Hendu taa Hendu 7:1-13
7 «Oo ña pɛlɛ weyi ɛ-yɔɔ wɛ ñamtʋ yɔ,Ña-nɩŋgbanzɩ ɖe ña-naataŋgbala taa mbʋ suwe!
Ña-tala wɛ ɛzɩ ajana wondu ndʋ tɩwɛ kotaa kotaaNɛ tɩkɛ tʋmlaɖʋ weyi ɛwɛ niye yɔ e-nesi tɛɛ tʋmɩyɛ yɔ.
2 Ño-cuuɖe kɛ ñanaɣ ŋga kɛwɛ kulam yɔ.
Vɛɛ ŋgʋ pesidi-kʋ yɔ, kɩtaatɛɖɩ ka-taa kpa.
Ño-lotu kɛ blee* huuyeNɖɩ hɛtʋ cɔ-ɖɩ* nɛ pɩta yɔ.
3 Ña-hɩla ana a-naalɛ awɛ ɛzɩ nɛnzɛm piya naalɛ yɔ,Nzɩ sɩkɛ ɖomaa yɔ.+
4 Ño-pondone+ wɛ ɛzɩ tukeɖe tilimiye yɔ.+
Ñɛ-ɛsa+ wɛ ɛzɩ Hɛsɩbɔɔnɩ+ lɩŋgamɩŋWeyi ɩwɛ Bat-Rabim nɔnɔɔ cɔlɔ yɔ.
Ñɔ-mɔɔʋ wɛ ɛzɩ Libaŋ tilimiyeNɖɩ ɖɩha ɛsa nɛ Damaasɩ yɔ.
5 Ña-ñʋʋ wɛ kajʋka ɛzɩ Karmɛɛlɩ+ pʋʋ yɔ,Nɛ ñɔ-ñɔsɩ*+ wɛ ɛzɩ heŋ hʋndʋ kɩsɛɛmtʋ yuulee yɔ.+
Ñɔ-ñɔsɩ nzɩ sitibi yɔlɩ yɔlɩ yɔ, sɩ-tɔm kɛdɩnɩ wiyaʋ siŋŋ.*
6 Oo pɛlɛ kʋsɔɔlʋ, ŋtʋʋzɩ mbʋ suwe!
Ŋwɛ ɖeu kpem, ŋcɛzɩ mbʋ payɩ pɩhaɣ ɛyʋ taa leleŋ yɔ.
7 Ŋwɛ ɛzɩ paʋ yɔ,Nɛ ña-hɩla wɛ ɛzɩ daatɩ tikiŋ* yɔ.+
8 Mɔntɔm se: “Mankaɣ kpaʋ paʋ yɔɔNɛ mɔnɖɔkɩ ki-tikiŋ weyi ɩ-yɔɔ nɛ pee yɔ.”
Ña-hɩla ɩwɛɛ ɛzɩ viiñi pee tikiŋ yɔ,Ñe-fezuu ɛlɩɩ sɔzɩŋ ɛzɩ pɔɔm tɩʋ piye yɔ,
9 Nɛ ñɔ-nɔɔ ɛwɛɛ ɛzɩ vɛɛ ŋgʋ kɩkɩlɩ ɖeu yɔ.»
«Kitii man-kʋsɔɔlʋ liu tɛɛ hɛɛɛ,Nɛ kikpe mba peɖiɣni ɖou yɔ po-ndomee yɔɔ hɛɛɛ.
10 Man-kʋsɔɔlʋ tɩnɩ-m,+Nɛ ma e-liu wɛɛ.
11 Oo man-kʋsɔɔlʋ, kɔɔ,Ðɩyɛlɩ nɛ ɖiwolo hayɩm taa;Ðiwolo nɛ ɖɩcaɣ sɔzɩŋ tɩŋ* hɛkʋ taa.+
12 Yele nɛ ɖɩkʋyɩ lɔŋ nɛ ɖiwolo viiñi hayɩm taaNɛ ɖɩna se viiñi tɩŋ hɔwa yaa we,Nɛ ɖɩna se hɛtʋ yawa yaa we,+Nɛ ɖɩna se girenaadɩ tɩŋ kpaɣ hɛtʋ yaa we.+
Peeɖe mankaɣ-ŋ wɩlʋʋ mɔn-sɔɔlɩm.+
13 Mandɩragɔɔrɩwaa*+ ñɛyɩ sɔzɩŋ;Tɩŋ pee kɩbana tɩŋa wɛ ɖɔ-nɔnɔsɩ tɛɛ.+
Oo man-kʋsɔɔlʋ, ña mɔñɔɔzɩ-yɛ nɛ mansɩɩ,Tɩŋ pee kɩfana nɛ kɩbɩna.
Pɩ-tɛɛ tɔm
^ Blee kɛ tɔɔnaɣ pee naayɛ.
^ Yaa «hɛtʋ ndʋ payaɣ se liinaa yɔ tɩcɔ-ɖɩ.»
^ Yaa «sɩkpa wiyaʋ yomiye.»
^ Piye piye, «ña-ñʋʋ taa ñɔsɩ.»
^ Yaa «kijimiŋ.»
^ Piye piye, «enee tɩŋ.» Cɔnɩ Tɔm pee sɔsɔna tɔbʋʋ lɩzʋʋ.
^ Mandɩragɔɔrɩ kɛ ñɩyʋʋ ŋgʋ kɩsʋʋ awiihɛyɛ tɩyɛ nɛ kɩlʋlʋʋ ɖɔɖɔ yɔ.
