-i.»
^ Yaa «Ŋlabɩ mbʋ yɔ, ña nɛ kʋ ɩwɛɣ kɩmaŋ.»
^ Piye piye, «nɛ ɛñɔʋ puuyaɣ yɔ.»
^ Yaa «nzɩ sɩpaɣ yɔ.»
^ Yaa «weyi ɛɖʋʋ ɛyaa tɩŋa heŋ yɔ.»
^ Mʋʋzʋʋ ŋgʋ kɩ nɛ ki-ɖoŋ nɛ kɩtɩkpadɩyɩ yɔ kɩ-tɔm pɔyɔɔdʋʋ.
^ Pɩpɩzɩɣ pɩkɛ, «nɛ ɛɖʋ ɛ-nɔɔ kɩ-taa yɔ.»
^ Yaa «nɛ tɔʋ ñɩma nɛ sɩm yɔ.»
^ Yaa «wɛ ɛzɩ mbʋ pɩwɛɛ se pelibi-pʋ nɛ kujonjoŋ yɔ.»
^ Piye piye, «Ndomee wena ayɔɔdʋʋ tɔm leleŋ ñɩndʋ.»
^ Yaa «Mbʋ pʋyɔɔ yɔ ɛ-laŋɩyɛ pilim caɣ kiniŋ.»
^ Pɩkɛ tɔm ndʋ ɛyʋ yɔɔdʋʋ se epeɣzini lɛlʋ yaa se eyele nɛ ɛ-tɔm kɛdɩnɩ ɛlɛ yɔ.
