Izaayii 11:1-16
11 Piliŋa+ nakɛyɛ kaɣ yɛzʋʋ Yesee+ kiɖe yɔɔ,Nɛ e-lila yɔɔ ɛyazɩyɛ+ naɖɩyɛ kaɣ lʋlʋʋ pee.
2 Nɛ Yehowa fezuu kaɣ caɣʋ ɛ-yɔɔ,+Lɔŋsɩnɖɛ+ nɛ tɔm taa nɩʋ lɛɣtʋ fezuu,Lɔŋ tasʋʋ nɛ ɖoŋ fezuu,+Sɩmtʋ nɛ Yehowa sɔɔndʋ seu fezuu.
3 Nɛ ɛkaɣ hiɣu taa leleŋ Yehowa sɔɔndʋ seu taa.+
Ɛɛkaɣ cɔnʋʋ ɛsa yɔɔ yem nɛ ɛhʋʋ tɔm,Nɛ ɛɛkaɣ nɩŋgbaŋʋʋ hɔm tɔm ndʋ ɛnɩɣ yɔ ti-ɖeke tɩ-yɔɔ.+
4 Ɛkaɣ ajamaa tɔm hʋʋ siɣsiɣ,*Nɛ ɛkaɣ labʋ mbʋ pɩtʋʋzaa yɔ se pɩsa nɛ ɛkandɩyɩ hɛɛɛ tɩnaa mba pɛwɛ tɛtʋ yɔɔ yɔ pɔ-yɔɔ.
Ɛkaɣ mabʋ tɛtʋ nɛ ɛ-nɔɔ taa ɖaʋ+Nɛ ɛkʋ ɛyʋ kɩdɛkɛdʋ nɛ e-ndomee helim.*+
5 Mbʋ pɩtʋʋzaa yɔ pɩkaɣ kɛʋ ɛ-tɩnaɣ taa tambaɖɛ,Nɛ siɣsiɣ wɛtʋ kɛ ɖɔɖɔ ɛ-tɩnaɣ taa tambaɖɛ.+
6 Ñɩtʋ taa haɣ* kaɣ caɣʋ heɣa cɔlɔ alɩwaatʋ natʋyʋ,+Nɛ kpou kaɣ hɩnʋʋ mbeɣa cɔlɔ,Nɛ neɣye nɛ mʋʋzʋʋ* nɛ kpɩnɛ nɖɩ ɖɩɖʋ num yɔ pa-tɩŋa pakaɣ kpɛndʋʋ nɛ pɛwɛɛ;*+Nɛ abalɩbɩɣa cikpelaɣ nakɛyɛ kaɣnɩ-wɛ ɖiyuu.
7 Nɔ halɩñɩnʋ nɛ kpemtɔɔyaɣ pakaɣ kpɛndʋʋ nɛ pɔtɔɔ,Nɛ pe-piya kaɣ kpɛndʋʋ nɛ sɩhɩnɩ.
Mʋʋzʋʋ kaɣ tɔɔʋ ñɩtʋ* ɛzɩ nɔ abalɩñɩnʋ yɔ.+
8 Hɩɖɛ yɔɔ pɩɣa kaɣ leɣyuu ɖalʋ pɔʋ nɔɔ yɔɔ,Nɛ pɩɣa ŋga pɛcɛbɩ-kɛ hɩɖɛ yɔ kakaɣ sɩʋ ke-nesi ɖʋm weyi ɛwɛ sɔtʋ yɔ ɛ-pɔʋ nɔɔ.
9 Paakaɣ labʋ kɩdɛkɛdɩm nabʋyʋ+Yaa paakaɣ kɔnʋʋ asɛyʋʋ nakʋyʋ man-pʋʋ kiɖeɖeu kpeekpe yɔɔ,+Mbʋ pʋyɔɔ yɔ toovenim taa lɛ Yehowa sɩmtʋ kaɣ suu tɛtʋ yɔɔƐzɩ lɩm suu teŋgu taa yɔ.+
10 Evemiye nɖɩ ɖi-wiye lɛ, Yesee liɖe+ kaɣ kʋyʋʋ nɛ ɖɩsɩŋ nɛ ɖɩkɛ samasɩ yʋsaɣ.*+
Ɛ-yɔɔ ajɛɛ kaɣ pɩsɩnʋʋ se eɖiyi-yɛ,*+Nɛ ɛ-ɖɩhɛzɩyɛ lone kaɣ pɩsʋʋ samtʋ lone.
11 Evemiye nɖɩ ɖi-wiye lɛ, Yehowa kaɣ ɖaɣnʋʋ sezuu e-nesi, nabʋlɛ ɖeɖe, se ɛmʋ ɛ-samaɣ taa ñɩma mba pɩkazaa nɛ pɛwɛɛ Asiirii,+ Ejipiti,+ Patroosɩ,+ Kuusi,+ Elam,+ Siineyaarɩ,* Hamatɩ nɛ lɩm hɛkʋ taa tɛtʋ ndɩ ndɩ ndʋ tɩwɛ teŋgu taa yɔ tɩ-taa yɔ.+
12 Ɛkaɣ kpazʋʋ yʋsaɣ* nɛ ɛwɩlɩ ajɛɛ nɛ ekpeɣli Izrayɛɛlɩ ñɩma mba pamɩzaa yɔ,+ nɛ ɛkaɣ kpeɣluu Yuuda ñɩma mba pamɩzaa nɛ pɛwɛɛ tɛtʋ kɔnanaa 4 taa yɔ.+
13 Efrayim sʋsɩ kaɣ ɖɩm,+Nɛ mba pawɩlɩɣ ñaŋ Yuuda yɔ pakaɣ-wɛ ɖɩzʋʋ.
Efrayim ɛɛkaɣ sʋsʋʋ Yuuda,Nɛ Yuuda ɛɛkaɣ wɩlʋʋ Efrayim ñaŋ.+
14 Nɛ pakaɣ kpedesuu nɛ petii Filistii mba kajalanzɩ taa* wɩsɩ ɖɩɖʋyɛ taa;Pakaɣ kpɛndʋʋ nɛ palazɩ Wɩsɩ Ðɩlɩyɛ taa mba ñɩm.
Pakaɣ sezuu pe-nesi* Edom+ nɛ Mowaabʋ+ yɔɔ,Nɛ Amooni mba kaɣ pɩsʋʋ pa-lɩmɖʋyaa.+
15 Yehowa kaɣ tayʋʋ Ejipiti teŋgu nzʋlʋmɩyɛ*+Nɛ efiɣdi e-nesi Pɔɔ* yɔɔ.+
Ɛkaɣ tɩŋnʋʋ ɛ-mɔɔŋ tɛɛ helim* miŋ ñɩmbʋ yɔɔ nɛ ɛma ke-lemisi 7,*Nɛ ɛkaɣ yebu nɛ ɛyaa ɖɔ nɛ pɛtɛzɩ, naataŋgbala pa-nɩŋgbanzɩ tɛɛ.
16 Nɛ nʋmɔʋ sɔsɔʋ+ nakʋyʋ kaɣ wɛʋ nɛ kɩlɩɣnɩ Asiirii se ɛ-samaɣ taa ɛyaa mba pɩkazaa yɔ patɩŋ,+Ɛzɩ nakʋyʋ kaawɛʋ se Izrayɛɛlɩ ɛtɩŋ, kɩyakʋ ŋgʋ ɛlɩnɩ Ejipiti ɛjaɖɛ taa yɔ.
Pɩ-tɛɛ tɔm
^ Yaa «tɔm hʋʋ nɛ siɣsiɣ wɛtʋ.»
^ Yaa «fezuu.»
^ Pɩpɩzɩɣ pɩkɛ, «Nɛ neɣye nɛ mʋʋzʋʋ pakaɣ kpɛndʋʋ nɛ pɔtɔɔ.»
^ Yaa «mʋʋzʋʋ ŋgʋ kɩwɛnɩ kpɛm ki-pondone yɔɔ yɔ.»
^ Ñɩtʋ taa haɣ kɛ kpɩnɛ nɖɩ ɖɩwɛ patʋ siŋŋ nɛ ɖɩtɔkɩ kpɩna lɛɛna yɔ.
^ Yaa «kesi.»
^ Yaa «Ajɛɛ kaɣ-ɩ ñɩnʋʋ.»
^ Yaa «yʋsaɣ sizika.»
^ Pʋ-tɔbʋʋ se Babilɔɔnɩya.
^ Yaa «yʋsaɣ sizika.»
^ Piye piye, «hazaɣ yɔɔ.»
^ Yaa «Pakaɣ labʋ nɛ po-ɖoŋ talɩ.»
^ Pɩpɩzɩɣ pɩkɛ, «kaɣ yebu nɛ Ejipiti teŋgu nzʋlʋmɩyɛ sɔɔ.»
^ Pʋ-tɔbʋʋ se Efraatɩ.
^ Yaa «e-fezuu.»
^ Pɩpɩzɩɣ pɩkɛ, «ɛmabɩ-kɛ nɛ ɛtayɩ-kɛ lemisi 7.»
