Izaayii 40:1-31
40 Mɩ-Ɛsɔ yɔɔdʋʋ se: «Ɩhɛzɩ, ɩhɛzɩ man-samaɣ laŋɩyɛ.+
2 Ɩyɔɔdɩnɩ Yeruzalɛm nɛ pitukuni kɩ-laŋɩyɛ,*Nɛ isusi-kʋ se kɩ-kɩjɛyʋʋ tʋmɩyɛ tɛma,Se pɛhɛyɩ kɩ-wɛɛ ɖɔʋ yɔɔ.+
Kɩmʋ kɩ-kɩwɛɛkɩm tɩŋa kɩhɛyʋʋ pilim* Yehowa nesi tɛɛ.»+
3 Nɔɔyʋ ɖiɣni mabʋ kubusi kañɩmbusuu taa se:
«Ɩɖʋ* Yehowa nʋmɔʋ!+
Ɩɖʋ habɩyɛ sɔsɔɖɛ nɖɩ ɖɩtʋʋzaa yɔ ɖɛ-Ɛsɔ+ kañɩmbusuu taa.+
4 Paa fɛɛʋ ŋgʋ lɛ, pala nɛ kɩkʋyɩ,Nɛ paa pʋʋ ŋgʋ lɛ, petisi-kʋ, nɛ paa piyaɣ ŋga lɛ, petisi-kɛ.
Tɛtʋ ndʋ tɩwɛ kʋsaŋ kʋsaŋ yɔ, pɩwɛɛ se tɩpɩsɩ layɩɩ,Nɛ kaaŋ tɛtʋ pɩsɩ fɛɛʋ.+
5 Pɩkaɣ kuluu Yehowa samtʋ yɔɔ nɛ pɩwɩlɩ,+Nɛ tomnasɩ kpeekpe* kaɣ-tʋ naʋ,+Mbʋ pʋyɔɔ yɔ Yehowa nɔɔ yɔɔdɩna.»
6 Welisi! Nɔɔyʋ ɖiɣni yɔɔdʋʋ se: «Ma kubuka!»
Lɛlʋ pɔzʋʋ se: «Kubuka ŋga pɩwɛɛ se mama?»
«Tomnasɩ kpeekpe* kɛ ñɩtʋ lɛŋ ñɩndʋ.
Sɩ-sɔɔlɩm siɣsiɣ ñɩmbʋ kpeekpe wɛ ɛzɩ hayɩm taa hɛɖʋʋ yɔ.+
7 Ñɩtʋ lɛŋ ñɩndʋ wɩlɩɣ,Hɛɖʋʋ lou,+Mbʋ pʋyɔɔ yɔ helim mbʋ Yehowa feziɣ yɔ pɩmakɩ* pɩ-yɔɔ.+
Toovenim taa lɛ, ñɩtʋ lɛŋ ñɩndʋ yem ɛyaa kɛnaa.
8 Ñɩtʋ lɛŋ ñɩndʋ wɩlɩɣ,Hɛɖʋʋ lou,Ɛlɛ ɖɛ-Ɛsɔ tɔm ñɛwɛɣ tam.»+
9 Kpa pʋʋ kʋkʋyʋʋ yɔɔ,Ña, halʋ weyi ewokini tɔm kɩbandʋ Siyɔŋ yɔ.+
Kʋsɩ ñɔ-nɔɔ ɖoŋ,Ña, halʋ weyi ewokini tɔm kɩbandʋ Yeruzalɛm yɔ.
Kʋsɩ-kɛ, sɔɔndʋ ɛtaakpa-ŋ.
Susi Yuuda tɛtʋ ndɩ ndɩ se: «Ɩna! Mɩ-Ɛsɔ yɔ.»+
10 Ɩna! Kɩbaɣlʋ Kɩlɩm Yehowa kaɣ kɔm nɛ ɖoŋ,Nɛ ɛ-nɩŋgbɛɛŋa kaɣ tɔɔʋ kewiyitu.+
Ɩna! Ɛ-kɩhɛyʋʋ wɛ ɛ-cɔlɔ,Nɛ kɩhɛyʋʋ ŋgʋ ɛhɛyɩɣ yɔ, kɩwɛ ɛ-ɛsɩndaa.+
11 Ɛzɩ ninɖiɣyu yɔ, ɛkaɣ cɔnʋʋ e-ewiɖe yɔɔ.*+
Ɛkaɣ kpeɣluu heɣsi nɛ ɛ-nɩŋgbɛɛŋa,Nɛ ɛkaɣ-sɩ kpaɣʋ ɛ-nɔkɔyʋʋ taa.
Ɛkaɣ ɖiyuu heŋ weyi i-piya ɖiɣni mʋzʋʋ yɔ nɛ sɔɔlɩm.+
12 Amaɣzɩ lɩm e-nikpiɖe taa+Nɛ ɛkpaɣ ɛ-nandaka walanzɩ* nɛ ɛmaɣzɩ ɛsɔdaa?*
Akpeɣli tɛtʋ yɔɔ mʋzʋʋ kɩmaɣzʋʋ taa+Yaa amaɣzɩ pʋŋ yuŋ kɩmaɣzɩŋ yɔɔNɛ piyisi yuŋ kɩmaɣzɩŋ yɔɔ?
13 Amaɣzɩ Yehowa fezuu,*Nɛ apɩzɩɣ nɛ ɛkɛ ɛ-lɔŋ tasɩyʋ nɛ ɛwɩlɩ-ɩ lɔŋ?+
14 Ɛ nɛ anɩ pacaɣaa nɛ pala lɩmaɣza se pɩsa nɛ ɛwɛɛnɩ tɔm taa nɩʋ lɛɣtʋ,Yaa awɩlɩɣ-ɩ tɔm siɣsiɣ wɛtʋ nʋmɔʋ taa,Yaa awɩlɩɣ-ɩ sɩmtʋ,Yaa awɩlɩɣ-ɩ tɔm taa nɩʋ lɛɣtʋ siŋŋ nʋmɔʋ?+
15 Ɩna! Ajɛɛ wɛ ɛzɩ lɩm mbʋ pɩlɩnɩ tɔka yɔɔ nɛ pitosi yɔ,Nɛ pɔcɔŋnɩ-yɛ ɛzɩ mʋzʋʋ ŋgʋ kɩwɛ kɩmaɣzɩŋ yɔɔ yɔ.+
Ɩna! Ɛkʋsʋʋ lɩm hɛkʋ taa tɛtʋ ndɩ ndɩ ɛzɩ mʋzʋʋ ŋgʋ kɩwɛ ɖululu yɔ.
16 Halɩ Libaŋ ɛɛtalɩɣ se pala nɛ miŋ wɛɛ mʋʋ yɔɔ,*Nɛ kɩ-tɛtɛgbɩna ɩɩtalɩɣ se palaanɩ kɩlaʋ kɩñaɣzʋʋ.
17 Ajɛɛ kpeekpe wɛ ɛ-ɛsɩndaa ɛzɩ mbʋ pɩfɛyɩ yɔ;+Ɛcɔŋnɩ-yɛ ɛzɩ atɩkɛ pʋyʋ yɔ, ɛzɩ mbʋ pɩkɛ falaa pʋyʋ yɔ.+
18 Anɩ ɩpɩzɩɣ nɛ ɩkpaɣ Ɛsɔ nɛ ɩmaɣzɩna?+
Ɛbɛ ɩpɩzɩɣ nɛ ɩyɔɔdɩ se pɩnɩɣzɩnɩ-ɩ?+
19 Nesi tɛɛ tʋmlaɖʋ luki sɩʋ kpeliɣa,*Ñɩɣtʋ wondu luɖu pɔʋ kɔ-yɔɔ sika,+Nɛ eluki liidiye kpasɩ.
20 Ɛlɩzɩɣ tɩʋ se pɩkɛ ɛ-haɖɛ,+Tɩʋ ŋgʋ kɩɩkaɣ ɖazʋʋ yɔ.
Ɛñɩnɩɣ nesi tɛɛ tʋmlaɖʋ weyi ɛwɛ niye yɔSe ɛsaɣ sɩʋ kpeliɣa ŋga kaakaɣ ciɣduu yɔ.+
21 Ɩɩsɩŋ?
Ɩtɩnɩɩ?
Patiheyi-mɩ tʋ kpaɣnɩ ɖooo kiɖe tɛɛ?
Ɩtɩnɩɩ, kpaɣnɩ alɩwaatʋ ndʋ pasɩ tɛtʋ tigila yɔ?+
22 Nɔɔyʋ wɛ tɛtʋ ndʋ tɩwɛ kulukulu yɔ tɩ-ñʋʋ yɔɔ,+Nɛ tɩ-yɔɔ mba wɛ ɛzɩ nakaŋ yɔ.
Eɖiɣni posuu ɛsɔdaa ɛzɩ pɩsaʋ lɛfɩɩ ñɩŋgʋ yɔ,Nɛ eposuu-kʋ ɛzɩ kizinziku yɔ se ɛcaɣ kɩ-tɛɛ.+
23 Eyeki nɛ kaɖɩsɩ sɔsɔsɩ pɩsɩɣ mbʋ pɩtɩkɛ pʋyʋ yɔNɛ eyeki nɛ tɛtʋ yɔɔ tɔm hʋyaa* pɩsɩɣ mbʋ pɩkɛ falaa pʋyʋ yɔ.
24 Patɩɩsɔ-wɛ lɛ,Patiiɖu-wɛ lɛ,Pɔ-hɔɔyɛ tɩɩkam lila tɛtɛɛ lɛ,Helim ma pɔ-yɔɔ nɛ pawɩlɩ,Nɛ helim kpakɩɣ-wɛ nɛ pɩɖɛɣna ɛzɩ tɔɔnaɣ ŋga pakʋma yɔ ka-ɖaŋ yɔ.+
25 «Anɩ ɩpɩzɩɣ nɛ ɩkpaɣ nɛ ɩmaɣzɩnɩ-m se ma nɛ ɩ ɖɩwɛɛ kɩmaŋ?» Kiɖeɖeu yɔɔdʋʋna.
26 «Ɩkpazɩ mɩ-ɛsa ɛsɔdaa nɛ ɩna.
Alɩzɩ pɩtɩŋa payɩ mbʋ yɔ?+
Ɛnʋ lɛ Weyi eɖiyiɣ-wɛ nɛ ɛlɩɣna ɛzɩ yoyaa yɔ, ɛkalɩɣ-wɛ kʋɖʋm kʋɖʋm;Ɛyaɣ pa-tɩŋa nɛ pa-hɩla.+
E-ɖoŋ sɔsɔŋ weyi ɩpaɣlɩ pɩdɩɩfɛyɩ yɔ nɛ e-hoɖe nɖɩ ɖɩcaɣ sɔɔndʋ yɔ pɔ-yɔɔ lɛ,+Pɩtɩkazɩ pa-taa nɔɔyʋ se ɛfɛyɩ.
27 Oo Yakɔɔb, ɛbɛ yɔɔ ŋyɔɔdʋʋ, nɛ Oo Izrayɛɛlɩ, ɛbɛ yɔɔ ŋtɔŋ se:
“Ma-nʋmɔʋ yɔɔ huuzaa nɛ Yehowa ɛɛnaɣ-kʋ,Nɛ Ɛsɔ paa fɛyɩnɩ mulum lakasɩ nzɩ palakɩ-m yɔ”?+
28 Ŋŋsɩŋ? Ŋtɩnɩɩ?
Yehowa, tɛtʋ kamasɩ Lɩzɩyʋ, kɛnɩ Ɛsɔ tam tam.+
Pɩɩnɩɣ-ɩ kaaʋ yaa pɩɩɖɛɣ-ɩ kaaʋ.+
Paapɩzɩɣ nɛ panɩɩ ɛ-lɔŋsɩnɖɛ* taa.*+
29 Ɛhaɣ ɖoŋ weyi pɩnɩ-ɩ yɔNɛ ɛhaɣ ɖoŋ sakɩyɛ mba pɛfɛyɩ ɖoŋ* yɔ.+
30 Pɩkaɣ nɩʋ abalɩbiya nɛ pɩɖɛɛ-sɩ,Nɛ pɩkaɣ tuuluu evebiya nɛ pɔtɔlɩ,
31 Ɛlɛ mba pataɣ Yehowa liu yɔ, pakaɣ ɖaɣnʋʋ kpaʋ ɖoŋ.
Pakaɣ kʋyʋʋ ɛsɔdaa nɛ pɩwɛɛ ɛzɩ pɛwɛnɩ keŋ ɛzɩ kpeliŋ* yɔ.+
Pakaɣ seu nɛ pɩɩɖɛɣ-wɛ;Pakaɣ ɖɔm nɛ pɩɩnɩɣ-wɛ.»+
Pɩ-tɛɛ tɔm
^ Yaa «Ɩyɔɔdɩnɩ Yeruzalɛm nɛ nɔɔ ŋga kɛhɛzɩɣ laŋɩyɛ yɔ.»
^ Yaa «kɩhɛyʋʋ tam nabʋlɛ.»
^ Yaa «Ɩñɔɔzɩ.»
^ Yaa «Nɛ ɛyaa kpeekpe.»
^ Yaa «Ɛyaa kpeekpe.»
^ Yaa «Mbʋ pʋyɔɔ yɔ Yehowa fezuu makɩ.»
^ Yaa «ɛkaɣ ɖiyuu e-ewiɖe.»
^ Pɩkɛ ɖaɣlɩkɩŋ weyi ɩwɛ kpaɣnɩ niye abalʋ nɛ piwolo niye cikpeɖe (cuculibɩɣa) alɩwaatʋ ndʋ poposuu nandaka yɔ. Cɔnɩ Tɔm kɩsɔzɩtʋ B14.
^ Yaa «ɛmaɣzɩ ɛsɔdaa hɔɔlɩŋ ndɩ ndɩ.»
^ Pɩpɩzɩɣ pɩkɛ, «Anɩ Yehowa fezuu tɔbʋʋ.»
^ Yaa «Halɩ Libaŋ ɛɛpɩzɩɣ nɛ kɩcɛlɩ ɖasɩ nzɩ paɖʋʋnɩ miŋ yɔ nɛ sɩɖɔɔ ɛzɩ pɩpɔzʋʋ yɔ.»
^ Yaa «sɩʋ kpeliɣa ŋga poyolisi ñɩɣtʋ nɛ polubina yɔ.»
^ Yaa «ñʋndɩnaa.»
^ Yaa «ɛ-tɔm taa nɩʋ lɛɣtʋ.»
^ Yaa «Paapɩzɩɣ nɛ pañɩnɩ ɛ-lɔŋsɩnɖɛ.»
^ Yaa «ɖoŋ sɔsɔŋ.»
^ Yaa «keziyewaa.»
