Izaayii 4:1-6
4 Nɛ halaa 7 kaɣ ɖɔkʋʋ abalʋ kʋɖʋm kɩyakʋ ŋgʋ ki-wiye+ nɛ pɔyɔɔdʋʋ se:
«Ðɩkaɣ tɔɔʋ ɖa-maɣmaɣ ɖɔ-tɔɔnaɣ*Nɛ ɖisuu ɖa-maɣmaɣ ɖo-wondu;Mbʋ ɖɩcaɣ yɔ lɛ se ŋyele nɛ payaa-ɖʋ nɛ ña-hɩɖɛNɛ ŋkʋsɩ ɖɛ-fɛyɛ.»*+
2 Kɩyakʋ ŋgʋ ki-wiye lɛ, mbʋ Yehowa yeki nɛ pɩñɔ yɔ, pɩkaɣ wɛʋ kajʋka nɛ pɩwɛɛnɩ samtʋ, nɛ pee wena tɛtʋ lʋlʋʋ yɔ akaɣ kɛʋ Izrayɛɛlɩ taa ñɩma mba pehiɣ ñʋʋ yabʋ yɔ, pa-cajayɛ nɛ pe-keɖeɣa.+
3 Weyi pɩkazɩ-ɩ Siyɔŋ taa nɛ weyi peyebi-i Yeruzalɛm taa yɔ pakaɣ-ɩ yaʋ se kiɖeɖeu, mba payɩ pama pa-hɩla Yeruzalɛm taa se pehiɣ wezuu yɔ.+
4 Alɩwaatʋ ndʋ Yehowa kaɣ tɩŋnʋʋ tɔm hʋʋ nɛ pana sɔsɔna yɔɔ nɛ+ ɛñalɩ Siyɔŋ pɛlaa azuluma*+ nɛ ɛhɩzɩ calɩm mbʋ pɛkpɛdɩ Yeruzalɛm taa yɔ,
5 Yehowa kaɣ lɩzʋʋ ɖɔɖɔ ɛsɔmɩnʋʋ nakʋyʋ nɛ ñɔsɩ Siyɔŋ Pʋʋ kpeekpe yɔɔ nɛ ki-kigbeɣliŋ lone yɔɔ wɩsɩ taa, nɛ miŋ weyi ɩñandɩɣ camɩyɛ yɔ ɖoo taa;+ mbʋ pʋyɔɔ yɔ samtʋ lone kpeekpe ñʋʋ yɔɔ lɛ, ɖɩjɔzɩyɛ kaɣ wɛʋ.
6 Nɛ cokiye naɖɩyɛ kaɣ wɛʋ nɛ ɖɩhaɣ kuzotuu wɩsɩ taa soŋaɣ yɔɔ,+ nɛ ɖɩkɛ ɖenɖe pɔcɔzʋʋ nɛ pɛmɛlɩɣ helim sɔsɔm nɛ tɛʋ yɔ.+
Pɩ-tɛɛ tɔm
^ Piye piye, «ɖɔ-kpɔnɔ.»
^ Pʋ-tɔbʋʋ se fɛyɛ nɖɩ ɛyʋ wɛɣna ye ɛtɩɖɔkɩ nesi nɛ ɛfɛyɩnɩ pɩɣa yɔ.
^ Piye piye, «pɩndʋ.»
