Aduwa 7:1-27
7 Man-pɩyalʋ, ɖɔ mɔn-tɔm yɔɔ,Ðɔkɩ man-paɣtʋ camɩyɛ ɛzɩ ñɩm sɔsɔm yɔ.+
2 Ðɔkɩ man-paɣtʋ nɛ ŋwɛɛ wezuu;+Kandɩyɩ tɔm ndʋ mɛnkpɛlɩkɩɣ-ŋ yɔ tɩ-yɔɔ* ɛzɩ ñɛ-ɛsɩyɛ piye yɔ.
3 Hɔkɩ-tʋ ñe-niwee yɔɔ kpɛɛɛ;Ma-tʋ ña-laŋɩyɛ taa.*+
4 Heyi lɔŋsɩnɖɛ se: «Ŋkɛ mɔn-kɔɔ,»Nɛ ŋyaa tɔm taa nɩʋ lɛɣtʋ se «mɔ-hɔʋ taa tʋ,»
5 Nɛ pɩkandɩyɩ ñɔ-yɔɔ nɛ ŋtaatɔlɩ halʋ acɛyɛ tʋ* kpaca taa,+Nɛ ŋtaatɔlɩ halʋ weyi ɛcakɩ wezuu kɩdɛkɛdʋʋ yɔ* ɛ-kpaca taa, nɛ ɛ-tɔm leleŋ ñɩndʋ kpaca taa.*+
6 Maawɛ man-ɖɩɣa mondoɖebɔʋ nɔɔ,Nɛ mɔncɔŋnɩnɩ mondoɖebɔʋ.*
7 Mɔncɔŋnaɣ ɛyaa mba pɛfɛyɩnɩ lɛɣtʋ yɔ lɛ,Mana evebu nɔɔyʋ evebiya taa, ɛ-ñʋʋ taa fɛyɩ.*+
8 Ɛkpaɣ nʋmɔʋ ŋgʋ kiwoki nʋmayasa wena añɔtɩnɩ halʋ hayitu laɖʋ ɖɩɣa kpam yɔ,Nɛ ɛɖɔ nɛ ewobini halʋ ɛnʋ ɛ-ɖɩɣa yɔɔ kiŋ
9 Ðanaɣ yɔɔ, alɩwaatʋ ndʋ wɩsɩ ɖʋwa yɔ,+Ðoo caɣaɣ yuu nɛ cɩkpɛndʋʋ kaapaɣzɩ kɔm.
10 Pʋwayɩ lɛ, mana halʋ lɩwa nɛ ɛkatɩ-ɩ,Eesu wondu ɛzɩ hayitu laɖʋ yɔ,*+ nɛ ɛ-laŋɩyɛ taa nɛ ajitu.
11 Ɛyakɩ kɔkɔɖɛ nɛ ɛcaɣ tɔm.+
Ɛɛcakɩ ɖɩɣa* kpa.
12 Ŋnaɣ-ɩ nɛ awayɩ lɛɛlɛɛyɔ lɛɛlɛɛyɔ, pʋwayɩ lɛ ɛnʋ lɛ samaɣ kadasɩ taa,Efeŋiɣ nʋmayasa ana a-tɩŋa a-taa.+
13 Ɛɖɔkɩ evebu nɛ ɛmʋzɩ ɛ-nɔɔ;Fɛyɛ fɛyɩ ɛ-ɛsɩndaa; eheyi evebu se:
14 «Pɩɩwɛɛ se malaa laŋhɛzɩyɛ kɩlaŋ.+
Sɔnɔ, mɔnɖɔm mon-ɖuutu yɔɔ.
15 Pʋyɔɔ malɩwa se mankatɩ-ŋ,Malɩwa se mañɩnɩ-ŋ, nɛ lɛɛlɛɛyɔ lɛ mana-ŋ!
16 Mɔnpɔ pɩsaŋ kɩbaŋ man-kaɖʋ yɔɔ,Pɩsatʋ pɩsaŋ* weyi pata-ɩ tɔlɩm nɛ ɩlɩnɩ Ejipiti yɔ.+
17 Mamɩzɩ miiri tɩlaaɖɩ, alowɛɛsɩ tɩlaaɖɩ nɛ kanɛɛlɩ tɩlaaɖɩ man-kaɖʋ yɔɔ.+
18 Kɔɔ nɛ ɖɩñɔɔ sɔɔlɩm nɛ tɛʋ kɔɔ nɛ kife;Kɔɔ nɛ ɖɩnɩɩ sɔɔlɩm leleŋ siŋŋ,
19 Mbʋ pʋyɔɔ yɔ ma-walʋ fɛyɩ ɖɩɣa;Ɛɖɛ nʋmɔʋ ɖooo poliŋ.
20 Ɛɖɛɣaɣ lɛ, ɛkpɛndɩnɩ liidiye huyuu,Fenaɣ kaɣ siɣu pʋcɔ nɛ ɛpɩsɩ.»
21 Halʋ heyi-i tɔm ndʋ tipeɣziɣ yɔ nɛ elesini-i.+
Epeɣzi-i nɛ tɔm leleŋ ñɩndʋ.
22 Kpaagbaa mbʋ lɛ, ɛpaɣzɩ halʋ wayɩ tɩŋʋʋ ɛzɩ nɔ abalɩñɩnʋ weyi powokini-i kʋʋ yɔ,Ɛzɩ kɩmɛlɛŋ ŋgʋ pasʋzʋʋ kɩ-nɩŋgbanzɩ kpoŋgbolonaa pɔŋ taa* se pɔhɔmnɩ kɩ-nɩŋgbaŋʋʋ yɔ,+
23 Nɛ pɩkɔɔ nɛ pɩsɩɩnɩ alɩwaatʋ ndʋ tɔʋ ñɩmɩyɛ naɖɩyɛ tʋlɩ pɔʋ ɛ-hɔyɛ yɔ;Ɛtɩtɩlɩ se pɩkaɣ yebu nɛ elesi e-wezuu,* ɛzɩ sumaɣ ŋga keseɣ lɛɛ lɛɛ se kaɖʋ kpaca taa yɔ.+
24 Nɛ lɛɛlɛɛyɔ, man-pɩyalaa, iwelisini-m;Ikemsi camɩyɛ tɔm ndʋ mɔyɔɔdʋʋ yɔ.
25 Ña-laŋɩyɛ ɛtaahɛyɩ nɛ ɖɩtɩŋ ɛ-nʋmɔŋ.
Pitaatolisi-ŋ nɛ ŋkpaɣ ɛ-nʋmɔsɔkasɩ,+
26 Mbʋ pʋyɔɔ yɔ mba ɛɖʋ-wɛ heŋ nɛ pasɩ yɔ pɔɖɔwa,+Mba ɛkʋwa yɔ pɛfɛyɩ kalʋʋ.+
27 Halʋ ɛnʋ ɛ-ɖɩɣa wokini ɛyʋ Pɩlaʋ* taa;Ketiki sɩm kuduyuŋ pɩ-taa ñɩŋ taa.
Pɩ-tɛɛ tɔm
^ Yaa «Kandɩyɩ man-paɣtʋ yɔɔ.»
^ Piye piye, «ña-laŋɩyɛ kpenzalaɣ yɔɔ.»
^ Yaa «tɔm ndʋ epeɣziɣna yɔ tɩ-kpaca taa.»
^ Pɩkɛ mondoɖebɔʋ ŋgʋ kɩ-taa pɛlɛdɩ ɖasɩ ɖama taa nɛ pɩkazɩ pɔŋ yɔ.
^ Piye piye, «ɛfɛyɩnɩ laŋɩyɛ.»
^ Yaa «Eesu hayitu laɖʋ toko.»
^ Piye piye, «Ɛ-nɩŋgbanzɩ ɩɩsɩŋɩɣ ɖɩɣa.»
^ Yaa «Pɩsatʋ ndʋ payaɣ se lɛɛ yɔ tɩ-pɩsaŋ.» Lɛɛ kɛ ñɩtʋ ndʋ pahayaɣ-tʋ ɖooo caanaʋ taa nɛ palakɩnɩ-tʋ tʋmɩyɛ nɛ palʋʋnɩ wondu kususutu yɔ.
^ Yaa «ŋgʋ paɖɩ-kʋ kpasɩ.» Cɔnɩ Tɔm pee sɔsɔna tɔbʋʋ lɩzʋʋ (Kpoŋgbolonaa pɔŋ).
^ Yaa «ɛ-kalɩzaɣ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
