Aduwa 9:1-18
9 Lɔŋsɩnɖɛ siŋŋ ma ɖɩ-ɖɩɣa;Ðɩsaɣ ɖi-tilima 7.
2 Ðɩñɔɔzɩ ɖɩ-nandʋ camɩyɛ;*Ðisidi ɖɩ-tɛ vɛɛ;Ðɩñɔɔzɩ ɖɔɖɔ ɖɩ-tɛ taabɩlɩ.
3 Ðitiyi ɖɩ-lɩmɖʋyaa halɩñɩmaSe pama kubusi tɛtʋ lona wena akʋyaa yɔ a-taa nɛ pɔyɔɔdɩ se:+
4 «Weyi ɛfɛyɩnɩ lɛɣtʋ yɔ, ɛkɔɔ nɛ ɛsʋʋ cɩnɛ.»
Ðiheyiɣ weyi ɛ-ñʋʋ taa fɛyɩ yɔ* se:
5 «Kɔɔ nɛ ŋtɔɔ mɔn-kpɔnɔNɛ ŋñɔɔ vɛɛ ŋgʋ mensidaa yɔ.
6 Yele ña-kɩɩsɩŋɩyɩtʋ* nɛ ŋwɛɛ wezuu;+Ðɔ nɛ ŋɖɛɛnɩ ɛsɩndaa tɔm taa nɩʋ lɛɣtʋ nʋmɔʋ taa.»+
7 Weyi ɛtasɩɣ ɛyaa woŋiyu lɔŋ yɔ, ɛɖʋʋ ɛ-tɩ fɛyɛ,+Nɛ weyi ɛkalɩɣ kañatʋ tʋ yɔ, ɛɖʋʋ ɛ-tɩ heŋ.
8 Taakalɩ ɛyaa woŋiyu, pɩtɩkɛ mbʋ yɔ ɛkaɣ-ŋ paɖʋʋ.+
Kalɩ lɔŋsɩnɖʋ, nɛ ɛkaɣ-ŋ sɔɔlʋʋ.+
9 Wɩlɩ tɔm lɔŋsɩnɖʋ, nɛ ɛkaɣ wɛʋ lɔŋ nɛ pɩkɩlɩ.+
Wɩlɩ tɔm ɛyʋ siɣsiɣ tʋ, nɛ ɛkaɣ sɔzʋʋ ɛ-sɩmtʋ yɔɔ.
10 Yehowa sɔɔndʋ seu kɛnɩ lɔŋsɩnɖɛ ɖɩbazɩyɛ,+Ye ɛyʋ ɛsɩm Kiɖeɖema Taa Kiɖeɖeu yɔ,+ ɛwɛnɩ tɔm taa nɩʋ lɛɣtʋ.
11 Mbʋ pʋyɔɔ yɔ mɔ-yɔɔ lɛ, ñe-wezuu caɣʋ kɩyakɩŋ kaɣ ɖɔʋ,+Nɛ pakaɣ sɔzʋʋ pɩnzɩ ñe-wezuu caɣʋ yɔɔ.
12 Ye ŋpɩsɩ lɔŋsɩnɖʋ yɔ, ña-maɣmaɣ pɩkaɣ wazʋʋ,Ɛlɛ ye ŋwoŋuu ɛyaa yɔ, ñe-ɖeke ŋkaɣnɩ sɩɣlʋʋ pɩ-kɛzɛɣa.
13 Halʋ kɩmɛlɛŋ yakɩ kɔkɔɖɛ.+
Ɛkɛ kɩɩsɩŋɩyʋ nɛ ɛɛtɩɩsɩŋ natʋyʋ kpataaa.
14 Ɛcakɩ kpelaɣ yɔɔ ɛ-ɖɩɣa nɔnɔɔ tɛɛTɛtʋ lona kʋkʋya taa,+
15 Nɛ ekou nɛ ɛyaɣ mba pɛɖɛɣ yɔ,Ɛyaɣ mba pɛ-ɛsa wɛ pa-nʋmɔŋ taa nɛ pɛɖɛɣ yɔ nɛ ɛtɔŋ se:
16 «Weyi ɛfɛyɩnɩ lɛɣtʋ yɔ, ɛkɔɔ nɛ ɛsʋʋ cɩnɛ.»
Eheyiɣ mba pa-ñʋŋ taa fɛyɩ yɔ* se:+
17 «Lɩm mbʋ ɛyʋ mɩlɩɣ yɔ pɩwɛ leleŋ,Nɛ tɔɔnaɣ ŋga ɛyʋ tɔkɩ mɛsaɣ tɛɛ yɔ kɛwɛ leleŋ.»+
18 Ɛlɛ paasɩŋ se mba pasɩba nɛ pɛfɛyɩnɩ ɖoŋ nɩɩyɩ yɔ pɛwɛ peeɖe,Paasɩŋ se mba ɛmʋ-wɛ yɔ pɛwɛ Pɩlaʋ* cukaŋ taa.+
Pɩ-tɛɛ tɔm
^ Piye piye, «Ðɩkʋ ɖɩ-kpɩna.»
^ Piye piye, «weyi ɛfɛyɩnɩ laŋɩyɛ yɔ.»
^ Yaa «Yele mba pɛfɛyɩnɩ lɛɣtʋ yɔ.»
^ Piye piye, «mba pɛfɛyɩnɩ laŋɩyɛ yɔ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
