Izaayii 28:1-29
28 Pɩtɔɔ Efrayim sʋlʋm kpaŋɩyaa awiya hulaɣ* ŋga kawɩlɩɣ ka-tɩ yɔ*+Nɛ keɖeɣa sɔsɔɔ hɛɖʋʋ ŋgʋ kiɖiɣni lou yɔ,Ŋgʋ kɩwɛ mba sʋlʋm kʋʋ-wɛ yɔ pɛ-fɛɛʋ mʋzʋŋ ñɩŋgʋ ñʋʋ yɔɔ yɔ!
2 Ɩna! Yehowa wɛnɩ ɖoŋ tʋ nɛ hoɖe tʋ nɔɔyʋ.
Ɛzɩ ɖɔmbɛɛ tɛʋ nazʋʋ yɔ, helim sɔsɔm mbʋ pɩwɛɛkɩɣ wondu yɔ,Ɛzɩ tɛʋ ŋgʋ kɩnɩɣnɩ helim nɛ kɩnazɩɣ nɛ kɩ-lɩm wadɩɣ yɔ,Ɛkaɣ-kɛ yaɣʋ nɛ tɛtʋ ɖoŋ.
3 Efrayim sʋlʋm kpaŋɩyaa awiya hulasɩ nzɩ sɩwɩlɩɣ sɩ-tɩ yɔ,*Pakaɣ-sɩ fɛyʋʋ.+
4 Nɛ keɖeɣa sɔsɔɔ hɛɖʋʋ ŋgʋ kiɖiɣni lou yɔ,Ŋgʋ kɩwɛ fɛɛʋ mʋzʋŋ ñɩŋgʋ ñʋʋ yɔɔ yɔ,Kɩkaɣ pɩsʋʋ ɛzɩ kajalaɣ fiigi piye nɖɩ ɖɩpɩwa pʋcɔ nɛ pɩtalɩ soŋaɣ alɩwaatʋ taa yɔ.
Alɩwaatʋ ndʋ nɔɔyʋ naɣ-ɖɩ yɔ, ɖɩñɩtɩɣ nɛ ɖɩsʋʋ e-nesi tɛɛ lɛ, eliki-ɖɩ.
5 Kɩyakʋ ŋgʋ ki-wiye lɛ, yoyaa tɛ Yehowa kaɣ pɩsʋʋ samtʋ awiya hulaɣ nɛ ajana hɛtʋ kajʋka ñɩndʋ ndʋ palʋ-tʋ sabʋʋ yɔ, ɛ-samaɣ taa ñɩma mba pɩkazaa yɔ.+
6 Nɛ ɛkaɣ pɩsʋʋ siɣsiɣ wɛtʋ fezuu, weyi ɛhʋʋ tɔm yɔ; nɛ ɖoŋ hiɖe, mba pɔɖɔɔnʋʋ koyindinaa nɔnɔɔ taa yɔ.+
7 Nɛ vɛɛ yɔɔ lɛ, panɛ ɖɔɖɔ peleki;Pa-sʋlʋm ɖoŋ ñɩmbʋ yeki nɛ pɩcɛŋɛsɩɣ-wɛ.
Sʋlʋm ɖoŋ ñɩmbʋ yɔɔ lɛ, cɔjɔ nɛ nayʋ peleki;Vɛɛ sidiɣ pa-lɩmaɣza taa,Nɛ pa-sʋlʋm ɖoŋ ñɩmbʋ cɛŋɛsɩɣ-wɛ;Pa-natʋ yeki nɛ peleki,Nɛ pituuluu-wɛ tɔm hʋʋ taa.+
8 Mbʋ pʋyɔɔ yɔ pa-taabɩlɩnaa yɔɔ nɛ azuluma tɔtʋ ɖo—Lone naɖɩyɛ fɛyɩ se azuluma tɔtʋ fɛyɩ ɖɩ-taa.
9 Anɩ pakaɣ wɩlʋʋ sɩmtʋ,Nɛ anɩ pakaɣ lɩzʋʋ tɔm taa?
Mba pɛcɛbɩ-wɛ hɩɖɛ pitileɖita yɔ?
Mba poposi-wɛ nɛ hɩla pitileɖita yɔ?
10 Mbʋ pʋyɔɔ yɔ paa ɛzɩmtaa lɛ «paɣtʋ paɣtʋ yɔɔ, paɣtʋ paɣtʋ yɔɔ,Kpalɩtʋ kpalɩtʋ yɔɔ, kpalɩtʋ kpalɩtʋ yɔɔ,*+Cɩnɛ yɔ pazɩ, peeɖeyɔ pazɩ.»
11 Pʋyɔɔ lɛ, ɛkaɣ tɩŋnʋʋ mba pamatɩɣ yɔ* pɔ-yɔɔ nɛ agbaaɣdaa kʋnʋŋ nakʋyʋ yɔɔ nɛ ɛyɔɔdɩnɩ samaɣ kanɛ.+
12 Eheyi-wɛ alɩwaatʋ natʋyʋ se: «Ðɩhɛzɩyɛ lone yɔ. Weyi pɩnɩ-ɩ yɔ ɛhɛzɩ; lone nɖɩ ɖɩhɛ camɩyɛ yɔ nɖɩ yɔ,» ɛlɛ pekizi se paawelisiɣ.+
13 Pʋyɔɔ lɛ, tɔm tʋnɛ Yehowa kaɣ-wɛ heyuu:
«Paɣtʋ paɣtʋ yɔɔ, paɣtʋ paɣtʋ yɔɔ,Kpalɩtʋ kpalɩtʋ yɔɔ, kpalɩtʋ kpalɩtʋ yɔɔ,*+Cɩnɛ yɔ pazɩ, peeɖeyɔ pazɩ,»Se pɩsa nɛ alɩwaatʋ ndʋ pɔɖɔŋ yɔ,Pituuli-wɛ nɛ pɔtɔlɩnɩ pa-wayɩNɛ pɩpɛlɩ-wɛ nɛ pɔtɔlɩ kpaca taa nɛ pakpa-wɛ.+
14 Pʋyɔɔ lɛ, iwelisi Yehowa tɔm, tɩ kpazɩyaa mɩ,Mɩ, samaɣ kanɛ ka-ñʋndɩnaa Yeruzalɛm taa,
15 Mbʋ pʋyɔɔ yɔ ɩyɔɔdʋʋ se:
«Ða nɛ Sɩm ɖɩɖʋ ɛgbɛyɛ,+Nɛ ɖa nɛ Pɩlaʋ* ɖɩnɩnɩ ɖama.*
Alɩwaatʋ ndʋ lɩm suu nɛ pɩwadɩɣnɩ ɖoŋ nɛ pɩɖɛɣ yɔ,Pɩɩkaɣ-ɖʋ talʋʋ,Mbʋ pʋyɔɔ yɔ ɖiyeba nɛ cɛtɩm pɩsɩ ɖa-ɖɩjɔzɩyɛNɛ ɖɩmɛlɩ cɛtɩm taa.»+
16 Pʋyɔɔ lɛ, tɔm tʋnɛ Kɩbaɣlʋ Kɩlɩm Yehowa yɔɔdʋʋ:
«Ɩna! Menɖiɣni sɩʋ pɩyɛ nɖɩ patakɩ-ɖɩ nɛ pana yɔ Siyɔŋ taa se pɩkɛ tigiɖe,+Tigiɖe nɖɩ ɖɩkam camɩyɛ yɔ,+ ɖɩ-kɔna taa pɩyɛ nɖɩ ɖɩwɛ ñɩm yɔ.+
Weyi ɛwɛɣnɩ tisuu yɔ, sɔɔndʋ ɛɛkaɣ-ɩ kpaʋ.+
17 Nɛ mankaɣ yebu nɛ tɔm hʋʋ siɣsiɣ pɩsɩ nimaɣ ŋga pamaɣzɩɣna yɔ+Nɛ siɣsiɣ wɛtʋ pɩsɩ wonuu ŋgʋ pamaɣzɩɣna se pana se nabʋyʋ yɔɔ tʋʋzɩ camɩyɛ yɔ.*+
Ðɔmbɛɛ kaɣ hazʋʋ cɛtɩm ɖɩjɔzɩyɛ nɛ pɩɖɛna,Nɛ lɩm kaɣ wadʋʋ ɖɩmɛlɩyɛ lone yɔɔ.
18 Ɛgbɛyɛ nɖɩ mɩ nɛ Sɩm ɩɖʋwa yɔ ɖɩkaɣ cɛbʋ,Nɛ mɩ nɛ Pɩlaʋ* mɩ-ɖama nɩnʋʋ ɛɛkaɣ tasʋʋ wɛʋ.+
Alɩwaatʋ ndʋ lɩm suu nɛ pɩwadɩɣnɩ ɖoŋ nɛ pɩɖɛɣ yɔ,Pɩkaɣ-mɩ naŋʋʋ.
19 Alɩwaatʋ ndʋ payɩ pɩɖɛɣ yɔ,Pɩkaɣ-mɩ hazʋʋ nɛ pɩɖɛna;+Mbʋ pʋyɔɔ yɔ pɩkaɣ ɖɛʋ paa tanaŋ ŋgʋ,Wɩsɩ taa nɛ ɖoo taa.
Sɔɔndʋ sɔsɔtʋ ɖeke kaɣnɩ yebu nɛ panɩɩ tɔm ndʋ paanɩwa yɔ tɩ-tɔbʋʋ.»*
20 Mbʋ pʋyɔɔ yɔ, kaɖʋ tɩɖaɣlɩ se ɛyʋ elosi ɛ-tɩ kɩ-yɔɔ,Nɛ pɩsaʋ ŋgʋ palʋwa yɔ, kɩtɩwalɩ se ɛyʋ ɛhɔkɩ-kʋ ɛ-tɩ.
21 Mbʋ pʋyɔɔ yɔ Yehowa kaɣ kʋyʋʋ ɛzɩ ɛlabʋ Perazim Pʋʋ yɔɔ yɔ;Ɛkaɣ ɛ-tɩ kʋsʋʋ ɛzɩ ɛlabʋ fɛɛʋ* ŋgʋ kɩñɔtɩnɩ Gabawɔɔ yɔ kɩ-taa yɔ,+Se ɛla ɛ-lakasɩ—ɛ-lakasɩ nzɩ sɩwɛ piti yɔ—Nɛ ɛla ɛ-tʋmɩyɛ—ɛ-tʋmɩyɛ nɖɩ ɖɩwɛ ŋgee yɔ.+
22 Lɛɛlɛɛyɔ itaahoŋ,+Pɩtɩkɛ mbʋ yɔ mbʋ pɔhɔkɩnɩ-mɩ yɔ, pɩtɛzɩɣ cɛyɩsʋʋ;Mbʋ pʋyɔɔ yɔ manɩ Kɩbaɣlʋ Kɩlɩm, yoyaa tɛ Yehowa cɔlɔSe paɖʋwa se paɖɩzɩɣ ɛjaɖɛ kpeekpe.*+
23 Ɩkʋ nɩŋgbaaŋ nɛ iwelisi mɔ-nɔɔ;Ikemsi nɛ iwelisi tɔm ndʋ mɔyɔɔdʋʋ yɔ.
24 Ɛzɩ haɖʋ wɛɣ hayʋʋ yɔɔ evemiye kpeekpe se pʋcɔ nɛ eɖuu ɖomaɣ na?
Ɛzɩ ɛwɛɣ ɛ-tɛtʋ pɩsʋʋ nɛ tɩ-ñɔɔzʋʋ yɔɔ tam?+
25 Alɩwaatʋ ndʋ ɛtɛŋ-tʋ ñɔɔzʋʋ yɔ,Ɛɛmɩzɩɣ tɩ-yɔɔ kumɛɛ* kɩkpɛdʋʋ, nɛ eɖuu kumɛɛ yaa we?
Nɛ eeɖuu blee, mɩsɩ nɛ orjɩ po-lona taaNɛ blee lɛɛkʋ*+ kpɛnzɩ yɔɔ kpɛɛɛ yaa we?
26 Mbʋ pʋyɔɔ yɔ Ɛsɔ wɩlɩɣ-ɩ tɔm* camɩyɛ;Ɛ-Ɛsɔ wɩlɩɣ-ɩ lɔŋ.+
27 Mbʋ pʋyɔɔ yɔ kɛɛkɛɛ ŋgʋ pamakɩnɩ tɔɔnaɣ yɔ, kɩɩpʋʋtʋʋ kumɛɛ kɩkpɛdʋʋ;+Nɛ paaɖɔŋnɩ kɛɛkɛɛ pɔbɔɖɛ kumɛɛ yɔɔ.
Ɛlɛ ɖaʋ pamakɩnɩ kumɛɛ kɩkpɛdʋʋ,Nɛ ɖaʋ pamakɩnɩ kumɛɛ.
28 Ɛyʋ yɔkʋʋ tɔɔnaɣ pee wena palakɩnɩ kpɔnɔ yɔ?
Aayɩ, ɛɛmakɩ-yɛ kaahɛzaɣ;+Nɛ alɩwaatʋ ndʋ ɛkpakɩɣ ɛ-kpaŋnaŋ nɛ ɛsaɣ kɛɛkɛɛ nɛ ki-kpeɖe* tɩŋɩɣ a-yɔɔ yɔ,Ɛɛyɔkʋʋ-yɛ.+
29 Pʋnɛ ɖɔɖɔ pɩlɩɣnɩ yoyaa tɛ Yehowa cɔlɔ,Weyi ɛ-lɔŋ tasʋʋ* wɛ ɖeu pɩdɩɩfɛyɩ yɔNɛ weyi ɛ-tʋma paɣlaa yɔ.*+
Pɩ-tɛɛ tɔm
^ Pɩkɛɣnɩ tɛtʋ sɔsɔtʋ Samaarii tɔm pɔyɔɔdʋʋ.
^ Yaa «ŋga kakpazɩɣ ka-tɩ yɔ; ŋga kɛwɛ cajayɛ yɔ.»
^ Yaa «nzɩ sɩkpazɩɣ sɩ-tɩ yɔ; nzɩ sɩwɛ cajayɛ yɔ.»
^ Yaa «Nimaɣ ŋga pamaɣzɩɣna yɔ, nimaɣ ŋga pamaɣzɩɣna yɔ kɔ-yɔɔ; nimaɣ ŋga pamaɣzɩɣna yɔ, nimaɣ ŋga pamaɣzɩɣna yɔ kɔ-yɔɔ.»
^ Piye piye, «mba po-ndomee matɩɣ yɔ.»
^ Yaa «Nimaɣ ŋga pamaɣzɩɣna yɔ, nimaɣ ŋga pamaɣzɩɣna yɔ kɔ-yɔɔ; nimaɣ ŋga pamaɣzɩɣna yɔ, nimaɣ ŋga pamaɣzɩɣna yɔ kɔ-yɔɔ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Pɩpɩzɩɣ pɩkɛ, «Nɛ ɖa nɛ Pɩlaʋ ɖɩwɛnɩ natʋ natʋyʋ.»
^ Yaa «pɩsɩ pʋlɔŋ nimaɣ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Pɩpɩzɩɣ pɩkɛ, «Alɩwaatʋ ndʋ panɩɣ yɔ, sɔɔndʋ sɔsɔtʋ kaɣ-wɛ kpaʋ.»
^ Yaa «kɛdɛɛŋa.»
^ Yaa «tɛtʋ kpeekpe.»
^ Ebree tɔm piye nɖɩ palabɩnɩ tʋmɩyɛ yɔ, ɖɩwɩlɩɣ se pɩkɛ blee ŋgʋ kɩtaawɛɛ ɖeu nɛ pɩtalɩ blee maɣmaɣ nɛ pahayaɣ-kʋ caanaʋ taa Ejipiti taa yɔ.
^ Kumɛɛ kɛ ñɩtʋ ndʋ pahayɩɣ kaɖasɩ taa nɛ paɖʋʋ tɔɔnaɣ taa se kalɩɩ sɔzɩŋ camɩyɛ yɔ.
^ Yaa «sɩɣzɩɣ-ɩ lɔŋ; hɔŋ ɛ-nɩŋgbaŋʋʋ.»
^ Yaa «ki-pilimiye.»
^ Yaa «ɛ-tamaɣ.»
^ Yaa «Nɛ weyi ɛ-lɔŋsɩnɖɛ nɖɩ ɖɩwazɩɣ yɔ ɖɩpaɣlaa yɔ.»
