Izaayii 50:1-11
50 Tɔm tʋnɛ Yehowa yɔɔdʋʋ:
«Mi-ɖoo weyi mɔnɖɔɔnɩ-ɩ yɔ, le e-nesi cɛbʋ takayaɣ+ wɛɛ?
Yaa man-kɩma tɩnaa taa weyi mankpaɣ-mɩ nɛ mɛnpɛdɩna?
Ɩna! Mɩ-maɣmaɣ mɩ-kɩdɛkɛdɩm lakasɩ yɔɔ+ pɛpɛdɩ-mɩ,Nɛ mɩ-maɣmaɣ mɩ-kɩwɛɛkɩm yɔɔ pɔɖɔɔnɩ mi-ɖoo.+
2 Ye mbʋ, ɛbɛ yɔɔ nɔɔyʋ taawɛɛ alɩwaatʋ ndʋ mɔnkɔma yɔ?
Ɛbɛ yɔɔ nɔɔyʋ ticosi alɩwaatʋ ndʋ mayawa yɔ?+
Ɛzɩ me-nesi kɩlɩ tobi nɛ maapɩzɩɣ ɛyʋ ñʋʋ yabʋ na?
Yaa mɛnfɛyɩnɩ ɖoŋ se maya ɛyʋ ñʋʋ na?+
Ɩna! Mankalɩɣ teŋgu nɛ kɩ-taa lɩm sɔʋ;+Meyeki nɛ pɔsɩ pɩsɩɣ kañɩmbusuu.+
Sɩ-taa kpakpasɩ ɖazɩɣ, mbʋ pʋyɔɔ yɔ lɩm fɛyɩ sɩ-taa,Nɛ lɔkɔtʋ yɔɔ lɛ, sɩsɩkɩ.
3 Mankpakɩɣ cɩkpɛndʋʋ nɛ monsuu ɛsɔdaa,*+Nɛ meyeki nɛ kɩ-yɔɔ kuhuuzuu kɛ fɔlɔtɔ.
4 Kɩbaɣlʋ Kɩlɩm Yehowa ha-m tɔmkpɛlɩkɩyaa nzʋlʋmɩyɛ,*+Se pɩsa nɛ mantɩlɩ ɛzɩma moncosi* weyi pɩnɩ-ɩ yɔ nɛ tɔm ndʋ tɩmʋnɩ camɩyɛ* yɔ.+
Efeziɣ-m paa tanaŋ ŋgʋ;Efeziɣ ma-nɩŋgbaŋʋʋ se mewelisi ɛzɩ tɔmkpɛlɩkɩyaa yɔ.+
5 Kɩbaɣlʋ Kɩlɩm Yehowa kuli ma-nɩŋgbaŋʋʋ,Nɛ mantɩla kaañamtʋ.+
Mantɩkaɖɩnɩ-ɩ nɛ mɛnkɛɛnɩ hɔɔlʋʋ.+
6 Maha men-siɣye mba pamakɩ-m yɔNɛ maha ma-lɩkpaɣzasɩ mba pɛkpɛzɩ sɩ-yɔɔ ñɔsɩ nɛ piyebi-sɩ kpɛɖɛ yɔ.*
Mantɩmɛsɩ mɛ-ɛsɩndaa se pataaɖʋ-m fɛyɛ nɛ mantɩmɛsɩ mɛ-ɛsɩndaa se pataatɔ ndaatʋ.+
7 Ɛlɛ Kɩbaɣlʋ Kɩlɩm Yehowa kaɣ-m sɩnʋʋ.+
Pʋyɔɔ fɛyɛ ɛɛkaɣ-m kpaʋ.
Pʋyɔɔ meyeba nɛ mɛ-ɛsɩndaa kpa ɖoŋ ɛzɩ pɩcalɩmɩyɛ yɔ,+Nɛ manawa se fɛyɛ ɛɛkaɣ-m kpaʋ.
8 Weyi ɛwɩlɩɣ se mɛnkɛ siɣsiɣ tʋ yɔ ɛñɔtaa.
Apɩzɩɣ nɛ ɛkʋyɩ mɔ-yɔɔ?*+
Ðɩkpɛndɩ nɛ ɖɩkʋyɩ ɖɩsɩŋ.*
A-taa wɛnɩ-m nɛ tɔm natʋyʋ?
Ɛñɔtɩnɩ-m.
9 Ɩna! Kɩbaɣlʋ Kɩlɩm Yehowa kaɣ-m sɩnʋʋ.
Akaɣ mɔn-tɔm kʋʋ se mɔnɖɔ wɛɛ?
Ɩna! Pa-tɩŋa pakaɣ cadʋʋ ɛzɩ toko yɔ.
Ŋgbam kaɣ-wɛ tɔɔʋ caɣ caɣ.
10 Mɩ-taa anɩ seɣ Yehowa sɔɔndʋ
Nɛ ewelisiɣ ɛ-lɩmɖʋyʋ nɔɔ?+
Aɖɔm cɩkpɛndʋʋ sɔsɔʋ taa, ɖenɖe ñalɩmɩyɛ naɖɩyɛ fɛyɩ yɔ?
Ɛtaa Yehowa hɩɖɛ liu nɛ ɛmalɩnɩ* ɛ-Ɛsɔ.
11 «Ɩna! Mɩ mba payɩ ɩɖʋʋ miŋ,Nɛ ɩlakɩ nɛ mamacɩsɩ kʋyʋʋ yɔ,Ɩɖɔ mi-miŋ ñalɩmɩyɛ taa,Mamacɩsɩ nzɩ iyeba nɛ sɩkʋyʋʋ yɔ sɩ-hɛkʋ taa.
Pʋnɛ ɩkaɣ mʋʋ me-nesi tɛɛ:
Siziŋ nɩʋ siŋŋ taa ɩkaɣ hɩnʋʋ.
Pɩ-tɛɛ tɔm
^ Pʋ-tɔbʋʋ se ɛkpakɩɣ cɩkpɛndʋʋ nɛ esuu ɛsɔdaa ɛzɩ posuu wondu yɔ.
^ Yaa «ha-m nzʋlʋmɩyɛ nɖɩ pafalɩsɩ-ɖɩ camɩyɛ yɔ.»
^ Piye piye, «moncosi weyi pɩnɩ-ɩ yɔ nɛ tɔm.»
^ Pɩpɩzɩɣ pɩkɛ, «mankpazɩ ɖoŋ.»
^ Yaa «mba pɛkpɛzɩ man-tandaʋ yɔ.»
^ Yaa «ɛlʋbɩnɩ-m?»
^ Yaa «Ðɩpa ɖama nɛ ɛsa.»
^ Yaa «ɛtaa liu.»
