Izaayii 10:1-34
10 Pɩtɔɔ mba paɖʋʋ paɣtʋ ndʋ tɩkɔŋnɩ kaɖɛ yɔ,+Mba pɛwɛɛ nɛ pamaɣ kañatʋ paɣtʋ kaahɛzaɣ,
2 Se pekizi kʋñɔndʋ tɔm hʋʋ,Se pekizi man-samaɣ taa ɛjam tɔm hʋʋ siɣsiɣ,+Pamʋʋ lelaa ñɩmNɛ palazɩɣ piya nzɩ sɩfɛyɩnɩ caanaa yɔ sɩ-ñɩm* yɔ!+
3 Ɛbɛ ɩkaɣ labʋ akɔnta pɔzʋʋ* kɩyakʋ wiye,+Alɩwaatʋ ndʋ ɖɩzʋʋ kaɣ lɩnʋʋ ɖooo poliŋ yɔ?+
A-cɔlɔ ɩkaɣ seu nɛ iwolo se ɛsɩnɩ-mɩ,+Nɛ le ɩkaɣ sɩʋ mɩ-ñɩm?*
4 Nabʋyʋ ɛɛkazɩɣ nɛ pɩtasɩna se isobi salaka tɩnaa hɛkʋ taaYaa se ɩtɔlɩ mba pakʋwa yɔ pɛ-hɛkʋ taa.
Pɩtɩŋa payɩ mbʋ yɔ pʋyɔɔ lɛ, ɛ-pana tɩhɛɛ,Ɛlɛ ɛkpazɩ e-nesi mbʋ se ɛma.+
5 «Ahaaŋ! Asiirii tʋ,+Ðaʋ ŋgʋ mawɩlɩɣnɩ man-pana yɔ+Nɛ ɖaʋ ŋgʋ kɩwɛ e-nesi tɛɛ se mawɩlɩnɩ man-pana sɔsɔna yɔ!*
6 Mankaɣ-ɩ tiyuu ɛjaɖɛ nɖɩ ɖikizi tisuu yɔ ɖɩ-wayɩ,+Samaɣ ŋga kaɖʋ-m pana sɔsɔna yɔ ka-wayɩ;Mankaɣ-ɩ ɖʋʋ paɣtʋ se ɛkpaɣ ñɩm sakɩyɛ nɛ ɛlazɩ wondu sakɩyɛNɛ ɛfɛyɩ-wɛ ɛzɩ habɛɛ yɔɔ ahɔya yɔ.+
7 Ɛlɛ pɩtɩkɛ mbʋ ɛkaɣ maɣzʋʋNɛ pɩtɩkɛ mbʋ ɛkaɣ ɖʋʋ ɛ-laŋɩyɛ taa;Mbʋ pʋyɔɔ yɔ ɛɖʋ ɛ-laŋɩyɛ taa se ɛɖɩzɩɣ,Se ɛɖɩzɩɣ ajɛɛ sakɩyɛ, pɩtɩkɛ ajɛɛ pazɩ yem ɛɖɩzɩɣ.
8 Mbʋ pʋyɔɔ yɔ ɛyɔɔdʋʋ se:
“Ma-awumbiya tɩŋa tɩkɛ awiya yaa we?+
9 Kalɩno+ fɛyɩ ɖɔɖɔ ɛzɩ Karkemisi+ yɔ yaa we?
Hamatɩ+ fɛyɩ ɛzɩ Arpaadɩ+ yɔ yaa we?
Samaarii+ fɛyɩ ɛzɩ Damaasɩ+ yɔ yaa we?
10 Me-nesi kpa ɛsɔnaa mba pɛfɛyɩ wazaɣ yɔ pe-kewiyisi,Nzɩ sɩ-sɩʋ kpelisi kpaɖɩ ɖɔʋ Yeruzalɛm nɛ Samaarii ñɩnzɩ yɔ!+
11 Ɛzɩ maakaɣ ɖɔɖɔ labʋ Yeruzalɛm nɛ kɩ-sɩʋ kpelisiƐzɩ malabʋ Samaarii nɛ kɩ-ɛsɔnaa mba pɛfɛyɩ wazaɣ yɔ?”+
12 «Alɩwaatʋ ndʋ Yehowa tɛŋ ɛ-tʋma tɩŋa Siyɔŋ Pʋʋ yɔɔ nɛ Yeruzalɛm yɔ, ɛkaɣ* hɔm Asiirii wiyaʋ nɩŋgbaŋʋʋ ɛ-laŋɩyɛ ɖoŋ ñɩnɖɛ yɔɔ nɛ ɛ-ɛsa wena awɛnɩ agʋnda nɛ tɩ kpazʋʋ yɔ a-yɔɔ.+
13 Mbʋ pʋyɔɔ yɔ ɛtɔŋ se:
“Mankaɣ tɩŋnʋʋ me-nesi ɖoŋ yɔɔNɛ mɔ-lɔŋsɩnɖɛ yɔɔ nɛ mala mbʋ, mbʋ pʋyɔɔ yɔ mɛnkɛ lɔŋsɩnɖʋ.
Mankaɣ kpɛzʋʋ samasɩ tɛ kamasɩ+Nɛ malazɩ pa-ñɩm,+Nɛ ɛzɩ ɛyʋ ɖoŋ tʋ yɔ, mankaɣ luzuu samasɩ taa mba.+
14 Ɛzɩ ɛyʋ lɛkʋʋ ɖandʋ taa yɔ,Me-nesi kaɣ mʋʋ samasɩ ñɩm;Nɛ ɛzɩ ɛyʋ kpeɣluu yala wena peyeba yɔ,Mankaɣ kpeɣluu tɛtʋ kpeekpe!
Nɔɔyʋ ɛɛkaɣ mabʋ e-keŋ yaa ekuli ɛ-nɔɔ yaa ɛcɩŋgbɩlɩ.”»
15 Ɛzɩ laɖɩyɛ kaɣ ɖɩ-tɩ kpazʋʋ weyi ɛsɛtɩɣnɩ-ɖɩ yɔ ɛ-yɔɔ?
Ɛzɩ kela sɩɣa kaɣ ka-tɩ kpazʋʋ weyi ɛsakɩnɩ-kɛ yɔ ɛ-yɔɔ?
Ɛzɩ ɖaʋ+ pɩzɩɣ nɛ kiciɣdi weyi ɛkʋsʋʋ-kʋ yɔ?
Yaa ɛzɩ ɖaʋ pɩzɩɣ nɛ kɩkʋsɩ weyi ɛɖɔkɩ-kʋ yɔ?*
16 Pʋyɔɔ lɛ Kɩbaɣlʋ toovenim tʋ, yoyaa tɛ Yehowa,Kaɣ yebu nɛ ɛ-ɛyaa* mba paɖʋ num yɔ pawɩlɩ,+Nɛ ɛ-samtʋ tɛɛ lɛ, ɛkaɣ ɖʋʋ miŋ weyi ɩmʋʋ pelu pelu yɔ.+
17 Izrayɛɛlɩ Ñalɩmɩyɛ+ kaɣ pɩsʋʋ miŋ,+Nɛ e-Kiɖeɖeu kaɣ pɩsʋʋ miŋ nzʋlʋmɩyɛ;Ɩkaɣ mʋʋ nɛ ɩñaɣ ɛ-ñɩtʋ kɩdɛkɛdɩtʋ nɛ ɛ-sɔɔ cɔka kɩyakʋ kʋɖʋmʋʋ.
18 Ɛkaɣ ɖɩzʋʋ ɛ-laʋ nɛ ɛ-laʋ sɔsɔʋ samtʋ caɣ caɣ;*Pɩkaɣ wɛʋ ɛzɩ alɩwaatʋ ndʋ kʋdɔndʋ nɔɔyʋ wɛɣ nɛ ɛtɛzɩɣ pɩsʋʋ ɛjam yɔ.+
19 Ɛ-laʋ tɛɛ tɩŋ weyi pɩkazɩɣ yɔƖkaɣ wɛʋ kpaagbaa pazɩ yem nɛ pɩɣa* taŋayɩ pɩzɩɣ nɛ kakalɩ-ɩ.
20 Kɩyakʋ ŋgʋ ki-wiye lɛ, mba pɩkazɩɣ Izrayɛɛlɩ taa yɔNɛ Yakɔɔb ɖɩɣa taa ñɩma mba pɩkazɩɣnɩ pɛ-ɛsa yɔPaakaɣ tasʋʋ tɩlɩsɩnʋʋ weyi eyoni-wɛ yɔ;+Ɛlɛ pakaɣ tɩlɩsɩnʋʋ Yehowa,Izrayɛɛlɩ tɛ Kiɖeɖeu, nɛ siɣsiɣ wɛtʋ.
21 Mba pɩkazaa yɔ pe-ɖeke pakaɣnɩ pɩsʋʋ,Mba pɩkazɩ Yakɔɔb yɔ, mba kaɣnɩ pɩsʋʋ Ɛsɔ Ðoŋ Tʋ cɔlɔ.+
22 Mbʋ pʋyɔɔ yɔ, Oo Izrayɛɛlɩ, paa ña-samaɣƐwɛ ɛzɩ teŋgu nɔɔ kañɩŋa pee yɔ,Ka-taa mba pɩkazaa yɔ pe-ɖeke pakaɣnɩ pɩsʋʋ.+
Pakpaɣ lɩmaɣzɩyɛ se paɖɩzɩɣ-wɛ,+Nɛ tɔm hʋʋ siɣsiɣ* kaɣ-wɛ libu.+
23 Ɛɛɛ, lɩmaɣzɩyɛ nɖɩ Kɩbaɣlʋ Kɩlɩm, yoyaa tɛ Yehowa kpaɣaa se ɛɖɩzɩɣ-wɛ yɔ,Ðɩkaɣ labʋ ɛjaɖɛ kpeekpe taa.+
24 Pʋyɔɔ lɛ, tɔm tʋnɛ Kɩbaɣlʋ Kɩlɩm, yoyaa tɛ Yehowa yɔɔdʋʋ: «Man-samaɣ, ña weyi ŋwɛ Siyɔŋ yɔ, sɔɔndʋ ɛtaakpa-ŋ nɛ Asiirii tʋ, weyi ɛtɩɩmakɩ-ŋ nɛ ɖaʋ+ nɛ ɛkpazɩɣ ɛ-ɖaʋ ñɔ-yɔɔ ɛzɩ Ejipiti kaalabʋ yɔ.+
25 Mbʋ pʋyɔɔ yɔ pɩkazɩ alɩwaatʋ pazɩ yem pana sɔsɔna kaɣ sɩʋ tɩnaɣ; mankaɣ kɛzʋʋ man-pana nɛ pɔ-yɔɔ nɛ manɖɩzɩ-wɛ.+
26 Yoyaa tɛ Yehowa kaɣ kpazʋʋ ɛgbazɩyɛ ɛ-yɔɔ,+ ɛzɩ alɩwaatʋ ndʋ ɛwabɩ Madiyaŋ Orɛɛbʋ kaaʋ cɔlɔ yɔ.+ Nɛ ɛ-ɖaʋ kaɣ wɛʋ teŋgu yɔɔ, nɛ ɛkaɣ-kʋ kpazʋʋ ɛzɩ ɛɛlabʋ Ejipiti mba yɔ.+
27 Kɩyakʋ ŋgʋ ki-wiye lɛ, pakaɣ kʋsʋʋ ɛ-sʋʋtʋ ña-hazaɣ yɔɔ,+Nɛ pakaɣ kʋsʋʋ ɛ-sʋʋtʋ ɖaʋ ño-pondone yɔɔ,+Nɛ num yɔɔ lɛ, sʋʋtʋ ɖaʋ kaɣ pɛlʋʋ.»+
28 Ɛkɔm Ayaatɩ;+Ɛtɩŋnɩ Migrɔɔnɩ;Ɛsɩɣ e-wondu Mikmaasɩ+ taa.
29 Patɩŋnɩ pɔɔ ɖɩdɛzɩyɛ taa nɛ pɛtɛzɩ;Ðoo yuu lɛ, pasʋʋ Geba;+Ramaa seliɣ, Sɔɔlɩ tɛtʋ Gibeyaa+ taa mba sewa.+
30 Ma kubuka nɛ ŋkoo, Oo Galim pɛlɛ!
Kʋ nɩŋgbaŋʋʋ, Oo Layisa!
Oo Anatɔɔtɩ,+ ñɔ-tɔm labɩ pʋtɔdɩyɛ!
31 Madmena sewa nɛ ɛɖɛɛ.
Gebim mba ñɩnɩ ɖɩjɔzɩyɛ.
32 Kɩyakʋ kʋnɛ ki-wiye maɣmaɣ ɛkaɣ sɩŋʋʋ Noob.+
Efiɣdiɣ e-ŋgulumiye Siyɔŋ pɛlɛ pʋʋ ɛsɩndaa,Yeruzalɛm piyaɣ ɛsɩndaa.
33 Ɩna! Kɩbaɣlʋ toovenim tʋ, yoyaa tɛ Yehowa,Ðiɣni sɛtʋʋ pilinzi nɛ pɩlakɩ kɔkɔɖɛ sɔsɔɖɛ;+Eɖiɣni sɛtʋʋ tɩŋ weyi ɩkɩlɩ ɖaɣlʋʋ yɔ,Nɛ etisiɣ weyi ɩkʋyaa yɔ.
34 Ɛkpakɩɣ ñɩɣtʋ wonuu* nɛ ɛsɛtɩɣnɩ laʋ tɛɛ hɔɖɩŋ,Nɛ ɖoŋ tʋ nɔɔyʋ kaɣ yebu nɛ Libaŋ tɔlɩ.
Pɩ-tɛɛ tɔm
^ Yaa «palazɩɣ solisi ñɩm.»
^ Yaa «nɩŋgbaŋʋʋ hɔm.»
^ Yaa «mɩ-samtʋ.»
^ Yaa «se mahʋʋnɩ tɔm yɔ.»
^ Piye piye, «mankaɣ.»
^ Yaa «weyi ɛtɩkɛ ɖaʋ yɔ?»
^ Pʋ-tɔbʋʋ se Asiirii tʋ ɛyaa.
^ Yaa «samtʋ kpaɣnɩ kalɩzaɣ nɛ piwolo tomnaɣ.»
^ Yaa «abalɩbɩɣa.»
^ Yaa «nɩŋgbaŋʋʋ hɔm.»
^ Yaa «Ɛkpakɩɣ laɖɩyɛ.»
