Izaayii 20:1-6
-
Pawɩlɩ yʋsaɣ Ejipiti nɛ Etiyoopii (1-6)
20 Pɩnaɣ ŋga Asiirii wiyaʋ Sarɩgɔŋ tiyi Tarɩtaanɩ* nɛ ewolo Asɩdoodi+ yɔ, eyoni Asɩdoodi nɛ ɛmʋ-kʋ.+
2 Alɩwaatʋ ndʋ tɩ-taa lɛ, Yehowa tɩŋnɩ Amoozɩ pɩyalʋ Izaayii+ yɔɔ nɛ ɛyɔɔdɩ se: «Wolo, lɩzɩ fɔlɔtɔ ña-tɩnaɣ taa nɛ ŋhɔzɩ ña-naataŋgbala.» Nɛ ɛla mbʋ, nɛ ɛɖɔŋ ndaakpeɖe* nɛ nɩŋgbanzɩ kpɛɖɛ.
3 Nɛ Yehowa yɔɔdɩ se: «Ɛzɩ ma-lɩmɖʋyʋ Izaayii ɖɔm ndaakpeɖe nɛ nɩŋgbanzɩ kpɛɖɛ pɩnzɩ 3 nɛ pɩkɛ yʋsaɣ+ nɛ kawɩlaɣ Ejipiti+ nɛ Etiyoopii+ yɔ,
4 mbʋ ɖɔɖɔ Asiirii wiyaʋ kaɣ kpaɣʋ Ejipiti yomaa+ nɛ Etiyoopii ñɩma mba pɛkɛzɩɣ-wɛ tɛtʋ yɔ nɛ ɛɖɛna, abalɩbiya nɛ akpadɩyaa, pakaɣ wɛʋ ndaakpeɖe nɛ nɩŋgbanzɩ kpɛɖɛ nɛ nabʋyʋ ɛɛkaɣ huuzuu pɔ-tɔbɩŋ yɔɔ. Ɛɛɛ, pɩkaɣ Ejipiti ɖʋʋ fɛyɛ.*
5 Nɛ sɔɔndʋ kaɣ-wɛ kpaʋ siŋŋ nɛ fɛyɛ kaɣ-wɛ kpaʋ nɛ Etiyoopii ŋgʋ kɩ-yɔɔ paɖʋ pe-lidaʋ yɔ nɛ Ejipiti ŋgʋ kɩkɛ pa-cajayɛ yɔ.*
6 Teŋgu nɔɔ tɛtʋ tʋnɛ, tɩ-taa mba kaɣ yɔɔdʋʋ kɩyakʋ ŋgʋ ki-wiye se: “Ɩna mbʋ pɩtalɩ weyi ɖɩtaɣaɣ-ɩ liu yɔ, weyi ɖiseɣaɣ nɛ ɖiwoki ɛ-cɔlɔ se ɛsɩnɩ-ɖʋ nɛ eholi-ɖʋ Asiirii wiyaʋ nesi tɛɛ yɔ! Ɛzɩma ɖɩkaɣ lɩʋ pɩ-taa lɛɛlɛɛyɔ yɔ?”»
Pɩ-tɛɛ tɔm
^ Yaa «sɔɔjanaa ñʋʋdʋ.»
^ Yaa «nɛ eesu pɩ-tɛɛ wondu ɖeke.»
^ Yaa «Ɛɛɛ, pɩkaɣ Ejipiti ndaakpeɖe yɔɔ kuluu.»
^ Yaa «ŋgʋ kɩ-kajʋka kɛdaɣnɩ-wɛ yɔ.»
