Izaayii 35:1-10
35 Kañɩmbusuu nɛ wɩlɩŋ ɛjaɖɛ pakaɣ mɛyʋʋ amɛya,+Nɛ kañɩmbusuu kɛdɛɛŋa kaɣ wɛʋ taa leleŋ taa nɛ kakpaɣ hɛtʋ ɛzɩ hɛɖʋʋ ŋgʋ payaɣ se safɩraŋ yɔ.+
2 Paa pɩɩkpawa nɛ pitii yɔ, kakaɣ kpaɣʋ hɛtʋ;+Kakaɣ mɛyʋʋ nɛ kama taa leleŋ kubusi.
Pakaɣ-kɛ cɛlʋʋ Libaŋ samtʋ,+Karmɛɛlɩ+ nɛ Sarɔɔnɩ+ pe-keɖeɣa.
Pakaɣ naʋ Yehowa samtʋ, ɖɛ-Ɛsɔ keɖeɣa.
3 Ɩkpazɩ ɖoŋ nesi nzɩ sɩfɛyɩ ɖoŋ yɔ,Nɛ ɩcɛyɩsɩ nʋmbɔla wena aɖiɣni seluu yɔ.+
4 Iheyi mba pɛwɛ nɩɣzɛ taa pa-laŋɩyɛ taa yɔ se:
«Ɩwɛɛ ɖoŋ. Sɔɔndʋ ɛtaakpa-mɩ.
Ɩna! Mɩ-Ɛsɔ maɣmaɣ kaɣ kɔm se ɛkpa kɩmɩyɛ,Ɛsɔ kaɣ kɔm se ɛhɔ nɩŋgbaŋʋʋ.+
Ɛkaɣ kɔm nɛ ɛya mɩ-ñʋʋ.»+
5 Alɩwaatʋ ndʋ tɩ-taa lɛ, yʋlʋmaa ɛsa kaɣ kuluu,+Nɛ tandamaa nɩŋgbaaŋ kaɣ tʋlʋʋ.+
6 Alɩwaatʋ ndʋ tɩ-taa lɛ, kaakalaɣ kaɣ kʋyʋʋ nɛ kamaa ɛzɩ nam* yɔ,+Nɛ kaayɔɔdaɣ nzʋlʋmɩyɛ kaɣ mabʋ taa leleŋ kubusi.+
Mbʋ pʋyɔɔ yɔ lɩm kaɣ yabɩtʋʋ kañɩmbusuu taa,Nɛ lemisi kaɣ yazɩnʋʋ kañɩmbusuu kɛdɛɛŋa taa.
7 Wɩlɩŋ tɛtʋ kaɣ pɩsʋʋ lɩŋgamʋʋ ŋgʋ kɩ-taa wɛ kañɩŋgbayɩsɩ yɔ,Nɛ lɔkɔtʋ tɛtʋ kaɣ wɛnʋʋ lɩm hila.+
Kpɩna ɖɩjaɣyɛ lona taa ɖenɖe tɛyɛ hasɩ hɛzaɣ yɔ,+Ñɩtʋ lɛŋ ñɩndʋ nɛ kañɩŋgbayɩsɩ nɛ papiruusi pakaɣ wɛʋ peeɖe.
8 Nɛ habɩyɛ sɔsɔɖɛ naɖɩyɛ kaɣ wɛʋ peeɖe,+Ɛɛɛ, habɩyɛ nɖɩ payaɣ se Kele kele wɛtʋ habɩyɛ yɔ.
Azuluma tʋ ɛɛkaɣ ɖɔm ɖɩ-yɔɔ se ɛɖɛɛ nʋmɔʋ.+
Weyi ɛwɛnɩ waɖɛ yɔ e-ɖeke ɛɖɔŋnɩ ɖɩ-yɔɔ;Kɩmɛlɛŋ nakʋyʋ ɛɛkaɣ yotuu ɖɩ-yɔɔ.
9 Mʋʋzʋʋ nakʋyʋ ɛɛkaɣ wɛʋ peeɖe,Nɛ tɛtɛgbɩna wena awɛ patʋ yɔ, aakaɣ ɖɔm ɖɩ-yɔɔ.
Paakaɣ-yɛ naʋ peeɖe;+Mba paɖaɣnɩ-wɛ yabʋ yɔ, pe-ɖeke pakaɣnɩ ɖɔm peeɖe.+
10 Mba Yehowa yabɩ pa-ñʋʋ yɔ, pakaɣ pɩsʋʋ+ nɛ pɔkɔɔ Siyɔŋ taa nɛ taa leleŋ kubusi.+
Taa leleŋ weyi ɩɩkaɣ tɛm yɔ, ɩkaɣ wɛʋ pa-ñʋŋ taa ɛzɩ awiya hulasɩ yɔ.+
Amɛya nɛ taa leleŋ kaɣ kɛʋ pa-pʋyʋ,Nɛ laŋwɛɛkɩyɛ nɛ mɔla pakaɣ seu nɛ pɛɖɛɛ.+
Pɩ-tɛɛ tɔm
^ Yaa «hɩŋ ñɔɔɔ tʋ.» Hɩŋ ñɔɔɔ tʋ kɛnɩ nam weyi ɛwɛnɩ hɩŋ sakɩyɛ yɔ.
