Amoosi 1:1-15
1 Amoosi* tɔm; ɛɛkɛ heŋ ɖɔyaa mba paawɛ Tekowa+ yɔ pa-taa lɛlʋ. Natʋ natʋyʋ yɔɔ pɩtɩŋnaa nɛ pawɩlɩ-ɩ tɔm ndʋ, nɛ titukuuni Izrayɛɛlɩ. Pawɩlɩ-ɩ tʋ Yuuda wiyaʋ Uziya+ alɩwaatʋ taa nɛ Yowaasɩ+ pɩyalʋ Yerobowam+ weyi ɛkɛ Izrayɛɛlɩ wiyaʋ yɔ ɛ-alɩwaatʋ taa, pɩnzɩ 2 pʋcɔ nɛ tɛtʋ ñamsɩɣ.+
2 Ɛyɔɔdaa se:
«Yehowa nɔɔ kaɣ tiluu nɛ Siyɔŋ kiŋ,Nɛ ɛkaɣ yebu nɛ panɩɩ ɛ-nɔɔ Yeruzalɛm taa.
Lona wena a-taa ninɖiɣyaa kpɩna tɔkɩ ñɩtʋ yɔ, akaɣ caɣʋ kʋñɔwiye,Nɛ wɩlɩŋ kaɣ kpaʋ Karmɛɛlɩ pʋʋ ñʋʋ taa.»+
3 «Tɔm tʋnɛ Yehowa yɔɔdʋʋ:
“‘Damaasɩ kaañamtʋ lakasɩ* 3 yɔɔ, nɛ 4 yɔɔ lɛ, maakaɣ lɛɣzʋʋ ma-lɩmaɣza,Mbʋ pʋyɔɔ yɔ pamabɩ Galaadɩ nɛ ñɩɣtʋ kɛɛkɛɛ ŋgʋ pamakɩnɩ tɔɔnaɣ yɔ.+
4 Pʋyɔɔ lɛ, mankaɣ tiyinuu miŋ Azayɛɛlɩ+ ɖɩɣa yɔɔ,Nɛ ɩkaɣ ñaɣʋ Bɛɛnɩ-Hadaadɩ+ tilima* ɖoŋ ñɩna.
5 Mankaɣ pɛlʋʋ Damaasɩ+ nɔnɔsɩ yɔɔ ɖaŋ;Mankaɣ ɖɩzʋʋ Bikat-Avɛɛnɩ taa mbaNɛ weyi ɛtɔkɩ kewiyitu* Bɛtɩ-Edɛɛnɩ yɔ;Nɛ Siirii taa mba kaɣ wobu yomiye taa Kiir,’+ Yehowa yɔɔdʋʋna.”
6 Tɔm tʋnɛ Yehowa yɔɔdʋʋ:
“‘Gaazaa+ kaañamtʋ lakasɩ 3 yɔɔ, nɛ 4 yɔɔ lɛ, maakaɣ lɛɣzʋʋ ma-lɩmaɣza,Mbʋ pʋyɔɔ yɔ pakpaɣ yomaa tindimiye+ kpeekpe nɛ paɖʋzɩ-ɖɩ Edom nesi tɛɛ.
7 Pʋyɔɔ lɛ, mankaɣ tiyinuu miŋ Gaazaa+ koloŋa yɔɔ,Nɛ ɩkaɣ ñaɣʋ ki-tilima* ɖoŋ ñɩna.
8 Mankaɣ ɖɩzʋʋ Asɩdoodi+ taa mba,Nɛ weyi ɛtɔkɩ kewiyitu* Askelɔɔnɩ+ yɔ;Mankaɣ kpazʋʋ me-nesi Ekrɔɔnɩ+ yɔɔ,Nɛ Filistii ñɩma mba pɩkazaa yɔ, pakaɣ sɩbʋ,’+ Kɩbaɣlʋ Kɩlɩm Yehowa yɔɔdʋʋna.”
9 Tɔm tʋnɛ Yehowa yɔɔdʋʋ:
“Tiirɩ+ kaañamtʋ lakasɩ 3 yɔɔ, nɛ 4 yɔɔ lɛ, maakaɣ lɛɣzʋʋ ma-lɩmaɣza,Mbʋ pʋyɔɔ yɔ pakpaɣ yomaa tindimiye kpeekpe nɛ paɖʋzɩ-ɖɩ Edom nesi tɛɛ,Nɛ mbʋ pʋyɔɔ yɔ patɩtɔzɩ koobiya ɛgbɛyɛ ɖʋʋ yɔɔ.+
10 Pʋyɔɔ lɛ, mankaɣ tiyinuu miŋ Tiirɩ koloŋa yɔɔ,Nɛ ɩkaɣ ñaɣʋ ki-tilima* ɖoŋ ñɩna.”+
11 Tɔm tʋnɛ Yehowa yɔɔdʋʋ:
“Edom+ kaañamtʋ lakasɩ 3 yɔɔ, nɛ 4 yɔɔ lɛ, maakaɣ lɛɣzʋʋ ma-lɩmaɣza,Mbʋ pʋyɔɔ yɔ ɛɖʋ ɛ-maɣmaɣ e-koobu wayɩ nɛ laɣɖɛ,+Nɛ mbʋ pʋyɔɔ yɔ ekizaa se ɛɛnaɣ pʋtɔdɩyɛ;Ɛ-pana taa lɛ, ɛwɛɛ nɛ ɛcɩyɩɣ-wɛ kaahɛzaɣ,Nɛ ɛkɔ-wɛ nɛ pana tam.+
12 Pʋyɔɔ lɛ, mankaɣ tiyinuu miŋ Temaanɩ+ taa,Nɛ ɩkaɣ ñaɣʋ Bozɩraa+ tilima ɖoŋ ñɩna.”
13 Tɔm tʋnɛ Yehowa yɔɔdʋʋ:
“‘Amooni mba+ kaañamtʋ lakasɩ 3 yɔɔ, nɛ 4 yɔɔ lɛ, maakaɣ lɛɣzʋʋ ma-lɩmaɣza,Mbʋ pʋyɔɔ yɔ payasɩ Galaadɩ halaa hosi tɩnaa se pawalɩsɩ pa-maɣmaɣ pɛ-tɛtʋ.+
14 Pʋyɔɔ lɛ, mankaɣ ñaɣzʋʋ Raba+ koloŋa miŋ,Nɛ ɩkaɣ ñaɣʋ ki-tilima* ɖoŋ ñɩna,Alɩwaatʋ ndʋ pamakɩ you kubuka you kɩyakʋ wiye yɔ,Alɩwaatʋ ndʋ helim makɩ ɖoŋ tɛʋ ŋgʋ kɩnɩɣnɩ helim yɔ kɩ-kɩyakʋ wiye yɔ.
15 Nɛ pe-wiyaʋ nɛ ɛ-awumbiya pakaɣ wobu yomiye taa,’+ Yehowa yɔɔdʋʋna.”
Pɩ-tɛɛ tɔm
^ Pʋ-tɔbʋʋ se «Sʋʋtʋ kɛʋ» yaa «Sʋʋtʋ sɩɣlʋʋ.»
^ Yaa «Damaasɩ kɩdɛkɛdɩm.»
^ Cɔnɩ Tɔm pee sɔsɔna tɔbʋʋ lɩzʋʋ.
^ Piye piye, «weyi ɛɖɔkʋʋ kewiyitu ɖaʋ.»
^ Cɔnɩ Tɔm pee sɔsɔna tɔbʋʋ lɩzʋʋ.
^ Piye piye, «weyi ɛɖɔkʋʋ kewiyitu ɖaʋ.»
^ Cɔnɩ Tɔm pee sɔsɔna tɔbʋʋ lɩzʋʋ.
^ Cɔnɩ Tɔm pee sɔsɔna tɔbʋʋ lɩzʋʋ.
