Izaayii 25:1-12
25 Hayɩ Yehowa, ŋkɛ mɛ-Ɛsɔ.
Mɛnɖɛyɩɣ-ŋ, mansaŋ ña-hɩɖɛ,Mbʋ pʋyɔɔ yɔ ŋlabɩ tʋma sɔsɔna,+Tʋma wena ŋlabɩ a-tamaɣ* ɖooo caanaʋ taa,+Siɣsiɣ wɛtʋ+ taa nɛ toovenim taa yɔ.
2 Mbʋ pʋyɔɔ yɔ ŋyeba nɛ tɛtʋ pɩsɩ pɛɛ huuye,Tɛtʋ ɖoŋ ñɩndʋ pɩsɩ njɛyɛ.
Ɛgɔm tilimiye* tɩtasɩ kɛʋ tɛtʋ;Paakaɣ-ɖɩ tasʋʋ maʋ.
3 Pʋyɔɔ samaɣ ɖoŋ ñɩŋga nakɛyɛ kaɣ-ŋ sam;Ajɛɛ kañatʋ ñɩna tɛtʋ kaɣ-ŋ seu sɔɔndʋ.+
4 Mbʋ pʋyɔɔ yɔ ŋpɩsɩ lone ɖoŋ ñɩnɖɛ ɛjam,Ŋpɩsɩ lone ɖoŋ ñɩnɖɛ kʋñɔndʋ, e-siziŋ taa;+Ŋpɩsɩ ɖɩjɔzɩyɛ, alɩwaatʋ ndʋ tɛʋ sɔsɔʋ nɩɣnɩ helim yɔ,Nɛ ŋpɩsɩ kuzotuu soŋaɣ alɩwaatʋ taa.+
Alɩwaatʋ ndʋ kañatʋ tɩnaa helim makɩ ɛzɩ tɛʋ ŋgʋ kɩnɩɣnɩ helim nɛ kɩmakɩ koloŋa nakɛyɛ yɔ,
5 Ɛzɩ soŋaɣ wɩlɩŋ ɛjaɖɛ taa yɔ,Ŋyeki nɛ agɔma kɔkɔɖɛ suŋ.
Ɛzɩ soŋaɣ ŋga ɛsɔmɩnʋʋ kɩlɛmʋʋ yeki nɛ kɛtɛŋ yɔ,Mbʋ kañatʋ tɩnaa hendu suŋ.
6 Pʋʋ kʋnɛ kɩ-yɔɔ+ yoyaa tɛ Yehowa kaɣ labʋ samasɩ kpeekpeTɔɔnasɩ kɩbanzɩ kazandʋ,+Vɛɛ kɩbaŋʋ* kazandʋ,Tɔɔnasɩ kɩbanzɩ nzɩ mɔɔ taa num su sɩ-taa yɔ sɩ-kazandʋ,Vɛɛ kɩbaŋʋ ŋgʋ pacatɩ-kʋ yɔ kɩ-kazandʋ.
7 Pʋʋ kʋnɛ kɩ-taa ɛkaɣ kʋsʋʋ* pɩsaʋ ŋgʋ kihuuzi samasɩ kpeekpe yɔɔ yɔ nɛ kɩɩtasɩɣ wɛʋ,Nɛ ɛkaɣ kʋsʋʋ kuhuuzuu* ŋgʋ pɛñɛyɩ ajɛɛ kpeekpe yɔɔ yɔ.
8 Ɛkaɣ libu* sɩm kpaagbaa libu,+Nɛ Kɩbaɣlʋ Kɩlɩm Yehowa kaɣ hɩzʋʋ ɛsɩtɛɣlɩm ɛyaa kpeekpe ɛsɩndaa.+
Ɛkaɣ kʋsʋʋ ɛ-samaɣ fɛyɛ tɛtʋ kpeekpe yɔɔ,Mbʋ pʋyɔɔ yɔ Yehowa maɣmaɣ yɔɔdɩnɩ-tʋ.
9 Kɩyakʋ ŋgʋ ki-wiye lɛ, pakaɣ yɔɔdʋʋ se:
«Ɩna! Ðɛ-Ɛsɔ yɔ!+
Ðɩta-ɩ liu,+Nɛ ɛkaɣ ɖa-ñʋʋ yabʋ.+
Yehowa kɔyɔ!
Ðɩta-ɩ liu.
Ða-taa ɛla leleŋ nɛ ɖɩmɛyɩ amɛya mbʋ pʋyɔɔ yɔ ɛyakɩ ɖa-ñʋʋ.»+
10 Mbʋ pʋyɔɔ yɔ Yehowa nesi kaɣ caɣʋ pʋʋ kʋnɛ kɩ-yɔɔ,+Nɛ pakaɣ fɛyʋʋ Mowaabʋ ki-lone taa+Ɛzɩ pɛfɛyʋʋ kesi, huɖe huuye yɔɔ yɔ.
11 Ɛkaɣ posuu e-nesi kɩ-taaƐzɩ lɩm yayʋ posuu e-nesi se ɛya lɩm yɔ,Ɛkaɣ tɩŋnʋʋ ɛzɩma ɛmakɩ-kʋ nɛ e-nesi nɛ lɛɣtʋ yɔ pɩ-yɔɔNɛ eluzi kɩ-tɩ kpazʋʋ.+
12 Nɛ tɛtʋ ɖoŋ ñɩndʋ, nɛ ño-kolonzi* nzɩ sɩkʋyaa nɛ sɩkandɩyɩɣ ñɔ-yɔɔ yɔ,Ɛkaɣ pɩtɩŋa yɔkʋʋ;Ɛkaɣ-tʋ tuzuu nɛ ɛpɛɖɩ tataa, ɖooo mʋzʋʋ taa.
Pɩ-tɛɛ tɔm
^ Yaa «Lɔŋ weyi ŋtasɩ.»
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «Vɛɛ ŋgʋ pasɩwa nɛ kɩ-tɛɛtʋ tii nɛ tɩcaɣ yɔ.»
^ Piye piye, «libu.»
^ Yaa «kɛdɛɛka.»
^ Piye piye, «ɖɩzʋʋ.»
^ Pɩtʋʋ fɛyɩ se Mowaabʋ tɔm pɔyɔɔdʋʋ.
