Izaayii 12:1-6
12 Toovenim taa lɛ, ŋkaɣ yɔɔdʋʋ kɩyakʋ ŋgʋ ki-wiye se:
«Hayɩ Yehowa, mɛnsɛɣ-ŋ se ŋlabaɣ lɛ,Mbʋ pʋyɔɔ yɔ paa ŋŋkɔ-m nɛ pana yɔ,Pazɩ pazɩ lɛ ña-pana kɔm nɛ ahɛɛ, nɛ ŋhɛzɩ ma-laŋɩyɛ.+
2 Na! Ɛsɔ kɛnɩ ma-ñʋʋ yaɖʋ.+
Mankaɣ-ɩ taʋ liu nɛ sɔɔndʋ ɛɛkpaɣ-m;+Mbʋ pʋyɔɔ yɔ Yah* Yehowa kɛnɩ mon-ɖoŋ nɛ mo-hoɖe,Nɛ ɛpɩsɩ ma-ñʋʋ yaɖʋ.»+
3 Ɩkaɣ lɩm luu nɛ amɛyaÑʋʋ yabʋ hila taa.+
4 Nɛ kɩyakʋ ŋgʋ ki-wiye lɛ, ɩkaɣ yɔɔdʋʋ se:
«Ɩsɛɛ Yehowa se ɛlabaɣ lɛ, ɩyaa ɛ-hɩɖɛ,Iyele nɛ patɩlɩ ɛ-lakasɩ samasɩ hɛkʋ taa!+
Isusi se ɛ-hɩɖɛ kʋyɩ ɛsɔdaa.+
5 Itee samtʋ hendu* Yehowa,+ mbʋ pʋyɔɔ yɔ ɛlabɩ tʋma sɔsɔna.+
Iyele nɛ patɩlɩ tɔm ndʋ tɛtʋ kpeekpe yɔɔ.
6 Koo nɛ ŋma kubusi nɛ taa leleŋ, ña weyi ŋwɛ Siyɔŋ taa yɔ,*Mbʋ pʋyɔɔ yɔ Izrayɛɛlɩ tɛ Kiɖeɖeu kɛ sɔsɔ ñɛ-hɛkʋ taa.»
Pɩ-tɛɛ tɔm
^ Hɩɖɛ «Yehowa» potobiyaa nɛ pɩkɛ «Yah.»
^ Yaa «Ɩma minziiki.»
^ Piye piye, «Siyɔŋ taa halʋ,» tɛtʋ taa ñɩma tɩŋa payaa se halʋ.
