Ebree mba 8:1-13
8 Tɔm ndʋ ɖiɖiɣni yɔɔdʋʋ yɔ tɩ-taa lɛ, tʋnɛ tɩkɩlɩnɩ cɛyʋʋ: Ðɩwɛnɩ cɔjɔ kɩlɩm ɛnʋ ɛ-ɖɔndɩ,+ nɛ ɛcaɣ Kɩlɩm kewiyaɣ kpelaɣ nɩwaŋ yɔɔ ɛsɔdaa,+
2 ɛkɛ lone kiɖeɖeye+ nɛ toovenim kizinziku lɩmɖʋyʋ,* nɛ Yehowa* siɣni kizinziku ŋgʋ, pɩtɩkɛ ɛyʋ siɣni-kʋ.
3 Mbʋ pʋyɔɔ yɔ paa cɔjɔ kɩlɩm weyi lɛ, palɩzɩɣ-ɩ se ɛha kʋjɔŋ nɛ ɛlaa kɩlaŋ; pʋyɔɔ pɩɩcɛyaa se ɛnɛ ɖɔɖɔ lɛ, ɛwɛɛnɩ nabʋyʋ se ɛha.+
4 Ye ɛɛwɛ tɛtʋ yɔɔ yɔ, ɛtaakɛ cɔjɔ;+ mbʋ pʋyɔɔ yɔ ɛyaa tɛm wɛʋ nɛ pahaɣ kʋjɔŋ ɛzɩ Paɣtʋ pɔzʋʋ yɔ.
5 Ɛyaa mba, palakɩ tʋmɩyɛ kiɖeɖeye nɖɩ ɖɩkɛ ɛsɔdaa wondu+ kɩɖaʋ nɛ tɩ-kɩlɛmʋʋ yɔ;+ ɛzɩ Ɛsɔ kaaɖʋʋ Moyizi paɣtʋ alɩwaatʋ ndʋ ɛñɩnaɣ siɣu kizinziku yɔ: Mbʋ pʋyɔɔ yɔ Ɛyɔɔdaa se: «Pɩwɛɛ se ŋla pɩtɩŋa nɛ pɩwɛɛ ɖeyi ɖeyi ɛzɩ mawɩlʋʋ-ŋ pʋʋ yɔɔ yɔ.»+
6 Ɛlɛ lɛɛlɛɛyɔ lɛ, pɛcɛlɩ lɩm ɖʋʋ tʋmɩyɛ* nɖɩ ɖɩkɩlɩ ɖeu yɔ Yesu, mbʋ pʋyɔɔ yɔ ɛkɛ ɖɔɖɔ ɛgbɛyɛ nɖɩ ɖɩkɩlɩ ɖeu yɔ+ ɖi-loliyu,+ nɖɩ paɖʋ-ɖɩ tamasɩ nzɩ sɩkɩlɩ ɖeu yɔ sɩ-yɔɔ ɛzɩ paɣtʋ pɔzʋʋ yɔ.+
7 Ye kajalaɣ ɛgbɛyɛ nɖɩ, ɖɩtaawɛɛnɩ kɩwɛɛkɩtʋ yɔ, pɩtaatasɩ cɛyʋʋ se paɖʋ 2 ñɩnɖɛ.+
8 Mbʋ pʋyɔɔ yɔ ɛna kɩwɛɛkɩtʋ samaɣ yɔɔ alɩwaatʋ ndʋ ɛyɔɔdaa se: «Ɩna! Kɩyakɩŋ ɖiɣni kɔm nɛ alɩwaatʋ ndʋ lɛ, mankaɣ ɛgbɛyɛ kɩfaɖɛ naɖɩyɛ ɖʋʋ ma nɛ Izrayɛɛlɩ ɖɩɣa nɛ Yuuda ɖɩɣa ɖɛ-hɛkʋ taa; Yehowa* yɔɔdʋʋna.
9 Ɛgbɛyɛ nɖɩ ɖɩɩkaɣ wɛʋ ɛzɩ nɖɩ maaɖʋ ma nɛ pɔ-cɔzɔnaa ɖɛ-hɛkʋ taa kɩyakʋ ŋgʋ mɔnɖɔkɩ pe-nesi tɛɛ nɛ malɩzɩ-wɛ Ejipiti ɛjaɖɛ taa yɔ,+ mbʋ pʋyɔɔ yɔ patɩɖɔkɩ mɛ-ɛgbɛyɛ, pʋyɔɔ meyebi pɔ-yɔɔ cɔnʋʋ; Yehowa* yɔɔdʋʋna.
10 «Mbʋ pʋyɔɔ yɔ, ɛgbɛyɛ ɖɩnɛ mankaɣ ɖʋnʋʋ Izrayɛɛlɩ ɖɩɣa kɩyakɩŋ ɛnɩ ɩ-wayɩ. Mankaɣ ɖʋʋ man-paɣtʋ pa-maɣzɩm taa, nɛ mankaɣ-tʋ maʋ pa-laŋa taa.+ Nɛ mankaɣ pɩsʋʋ pɛ-Ɛsɔ, nɛ pakaɣ pɩsʋʋ man-samaɣ;+ Yehowa* yɔɔdʋʋna.
11 «Nɛ nɔɔyʋ ɛɛkaɣ tasʋʋ tɔm wɩlʋʋ ɛ-tɛtʋ taa tʋ nɔɔyʋ nɛ e-koobu nɛ ɛtɔ se: “Ɩtɩlɩ Yehowa!”* Mbʋ pʋyɔɔ yɔ pa-tɩŋa pakaɣ-m tɩlʋʋ, kpaɣnɩ pa-taa weyi pɩtɔyɩnaa yɔ nɛ piwolo weyi ɛkpaɖaa yɔ.
12 Mbʋ pʋyɔɔ yɔ mankaɣ-wɛ kpeɣu pa-lakasɩ nzɩ sɩfɛyɩ siɣsiɣ yɔ, nɛ maakaɣ tasʋʋ tɔzʋʋ pa-kɩwɛɛkɩm yɔɔ.»+
13 Ɛyɔɔdʋʋ se «ɛgbɛyɛ kɩfaɖɛ» yɔ, pɩwɩlɩɣ se ɛlaba nɛ kajalaɣ ñɩnɖɛ pɩsɩ mbʋ pɩpɩnaa yɔ.+ Ŋgʋ, mbʋ pɩpɩnaa nɛ mbʋ piɖiɣni kpadɩyʋʋ yɔ, pɩwɩzɩ tɛm.+
Pɩ-tɛɛ tɔm
^ Yaa «samaɣ lɩmɖʋyʋ.»
^ Cɔnɩ Tɔm kɩsɔzɩtʋ A5.
^ Yaa «samaɣ tʋmɩyɛ.»
^ Cɔnɩ Tɔm kɩsɔzɩtʋ A5.
^ Cɔnɩ Tɔm kɩsɔzɩtʋ A5.
^ Cɔnɩ Tɔm kɩsɔzɩtʋ A5.
^ Cɔnɩ Tɔm kɩsɔzɩtʋ A5.
