Aduwa 3:1-35
3 Man-pɩyalʋ, taasɔɔ tɔm ndʋ mawɩlɩɣ-ŋ yɔ tɩ-yɔɔ,*Ña-laŋɩyɛ ɛɖɔ man-paɣtʋ yɔɔ,
2 Mbʋ pʋyɔɔ yɔ tɩkaɣ-ŋ sɔzʋʋ kɩyakɩŋ sakɩyɛ,Wezuu pɩnzɩ sakɩyɛ nɛ laŋhɛzɩyɛ.+
3 Taayele nɛ sɔɔlɩm siɣsiɣ ñɩmbʋ nɛ siɣsiɣ wɛtʋ* ɖɛɛ ñɔ-cɔlɔ.+
Ta pɩtɩŋa mbʋ yɔ ñe-liu tɛɛ;Ma-pʋ ña-laŋɩyɛ taa;*+
4 Ðɩnɛ ɛlɛ ñɔ-tɔm kaɣ kɛdɩnʋʋ Ɛsɔ nɛ ɛyaaNɛ ŋkaɣ wɛnʋʋ tɔm taa nɩʋ lɛɣtʋ Ɛsɔ nɛ ɛyaa pɛ-ɛsɩndaa.+
5 Taa Yehowa liu+ nɛ ña-laŋɩyɛ kpeekpe,Nɛ taataa ña-maɣmaɣ ñɔ-tɔm taa nɩʋ lɛɣtʋ liu.*+
6 Maɣzɩ ɛ-yɔɔ ñɔ-ɖɔnɛ kpeekpe taa,+Nɛ ɛkaɣ labʋ nɛ ña-nʋmɔŋ tʋʋzɩ.+
7 Taakɛ lɔŋsɩnɖʋ ña-maɣmaɣ ñɛ-ɛsɩndaa.+
Se Yehowa sɔɔndʋ nɛ ŋha siɣye kɩdɛkɛdɩm.
8 Pɩkaɣ waʋ ño-tomnaɣ*Nɛ pɩkaɣ kpazʋʋ ɖoŋ ñɔ-mɔɔ.
9 Kpaɣ ño-wondu ndʋ tɩmʋ ñɩm nɛ pɩkɩlɩ yɔ nɛ ŋɖʋnɩ Yehowa hɩɖɛ,+Kpaɣ ñɔ-tɔɔnaɣ kpeekpe taa* kajalaɣ tɔɔnaɣ pee* nɛ ŋɖʋnɩ-ɩ hɩɖɛ;+
10 Ðɩnɛ ɛlɛ ño-kpoŋ kaɣ suu ɖo,+Nɛ vɛɛ kɩfalʋʋ kaɣ suu ñɛ-pɛŋ* taa nɛ pɩwadɩ.
11 Man-pɩyalʋ, taalɔ Yehowa lɔŋ sɩɣzʋʋ,+Nɛ taani ɛ-nɩŋgbaŋʋʋ hɔmtʋ,+
12 Mbʋ pʋyɔɔ yɔ mba Yehowa sɔɔlɩ-wɛ yɔ, pa-nɩŋgbaŋʋʋ ɛhɔŋ,+Ɛzɩ caja hɔŋʋʋ ɛ-pɩyalʋ weyi ɛ-tɔm kɛdɩnɩ-ɩ yɔ ɛ-nɩŋgbaŋʋʋ yɔ.+
13 Koboyaɣ tʋ lɛ ɛyʋ weyi ehiɣ lɔŋsɩnɖɛ yɔ,+Nɛ koboyaɣ tʋ lɛ ɛyʋ weyi ɛwɛnɩ lɛɣtʋ yɔ;
14 Ye ɛyʋ ɛwɛnɩ-ɖɩ yɔ pɩwɛ ɖeu nɛ pɩkɩlɩ se ɛwɛɛnɩ liidiye,Nɛ ye ɛyʋ ehiɣ-ɖɩ nɛ pɩkɛnɩ-ɩ kɛzɛɣa yɔ pɩwɛ ɖeu nɛ pɩkɩlɩ se ehiɣ sika.+
15 Ðɩmʋ ñɩm nɛ pɩkɩlɩ ñɩɣlɩm;*Paapɩzɩɣ nɛ pakpaɣ mbʋ ñe-liu wɛɛ yɔ pɩ-taa nabʋyʋ nɛ pamaɣzɩnɩ-ɖɩ.
16 Wezuu kɩɖaɣlʋʋ wɛ ɖi-nesi kɩbanzɩ taa;Ñɩm nɛ samtʋ wɛ ɖɩ-nɩmɩyɛ taa.
17 Ðɩ-nʋmɔŋ wɛ ɖeu,Nɛ laŋhɛzɩyɛ wɛ ɖɩ-nʋmɔsɔkasɩ kpeekpe taa.+
18 Ðɩkɛ wezuu tɩʋ mba pɔɖɔkʋʋ-ɖɩ yɔ,Nɛ mba pɔñɔʋnɩ-ɖɩ kpam yɔ, pakaɣ-wɛ yaʋ se koboyaɣ tɩnaa.+
19 Lɔŋsɩnɖɛ Yehowa sɩnɩ tɛtʋ tigiɖe.+
Lɛɣtʋ ɛcaɣzɩnɩ ɛsɔdaa camɩyɛ.+
20 Ɛ-sɩmtʋ ɛtayɩnɩ lɩm cukaŋ ñɩmbʋ taaNɛ tɩ-yɔɔ ɛtɩŋnaa nɛ ɛla nɛ ɖoluu lɩɣnɩ mɩndʋ taa ɛsɔdaa nɛ kitosuu.+
21 Man-pɩyalʋ, ñɛ-ɛsa itaaposini-tʋ.*
Ðɔkɩ lɔŋsɩnɖɛ nɖɩ ɖɩwazɩɣ yɔ nɛ lɛɣtʋ ndʋ tɩsɩɣnɩ ɛyʋ se ɛmaɣzɩ ɛ-ñʋʋ taa camɩyɛ yɔ kpam;
22 Pɩkaɣ-ŋ haʋ* wezuu
Nɛ pɩkaɣ kɛnʋʋ lɩtʋ ñe-liu tɛɛ;
23 Ðɩnɛ ɛlɛ ŋkaɣ ɖɔm ña-nʋmɔʋ taa pɛɛyɛ taa,Nɛ pɩɩkaɣ-ŋ tuuluu* kpa.+
24 Ŋhɩnɩɣ lɛ, sɔɔndʋ natʋyʋ ɛɛkaɣ-ŋ kpaʋ,+Ŋkaɣ hɩnʋʋ nɛ ño-ɖom la leleŋ.+
25 Sɔɔndʋ ɛɛkaɣ-ŋ kpaʋ se asɛyʋʋ nakʋyʋ kaatalɩ-ŋ tuda,+Sɔɔndʋ ɛɛkaɣ-ŋ kpaʋ ɖɔɖɔ nɛ tɛʋ ŋgʋ kɩnɩɣnɩ helim sɔsɔm nɛ kiɖiɣni kɔm kañatʋ tɩnaa yɔɔ yɔ.+
26 Mbʋ pʋyɔɔ yɔ Yehowa kaɣnɩ kɛʋ ñe-lidaʋ hiɖe;+Ɛkaɣ kandɩyʋʋ ña-nɩŋgbaŋaɣ yɔɔ se kataaɖʋ kpaca taa.+
27 Taakizi kɩbandʋ labʋ mba pɩwɛɛ se ŋlabɩ-wɛ pʋ yɔ+Ye ŋpɩzɩɣ* se ŋsɩnɩ-wɛ yɔ.+
28 Ye ŋpɩzɩɣ se ŋha ño-koobu mbʋ ɛpɔzʋʋ-ŋ yɔ kpaagbaa yɔ,Taaheyi-i se: «Wolo; pʋwayɩ lɛ ŋŋpɩsɩ nɛ ŋkɔɔ! Cee lɛ maaha-ŋ mbʋ ŋpɔzʋʋ yɔ.»
29 Taata tamaɣ kɩdɛkɛdaɣ ɛyʋ lɛlʋ yɔɔ+Alɩwaatʋ ndʋ ɛwɛ ñɔ-cɔlɔ nɛ ɛtaɣ-ŋ liu yɔ.
30 Ye ɛyʋ ɛtɩlabɩ-ŋ kɩdɛkɛdɩm yɔ,+Ña nɛ ɩ itaayoo falaa yem.+
31 Taaɖʋ ɛsɩyɛ puuyaɣ tʋ yɔɔ+Nɛ taatɩŋ ɛ-nʋmɔʋ nakʋyʋ,
32 Mbʋ pʋyɔɔ yɔ Yehowa paɖɩɣ pɩ-tɛɛ nɛ pɩ-yɔɔ tʋ,+Ɛlɛ ɛɖʋʋ taabalɩyɛ kɩbanɖɛ nɛ ɛyʋ siɣsiɣ tʋ.+
33 Yehowa lɔʋ nɔɔ kɩdɛkɛdaɣ kañatʋ tʋ ɖɩɣa yɔɔ,+Ɛlɛ ɛwazɩɣ ɛyʋ siɣsiɣ tʋ ɖɩɣa.+
34 Mbʋ pʋyɔɔ yɔ ehoŋuu mba pohoŋuu lalaa yɔ,+Ɛlɛ ɛnaɣ mba poluzuu pa-tɩ yɔ pa-pʋtɔdɩyɛ.+
35 Lɔŋsɩnɖaa kaɣ hiɣu samtʋ,Ɛlɛ kɩmɛlɛmɩŋ saŋ mbʋ pɩɖʋʋ ɛyʋ fɛyɛ yɔ.+
Pɩ-tɛɛ tɔm
^ Yaa «taasɔɔ man-paɣtʋ yɔɔ.»
^ Yaa «nɛ toovenim.»
^ Piye piye, «ña-laŋɩyɛ kpenzalaɣ yɔɔ.»
^ Piye piye, «taatɩlɩsɩnɩ ña-maɣmaɣ ñɔ-tɔm taa nɩʋ lɛɣtʋ.»
^ Piye piye, «ño-cuuɖe.»
^ Yaa «ñɔ-tɔɔnaɣ kpeekpe taa mbʋ pɩkɩlɩ ɖeu yɔ.»
^ Yaa «mbʋ ŋhiɣaa yɔ pi-kpeekpe pɩ-taa.»
^ Yaa «ñe-viiñi pee ɖɩfɛyɩyɛ.»
^ Cɔnɩ Tɔm pee sɔsɔna tɔbʋʋ lɩzʋʋ.
^ Pɩtʋʋ fɛyɩ se Ɛsɔ wɛtʋ kɩbandʋ ndʋ tɩ-tɔm pɔyɔɔdɩ masɩ nzɩ sɩɖɛwa yɔ sɩ-taa yɔ, tɩ-tɔm pɔyɔɔdʋʋ.
^ Yaa «Pɩkaɣ haʋ ña-kalɩzaɣ.»
^ Yaa «ña-nɩŋgbaŋaɣ ɛɛkaɣ mabɩnʋʋ nabʋyʋ.»
^ Yaa «Ye ñe-nesi ɛpɩzɩɣ.»
