Izaayii 24:1-23
24 Ɩna! Yehowa wɛɛ nɛ ɛhazɩɣ ɛjaɖɛ* taa caɣ caɣ nɛ eyeki-ɖɩ kpɛɖɛ.+
Ɛpɩsɩɣ-ɖɩ kpɛlɩ*+ nɛ ɛmɩzɩ ɛyaa mba pɛwɛ ɖɩ-taa yɔ.+
2 Pʋyʋ kʋɖʋm kaɣnɩ talʋʋ paa anɩ:
Mbʋ pɩkaɣ talʋʋ samaɣ yɔ, mbʋ kaɣnɩ talʋʋ cɔjɔ,Mbʋ pɩkaɣ talʋʋ lɩmɖʋyʋ abalɩñɩnʋ yɔ, mbʋ kaɣnɩ talʋʋ ɛ-ñʋʋdʋ abalɩñɩnʋ,Mbʋ pɩkaɣ talʋʋ lɩmɖʋyʋ halɩñɩnʋ yɔ, mbʋ kaɣnɩ talʋʋ ɛ-ñʋʋdʋ halɩñɩnʋ,Mbʋ pɩkaɣ talʋʋ yaɖʋ yɔ, mbʋ kaɣnɩ talʋʋ pɛdɩyʋ,Mbʋ pɩkaɣ talʋʋ weyi ɛkɩndɩ lɛlʋ yɔ, mbʋ kaɣnɩ talʋʋ weyi pakɩndɩ-ɩ yɔ,Mbʋ pɩkaɣ talʋʋ weyi ɛkɩndɩ lɛlʋ liidiye yɔ, mbʋ kaɣnɩ talʋʋ weyi pakɩndɩ-ɩ liidiye yɔ.+
3 Ɛjaɖɛ kaɣ wɛʋ kpɛɖɛ;Pakaɣ ɖɩ-ñɩm lazʋʋ caɣ caɣ,+Mbʋ pʋyɔɔ yɔ Yehowa yɔɔdɩnɩ tɔm ndʋ.
4 Ɛjaɖɛ cakɩ kʋñɔwiye;*+ ɖɩwɛɛ nɛ ɖɩyɔlʋʋ.
Tɛtʋ ndʋ tɩlʋlʋʋ yɔ tilou; tɩwɛɛ nɛ tɩcadɩɣ.
Ɛjaɖɛ taa ɛyaa mba pa-hɩla sɛwa yɔ po-ɖoŋ tɛŋ.
5 Ɛjaɖɛ taa mba pisi pɛ-ɛjaɖɛ,+Mbʋ pʋyɔɔ yɔ patɩña paɣtʋ,+Pɛlɛɣzɩ kpalɩtʋ,+Nɛ pɛcɛ tamtam ɛgbɛyɛ.*+
6 Pʋyɔɔ nɔɔ kɩdɛkɛdaɣ lɔʋ ɖɩzɩɣ ɛjaɖɛ,+Nɛ mba pɛwɛ ɖɩ-taa yɔ, pɔɖɔ wɛɛ.
Pʋyɔɔ ɛjaɖɛ taa mba tɩtasɩ ɖɔʋ,Nɛ ɛyaa pazɩ yem pɩkazaa.+
7 Vɛɛ kɩfalʋʋ wɛ kʋñɔwiye taa,* viiñi lou,+Nɛ mba payɩ pa-laŋa taa kaahʋlʋmaa yɔ, pɛwɛɛ nɛ pɔmɔlʋʋ.+
8 Nesi tɛɛ soo* tɛ taa leleŋ sɩ tɩnaɣ;Kazandʋ laɖaa kɔkɔɖɛ tɛma;Cɩmʋʋ ŋgʋ kɩhaɣ taa leleŋ yɔ kɩsɩ tɩnaɣ.+
9 Pɔñɔʋ vɛɛ, ɛlɛ hendu teu fɛyɩ,Nɛ sʋlʋm ɖoŋ ñɩmbʋ wɛ ñaŋ mba pɔñɔʋ-pʋ yɔ pɔ-nɔsɩ taa.
10 Tɛtʋ ndʋ pese tɩ-taa yɔ, pɔyɔkɩ-tʋ;+Paɖɩɣ paa ɖɩɣa ŋga kɔ-nɔnɔɔ, nɛ nɔɔyʋ ɛɛpɩzɩɣ nɛ ɛsʋʋ.
11 Pamakɩ kubusi habɛɛ yɔɔ nɛ pañɩnɩɣ sʋlʋm.
Amɛya tɩŋa mʋwaa;Taa leleŋ weyi ɩɩwɛ ɛjaɖɛ taa yɔ, ɩtɩtasɩ wɛʋ.+
12 Tɛtʋ pɩsɩ njɛyɛ;Pɔyɔkɩ nɔnɔɔ nɛ kapɩsɩ tambaɣ huuye.+
13 Mbʋ pʋyɔɔ yɔ, mbʋ pɩkaɣ wɛʋ ɛjaɖɛ taa, samasɩ hɛkʋ taa:Ɛzɩ alɩwaatʋ ndʋ pañamsɩɣ oliivi tɩʋ nakʋyʋ yɔ,+Ɛzɩ pacazʋʋ ajaza alɩwaatʋ ndʋ pɛtɛŋ koyuu viiñi pee yɔ.+
14 Pakaɣ yebu nɛ panɩɩ pɔ-nɔsɩ taŋ,Pakaɣ mabʋ kubusi nɛ taa leleŋ.
Pakaɣ susuu Yehowa paɣlɩka nɛ teŋgu cɔlɔ kiŋ.*+
15 Pʋyɔɔ pakaɣ Yehowa sam ñalɩmɩyɛ egeetiye taa;*+Pakaɣ sam Izrayɛɛlɩ tɛ Ɛsɔ Yehowa hɩɖɛ lɩm hɛkʋ taa tɛtʋ ndɩ ndɩ ndʋ tɩwɛ teŋgu taa yɔ tɩ-taa.+
16 Ðɩnɩɣ hendu ndɩ ndɩ taŋ, tɩlɩɣnɩ tɛtʋ kamasɩ yɔɔ se:
«Pɛcɛlɩ samtʋ* Siɣsiɣ Tʋ!»+
Ɛlɛ mɔyɔɔdʋʋ se: «Mɛwɛɛ nɛ mɔyɔlʋʋ, mɛwɛɛ nɛ mɔyɔlʋʋ!
Pɩtɔɔ-m! Agutaaku tɩnaa labɩ agutaaku lakasɩ;Agutaaku tɩnaa tɩŋnɩ agutaaku lakasɩ yɔɔ nɛ pala agutaaku lakasɩ.»+
17 Sɔɔndʋ sɔsɔtʋ nɛ pɔŋ nɛ kpacanaa ɖaŋɩ-ŋ, ɛjaɖɛ taa tʋ.+
18 Weyi ɛnɩɣ sɔɔndʋ sɔsɔtʋ taŋ nɛ eseɣ yɔ, ɛkaɣ tɔlʋʋ pɔʋ taa;Nɛ weyi ɛlɩɣnɩ pɔʋ taa yɔ, kpaca kaɣ-ɩ kpaʋ.+
Mbʋ pʋyɔɔ yɔ ɛsɔdaa lɩm nɔnɔsɩ kaɣ tʋlʋʋ,Nɛ ɛjaɖɛ tigila kaɣ ñamsʋʋ.
19 Ɛjaɖɛ faɣ hɔɔlasɩ;Pañamsɩ ɛjaɖɛ;Ɛjaɖɛ ñamsɩɣ nɛ ɖiseliɣ siŋŋ.+
20 Ɛjaɖɛ cɛŋɛsɩɣ ɛzɩ weyi sʋlʋm kʋʋ-ɩ yɔ,Nɛ pɩɖɛɣnɩ-ɖɩ nɛ ɛsɩndaa nɛ pɩpɩsɩɣnɩ-ɖɩ ɛzɩ cokiye helim taa yɔ.
Ðɩ-kɩwɛɛkɩm wɛ yuŋ ɖɩ-yɔɔ pɩdɩɩfɛyɩ,+Nɛ ɖɩkaɣ tɔlʋʋ, nɛ ɖɩɩkaɣ tasʋʋ kʋyʋʋ.
21 Kɩyakʋ ŋgʋ ki-wiye lɛ, Yehowa kaɣ kɛzʋʋ ɛ-lɩmaɣza nɛ ɛsɔdaa yoyaa mba pɛwɛ hayo yɔ pɔ-yɔɔ,Nɛ tɛtʋ yɔɔ awiya wena awɛ tɛtʋ yɔɔ yɔ a-yɔɔ.
22 Nɛ pakaɣ-wɛ kpeɣluuƐzɩ pekpeɣluu salaka tɩnaa pɔʋ nakʋyʋ taa yɔ,Nɛ pakaɣ-wɛ ɖɩɣʋ salaka taa;Kɩyakɩŋ sakɩyɛ wayɩ lɛ, pakaɣ kɛzʋʋ lɩmaɣza nɛ pɔ-yɔɔ.
23 Fenaɣ ŋga kesiɣaa yɔ, fɛyɛ kaɣ-kɛ kpaʋ,Nɛ wɩsɩ nzɩ siɖiɣni ñaɣʋ yɔ, pakaɣ-sɩ ɖʋʋ fɛyɛ,+Mbʋ pʋyɔɔ yɔ yoyaa tɛ Yehowa pɩsɩ Wiyaʋ+ Siyɔŋ Pʋʋ yɔɔ+ nɛ Yeruzalɛm taa,Ɛkaɣ tɔɔʋ kewiyitu nɛ samtʋ sɔsɔtʋ ɛ-samaɣ ɛzʋtʋyaa ɛsɩndaa.*+
Pɩ-tɛɛ tɔm
^ Yaa «Ɛwɛɛkɩɣ ɖɩ-ɛsɩndaa.»
^ Yaa «tɛtʋ.»
^ Pɩpɩzɩɣ pɩkɛ, «Ɛjaɖɛ wɩlɩɣ.»
^ Yaa «pɛcɛ ɛgbɛyɛ kɩbɩnɖɛ.»
^ Pɩpɩzɩɣ pɩkɛ, «Vɛɛ kɩfalʋʋ sɔʋ.»
^ Pɩkɛ soo cikpena wena pɔɖɔkʋʋ nesi tɛɛ nɛ pamakɩ yɔ.
^ Yaa «nɛ wɩsɩ ɖɩɖʋyɛ taa kiŋ.»
^ Yaa «pakaɣ Yehowa sam wɩsɩ ɖɩlɩyɛ taa.»
^ Yaa «Pɛcɛlɩ ajana wonuu.»
^ Piye piye, «ɛ-ɛzʋtʋyaa ɛsɩndaa.»
