Amoosi 9:1-15
9 Mana Yehowa+ sɩŋ altaaru ñʋʋ yɔɔ nɛ ɛtɔ se: «Ma tilimiye ñʋʋ, nɛ tigila kaɣ ñamsʋʋ. Sɛtɩ pa-ñʋŋ, nɛ mankaɣ kʋʋ pa-taa kɛdɛzaɣ ñɩma nɛ laɣɖɛ. Weyi eseɣ yɔ, ɛɛkaɣ lɩʋ pɩ-taa; nɛ weyi ɛñakɩ pana se ese nɛ ɛtʋlɩ yɔ, ɛɛkaɣ pɩzʋʋ.+
2 Ye pohuyaa nɛ petii ɖooo Pɩlaʋ* taa yɔ,Me-nesi kaɣ-wɛ kpaʋ peeɖe;Nɛ ye pakpa ɛsɔdaa yɔ,Mankaɣ-wɛ tisuu nɛ peeɖe.
3 Nɛ ye pɛmɛlɩ Karmɛɛlɩ pʋʋ ñʋʋ taa yɔ,Mankaɣ-wɛ ñɩnʋʋ peeɖe nɛ mankpa-wɛ.+
Ye pɛmɛlɩ ɖooo teŋgu cukaŋ taa se mantaana-wɛ yɔ,Mankaɣ nɔɔ haʋ ɖʋm peeɖe nɛ ɛñasɩ-wɛ.
4 Ye po-koyindinaa iwoni-wɛ yomiye taa yɔ,Mankaɣ nɔɔ haʋ laɣɖɛ peeɖe, nɛ ɖɩkaɣ-wɛ kʋʋ;+Mankaɣ kam mɛ-ɛsa pɔ-yɔɔ se malabɩ-wɛ kɩdɛkɛdɩm, nɛ pɩɩkɛɣ kɩbam.+
5 Mbʋ pʋyɔɔ yɔ Kɩbaɣlʋ Kɩlɩm, yoyaa tɛ Yehowa, kɛnɩ Weyi etukuuni ɛjaɖɛ* yɔ,Se ɖiyoli,+ nɛ ɖɩ-taa ɛyaa tɩŋa kaɣ caɣʋ kʋñɔwiye;+Nɛ ɖɩ-tɩŋa ɖɩkaɣ kpaʋ ɛzɩ Niili yɔ,Nɛ ɖitii ɛzɩ Ejipiti Niili yɔ.+
6 “Weyi ɛmaɣ e-tendemee ɛsɔdaaNɛ ɛsɩɣ e-kuduyuu tɛtʋ ñʋʋ yɔɔ yɔ;Weyi ɛyaɣ teŋgu taa lɩm,Se ɛpɩyɩ-pʋ tɛtʋ yɔɔ+ yɔ—Ɛ-hɩɖɛ lɛ Yehowa.”+
7 “Ɛzɩ ɩfɛyɩ mɛ-ɛsɩndaa ɛzɩ Kuusi mba pɩyalaa yɔ, Oo Izrayɛɛlɩ samaɣ?” Yehowa yɔɔdʋʋna.
“Ɛzɩ mantɩlɩzɩ Izrayɛɛlɩ Ejipiti ɛjaɖɛ taa,+Filistii mba Krɛɛtɩ taa,+ nɛ Siirii mba Kiir taa?”+
8 “Na! Kɩbaɣlʋ Kɩlɩm Yehowa ɛsa wɛ kewiyaɣ ŋga kalabɩ kɩwɛɛkɩm yɔ kɔ-yɔɔ,Nɛ ɛkaɣ-kɛ ɖɩzʋʋ tɛtʋ yɔɔ.+
Ɛlɛ maakaɣ ɖɩzʋʋ Yakɔɔb ɖɩɣa caɣ caɣ,”+ Yehowa yɔɔdʋʋna.
9 “Mbʋ pʋyɔɔ yɔ, na! Menɖiɣni haʋ nɔɔ,Nɛ mankaɣ ñamsʋʋ Izrayɛɛlɩ ɖɩɣa ajɛɛ kpeekpe hɛkʋ taa,+Ɛzɩ pañamsʋʋ cataɣ se pacatɩ,Nɛ putooye naɖɩyɛ ɛɛtɔlʋʋ tataa yɔ.
10 Pakaɣ-wɛ kʋʋ nɛ laɣɖɛ, man-samaɣ taa kɩwɛɛkɩm laɖaa tɩŋa,Mba pɔyɔɔdʋʋ se: ‘Asɛyʋʋ ɛɛkaɣ-ɖʋ ñɔtɩnʋʋ yaa kɩɩkaɣ-ɖʋ talʋʋ’” yɔ.
11 “Kɩyakʋ ŋgʋ ki-wiye lɛ, mankaɣ kʋsʋʋ Daviid cokiye*+ nɖɩ ɖɩtɔlaa yɔ,Mankaɣ ñɔɔzʋʋ hɔɔlɩŋ* weyi ɩyɔkaa yɔ,Nɛ mankaɣ kʋsʋʋ ɖɩ-njaa;Mankaɣ-ɖɩ tasʋʋ maʋ nɛ ɖɩwɛɛ ɛzɩ ɖooo lɔŋ yɔ,+
12 Se pɩsa nɛ pamʋ mbʋ pɩkazɩ Edom,+Nɛ ajɛɛ wena a-yɔɔ paya ma-hɩɖɛ yɔ a-tɩŋa nɛ pɩpɩsɩ pa-ñɩm,” Yehowa yɔɔdʋʋna, ɛnʋ weyi eɖiɣni labʋ mbʋ yɔ.
13 “Na! Kɩyakɩŋ ɖiɣni kɔm,Nɛ alɩwaatʋ ndʋ lɛ, haɖʋ kaɣ hiɣu kʋnɖʋ,Nɛ viiñi pee fɛyɩyʋ kaɣ hiɣu ɖomaɣ ɖuyu;+Nɛ vɛɛ leleŋ ñɩŋgʋ kaɣ catʋʋ pʋŋ yɔɔ,+Nɛ kɩkaɣ kpem piyisi kpeekpe yɔɔ,*+ Yehowa yɔɔdʋʋna.
14 Mankaɣ kpeɣluu man-samaɣ Izrayɛɛlɩ yomaa nɛ manpɩsɩnɩ-wɛ,+Nɛ pakaɣ ɖaɣnʋʋ maʋ pɛ-tɛtʋ ndʋ tɩpɩsɩ njɛyɛ yɔ nɛ pɛwɛɛ tɩ-taa;+Pakaɣ sɔʋ viiñi nɛ pɔñɔɔ kɩ-vɛɛ,+Nɛ pakaɣ labʋ kaɖasɩ nɛ pɔtɔɔ sɩ-taa pee.”+
15 “Mankaɣ-wɛ sɔʋ pɛ-tɛtʋ yɔɔ,Nɛ paakaɣ-wɛ tasʋʋ kpɛzʋʋ kpaPɛ-tɛtʋ ndʋ mɛncɛlɩ-wɛ+ yɔ tɩ-yɔɔ,” ñɛ-Ɛsɔ Yehowa yɔɔdʋʋna.»
Pɩ-tɛɛ tɔm
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «tɛtʋ.»
^ Yaa «kizinziku.»
^ Yaa «pɔ-hɔɔlɩŋ.»
^ Piye piye, «Nɛ piyisi kpeekpe kaɣ yoluu.»