Amoosi 4:1-13
4 «Iwelisi tɔm tʋnɛ, mɩ Basaanɩ naŋ halɩñɩŋ,Weyi ɩwɛ Samaarii pʋʋ+ yɔɔ yɔ,Mɩ halaa mba imuluu ajamaa+ nɛ ɩtɔyɩtʋʋ kʋñɔndɩnaa yɔ,Mɩ mba iheyiɣ mɩ-walaa* se: “Ɩkɔnɩ-ɖʋ nabʋyʋ nɛ ɖɩñɔɔ” yɔ!
2 Kɩbaɣlʋ Kɩlɩm Yehowa ɖuuni e-kele kele wɛtʋ:
“‘Ɩna! Kɩyakɩŋ kaɣ kɔm mɩ-yɔɔ, nɛ alɩwaatʋ ndʋ lɛ ɛkaɣ-mɩ seɣu nɛ alikizaŋ ñɩma wena a-nɔsɩ kotaa yɔNɛ eseɣ mɩ-taa mba pakazaa yɔ nɛ kolasɩ nzɩ pakpaɣnɩ kpakpasɩ yɔ.
3 Ɩkaɣ lɩnʋʋ koloŋa pɔŋ, paa weyi ɛtɩŋɩɣnɩ pɔʋ ŋgʋ kɩwɛ ɛ-ɛsɩndaa kpaagbaa yɔ kɩ-taa;Nɛ pakaɣ-mɩ lɔʋ Harmɔɔnɩ taa,’ Yehowa yɔɔdʋʋna.”
4 “Ɩkɔɔ Betɛɛlɩ nɛ ɩla kɩdɛkɛdɩm,*+Ɩkɔɔ Gilgaalɩ nɛ ɩla kɩdɛkɛdɩm nɛ pɩkɩlɩ!+
Ɩkɔnɩ mɩ-kɩlaŋ+ tanaŋ tɛɛ,Nɛ mi-wondu hɔɔlʋʋ 10 ñɩŋgʋ+ kɩyakʋ tozo ñɩŋgʋ wiye.
5 Ɩñaɣzɩ kpɔnɔ ŋgʋ kɩ-taa paɖʋ lɔlɔm yɔ nɛ pɩkɛ ɛsɩmɩyɛ kɩlaʋ;+Isusuni nɔɔ kɩkʋyaɣ mɩ-sɔɔlɩm haɖɛ!
Mbʋ pʋyɔɔ yɔ mbʋ ɩsɔɔlɩ labʋ, Oo Izrayɛɛlɩ samaɣ,” Kɩbaɣlʋ Kɩlɩm Yehowa yɔɔdʋʋna.
6 “Piyele nɛ ma yɔ, meyeba nɛ mi-kela wɛɛ cɩɖɩ cɩɖɩ tɔɔnaɣ kɛdɛɖaɣ yɔɔ,* mɩ-tɛtʋ kpeekpe taaNɛ meyeba nɛ kpɔnɔ tɛɖɩ mɩ-ɖɩsɩ kpeekpe taa;+Ɛlɛ ɩtɩpɩsɩ nɛ ɩkɔɔ mɔn-cɔlɔ,”+ Yehowa yɔɔdʋʋna.
7 “Pɩtasɩ lɛ, fenasɩ 3 pʋcɔ nɛ kʋmtʋ talɩɣ lɛ, mankpa tɛʋ nɛ kɩtɩnɩɩ mɩ-tɛ;+Meyeba nɛ tɛʋ nɩɩ tɛtʋ kʋɖʋmtʋ taa ɛlɛ kɩtɩnɩɩ tɛtʋ lɛɛtʋ taa.
Tɛʋ nɩɣaɣ kotoŋa kʋɖʋmaɣ yɔɔ,Ɛlɛ kotoŋa lɛɛka yɔɔ ɖenɖe tɛʋ taanɩɣ yɔ, wɩlɩŋ kpaɣaɣ peeɖe.
8 Tɛtʋ 2 yaa 3 taa ɛyaa ɖɔŋaɣ cɔŋɔ cɔŋɔ nɛ powoki tɛtʋ kʋɖʋmtʋ taa se pɔñɔɔ lɩm,+Ɛlɛ pataañɩɣzɩɣ;Paa mbʋ yɔ ɩtɩpɩsɩ nɛ ɩkɔɔ mɔn-cɔlɔ,”+ Yehowa yɔɔdʋʋna.
9 “Mantɩŋnɩ helim miŋ ñɩmbʋ nɛ tɔɔnasɩ kʋdɔŋ yɔɔ nɛ mɛwɛɛkɩ mɩ-tɔɔnasɩ.+
Iyeba nɛ mɩ-kaɖasɩ nɛ viiñi hayɩm huu,Ɛlɛ kudoloŋ tɔkaɣ mi-fiigi tɩŋ nɛ mi-oliivi tɩŋ;+Nɛ paa mbʋ yɔ, ɩtɩpɩsɩ nɛ ɩkɔɔ mɔn-cɔlɔ,”+ Yehowa yɔɔdʋʋna.
10 “Mentiyini mɩ-hɛkʋ taa kʋdɔŋ sɔsɔʋ ɛzɩ ŋgʋ kɩkɔm Ejipiti yɔɔ yɔ.+
Mankʋ mi-evebiya nɛ laɣɖɛ+ nɛ menkpi mɩ-kpaŋnaŋ.+
Meyeba nɛ mi-ɖigbeɣliye lona* taa sɔŋ kpa mɩ-mɔɔŋ tɛɛ;+Ɛlɛ ɩtɩpɩsɩ nɛ ɩkɔɔ mɔn-cɔlɔ,” Yehowa yɔɔdʋʋna.
11 “Mɔnkɔnɩ ɖɩzʋʋ mɩ-hɛkʋ taaƐzɩ Ɛsɔ ɖɩzʋʋ Sodom nɛ Gomɔɔrɩ yɔ.+
Nɛ ɩɩwɛ ɛzɩ ɖeekukulaɣ ŋga palɩzɩnɩ miŋ taa yɔ;Ɛlɛ ɩtɩpɩsɩ nɛ ɩkɔɔ mɔn-cɔlɔ,”+ Yehowa yɔɔdʋʋna.
12 Pʋyɔɔ lɛ, mbʋ mankaɣ-ŋ labʋ, Oo Izrayɛɛlɩ.
Ɛzɩma mankaɣ-ŋ labʋ mbʋ yɔ pʋyɔɔ lɛ,Ñɔɔzɩ ña-tɩ nɛ ŋkatɩ ñɛ-Ɛsɔ, Oo Izrayɛɛlɩ.
13 Mbʋ pʋyɔɔ yɔ, na! Ɛnʋ labɩnɩ pʋŋ+ nɛ Ɛnʋ labɩnɩ helim;+Eheyiɣ ɛyʋ ɛ-lɩmaɣza,Ɛpɩsɩɣ tanaŋ tɛɛ ñalɩmɩyɛ cɩkpɛndʋʋ,+Nɛ ɛfɛyɩɣ tɛtʋ yɔɔ lona kʋkʋya yɔɔ;+Ɛ-hɩɖɛ lɛ yoyaa tɛ Ɛsɔ Yehowa.»
Pɩ-tɛɛ tɔm
^ Yaa «mɩ-ñʋndɩnaa.»
^ Yaa «kaañamtʋ lakasɩ.»
^ Yaa «mantɩha-mɩ tɔɔnaɣ se ɩtɔɔ.»
^ Yaa «mɩ-maalikasɩ.»
