Hendu taa Hendu 3:1-11
3 «Maawɛ ma-ñalʋʋ yɔɔ ɖoo taa lɛ,Mañɩnɩ man-kʋsɔɔlʋ.*+
Mañɩnɩ-ɩ, ɛlɛ mantɩna-ɩ.+
2 Mankʋyʋʋ nɛ mɔncɔɔ tɛtʋ taa;Mɔncɔɔ habɛɛ yɔɔ nɛ samaɣ kadasɩ taa,Mañɩnɩɣ man-kʋsɔɔlʋ.*
Mañɩnɩ-ɩ, ɛlɛ mantɩna-ɩ.
3 Feŋiyaa mba pɔcɔwaɣ tɛtʋ taa yɔ pakatɩ-m.+
Mɔnpɔzɩ-wɛ se: “Ɩna man-kʋsɔɔlʋ na?”*
4 Mantɩtɩɩɖɛtɩ pɔ-yɔɔ lɛMana man-kʋsɔɔlʋ.*
Mɔñɔɔnɩ-ɩ, mantaañɩnɩɣ se meyebi-i nɛ ɛɖɛɛPɩkɔɔ nɛ pɩsɩɩnɩ alɩwaatʋ ndʋ mɔnkɔnɩ-ɩ mon-ɖoo ɖɩɣa taa yɔ,+Pɩkɔɔ nɛ pɩsɩɩnɩ alɩwaatʋ ndʋ mɔnkɔnɩ-ɩ weyi ɛlʋlɩ-m yɔ e-kuduyuu pɩ-taa ñɩŋgʋ taa yɔ.
5 Oo Yeruzalɛm pɛlaa,Iɖuuni nɛnzɛŋ nɛ tɛyɛ namɩŋ seƖɩkaɣ fezuu man-taa sɔɔlɩm yaa ɩɩkaɣ-pʋ kʋsʋʋ pɩkɔɔ nɛ pɩsɩɩnɩ alɩwaatʋ ndʋ pɩmaɣ-pʋ yɔ.»+
6 «Ɛbɛ lɩɣnɩ kañɩmbusuu taa nɛ pɩkpaɣ tulutulu ɛzɩ ñɔsɩNɛ pɩlɩɣ miiri nɛ tɩlaaɖɩ kʋhʋlʋmʋʋ sɔzɩŋ,Nɛ pɩlɩɣ ɖɔɖɔ tadɩyɛ laɖʋ pɔʋla tɩŋa sɔzɩŋ mbʋ yɔ?»+
7 «Salomɔɔ kaɖʋ pɩkɛnaa.
Abalaa ɖoŋ tɩnaa 60 cɔ-kʋ nɛ pata,Palɩzɩ-wɛ nɛ Izrayɛɛlɩ abalaa ɖoŋ tɩnaa taa,+
8 Pa-tɩŋa pɔɖɔkɩ laɣla,Pafalɩsɩ pa-tɩŋa you labʋ taa,Paa weyi ɛ nɛ ɛ-laɣɖɛ ɛ-tɩnaɣ taaSe ɛlʋbɩnɩ mbʋ pɩɖʋʋ sɔɔndʋ ɖoo taa yɔ.»
9 «Wiyaʋ Salomɔɔ kamaka* pɩkɛnaa,Libaŋ tɩŋ ɛkpaɣaa nɛ ɛlabɩnɩ-kɛ.+
10 Liidiye ɛlabɩnɩ ke-tilima,Sika ɛlabɩnɩ ke-ɖidesiye.
Heŋ hʋndʋ kɩsɛɛmtʋ yuulee palabɩnɩ ke-kpelaɣ;Yeruzalɛm pɛlaaCanɩ ka-taa nɛ sɔɔlɩm.»
11 «Oo Siyɔŋ pɛlaa, ɩlɩɩ,Ɩcɔnɩ Wiyaʋ Salomɔɔ,Ɛpam nesi ɖɔkʋʋ hulaɣ* ŋga e-ɖoo+ lʋ-ɩ yɔE-nesi ɖɔkʋʋ wiye,Kɩyakʋ ŋgʋ ɛwɛ laŋhʋlʋmɩyɛ taa yɔ.»
Pɩ-tɛɛ tɔm
^ Yaa «weyi man-kalɩzaɣ sɔɔlɩ-ɩ yɔ.»
^ Yaa «weyi man-kalɩzaɣ sɔɔlɩ-ɩ yɔ.»
^ Yaa «weyi man-kalɩzaɣ sɔɔlɩ-ɩ yɔ.»
^ Yaa «weyi man-kalɩzaɣ sɔɔlɩ-ɩ yɔ.»
^ Pɩkɛnɩ kaɖʋ ŋgʋ pohuuzi kɩ-ñʋʋ taa nɛ pakpakɩɣ sɔsaa kɩ-taa yɔ.
^ Yaa «Ɛpam hulaɣ ŋga palʋ-kɛ nɛ hɛtʋ yɔ.»
