Izaayii 51:1-23
51 «Iwelisini-m, mɩ mba ɩwɛɛ nɛ ɩñɩnɩɣ siɣsiɣ wɛtʋ yɔ,*Mɩ mba ɩwɛɛ nɛ ɩñɩnɩɣ Yehowa yɔ.
Ɩcɔnɩ kaaʋ ŋgʋ pasaɣaa nɛ palɩzɩ-mɩ yɔNɛ ɖenɖe pohuyaa nɛ palɩzɩ-mɩ yɔ.
2 Ɩcɔnɩ mɩ-caa AbrahamNɛ Saara+ weyi ɛlʋlɩ-mɩ yɔ.*
Mbʋ pʋyɔɔ yɔ Abraham ɖeke kaawɛna alɩwaatʋ ndʋ maya-ɩ yɔ,+Nɛ mawazɩ-ɩ nɛ meyele nɛ ɛ-lʋlʋʋ taa mba ɖɔɔ sakɩyɛ.+
3 Mbʋ pʋyɔɔ yɔ Yehowa kaɣ hɛzʋʋ Siyɔŋ laŋɩyɛ.+
Ɛkaɣ kɔnʋʋ laŋɩyɛ hɛzʋʋ kɩ-njaa tɩŋa taa,+Nɛ ɛkaɣ yebu nɛ kɩ-kañɩmbusuu wɛɛ ɛzɩ Edɛɛnɩ yɔ+Nɛ kɩ-kañɩmbusuu kɛdɛɛŋa wɛɛ ɛzɩ Yehowa kaɖaɣ yɔ.+
Amɛya nɛ taa leleŋ kaɣ wɛʋ kɩ-taa,Sɛtʋ haʋ nɛ hendu kɩbandʋ kaɣ wɛʋ kɩ-taa.+
4 Oo man-samaɣ, kemsini-m,Nɛ mɛ-ɛjaɖɛ, welisini-m.+
Mbʋ pʋyɔɔ yɔ paɣtʋ kaɣ lɩnʋʋ mɔn-cɔlɔ,+Nɛ mankaɣ yebu nɛ men-siɣsiɣ wɛtʋ pɩsɩ ñalɩmɩyɛ samasɩ.+
5 Men-siɣsiɣ wɛtʋ ñɔtaa.+
Ñʋʋ yabʋ mbʋ mɔnkɔŋna yɔ pɩkaɣ lɩʋ,+Nɛ ma-nɩŋgbɛɛnzɩ kaɣ hʋnʋʋ samasɩ tɔm.+
Ma lɩm hɛkʋ taa tɛtʋ ndɩ ndɩ kaɣ taʋ liu,+Nɛ ma-nɩŋgbɛɛŋa* tɩkaɣ ɖaŋʋʋ.
6 Ɩkpazɩ mɩ-ɛsa nɛ ɛsɔdaa,Nɛ itisi mɩ-ɩsa nɛ ɩcɔnɩ tɛtʋ.
Mbʋ pʋyɔɔ yɔ ɛsɔdaa kaɣ mʋʋʋ ɛzɩ ñɔsɩ yɔ;Tɛtʋ kaɣ cadʋʋ ɛzɩ toko yɔ,Nɛ tɩ-yɔɔ mba kaɣ sɩbʋ ɛzɩ pɔtʋ yɔ.
Ɛlɛ ñʋʋ yabʋ mbʋ mɔnkɔŋna yɔ, pɩkaɣ wɛʋ tam,+Nɛ men-siɣsiɣ wɛtʋ ɛɛkaɣ tɛm.*+
7 Iwelisini-m, mɩ mba ɩsɩm siɣsiɣ wɛtʋ yɔ,Samaɣ ŋga man-paɣtʋ* wɛ ka-laŋɩyɛ taa yɔ.+
Sɔɔndʋ ɛtaakpa-mɩ nɛ ɛyaa tʋtʋ,Itaaseli tɔm ndʋ pɔyɔɔdʋʋ se patʋʋnɩ-mɩ yɔ tɩ-yɔɔ.
8 Mbʋ pʋyɔɔ yɔ ŋgbam kaɣ-wɛ tɔɔʋ ɛzɩ toko yɔ;Ŋgbam piya* kaɣ-wɛ tɔɔʋ ɛzɩ toko ŋgʋ palabɩnɩ heŋ hʋndʋ yɔ.+
Ɛlɛ men-siɣsiɣ wɛtʋ kaɣ wɛʋ tam,Nɛ ñʋʋ yabʋ mbʋ mɔnkɔŋna yɔ, pɩkaɣ wɛʋ kpaɖɩŋ tɩŋa taa.»+
9 Fe! Fe! Suu ña-tɩ ɖoŋ,Oo Yehowa nɩŋgbɛɛŋa!+
Fe ɛzɩ pɩɩwɛʋ ɖooo lɔndaa kɩyakɩŋ taa yɔ, ɛzɩ pɩɩwɛʋ kpaɖɩŋ weyi ɩɖɛwa yɔ ɩ-taa yɔ.
Ɛzɩ pɩtɩkɛ ñɛpɛlɩnɩ Rahaabɩ*+ hɔɔlasɩ hɔɔlasɩ na,Pɩtɩkɛ ñɔsɔbɩnɩ teŋgu taa coojo nɛ pɩtʋlɩ?+
10 Pɩtɩkɛ ñeyebina nɛ teŋgu taa lɩm, lɩm mbʋ pilimaa pɩdɩɩfɛyɩ yɔ pɩsɔɔ?+
Pɩtɩkɛ ñeyebina nɛ teŋgu cukaŋ pɩsɩ habɩyɛ se pɩsa nɛ mba paɖaɣnɩ-wɛ yabʋ yɔ papɩzɩ nɛ pɛtɛzɩ?+
11 Mba Yehowa yabɩ pa-ñʋʋ yɔ pakaɣ pɩsʋʋ.+
Pakaɣ kɔm Siyɔŋ taa nɛ taa leleŋ kubusi,+Taa leleŋ weyi ɩɩkaɣ tɛm yɔ, ɩkaɣ wɛʋ pa-ñʋŋ taa ɛzɩ awiya hulasɩ yɔ.+
Amɛya nɛ taa leleŋ kaɣ kɛʋ pa-pʋyʋ,Nɛ laŋwɛɛkɩyɛ nɛ mɔla pakaɣ seu nɛ pɛɖɛɛ.+
12 «Ma-maɣmaɣ mɛkɛnɩ Weyi ɛhɛzɩɣ mɩ-laŋɩyɛ yɔ.+
Ɛbɛ yɔɔ pɩwɛɛ se sɔɔndʋ ɛkpa-ŋ nɛ ɛyʋ yem weyi ɛkaɣ sɩbʋ yɔ+Nɛ ɛyʋ pɩyalʋ weyi ɛkaɣ lou ɛzɩ ñɩtʋ lɛŋ ñɩndʋ yɔ?
13 Ɛbɛ yɔɔ ŋsɔʋ ña-Laɖʋ+ Yehowa yɔɔ,Weyi eposi ɛsɔdaa+ nɛ ɛsɩɩ tɛtʋ tigiɖe yɔ?
Nɛ evemiye kpeekpe taa, ŋŋwɛ sɔɔndʋ taa paa ɛzɩmtaa nazɩyʋ* pana yɔɔ,Nɛ pɩwɛɛ ɛzɩ ɛwɛnɩ ɖoŋ se ɛpɩzɩɣ nɛ ɛɖɩzɩ-ŋ yɔ.
Lɛɛlɛɛyɔ, le nazɩyʋ pana wɛɛ yɔ?
14 Weyi kpasɩ yeba nɛ ɛpa yɔ, piileɖiɣ lɛ pakaɣ-ɩ holuu;+Ɛɛkaɣ sɩbʋ nɛ etii pɔʋ taa,Nɛ ɛɛkaɣ tɛɖʋʋ tɔɔnaɣ* ɖɔɖɔ.
15 Ɛlɛ mɛnkɛ Yehowa, ñɛ-Ɛsɔ,Weyi ɛcʋʋdʋʋ teŋgu nɛ eyeki nɛ ki-hola lakɩ kɔkɔɖɛ yɔ+—Payaɣ-ɩ se yoyaa tɛ Yehowa.+
16 Mankaɣ ɖʋʋ mɔn-tɔm ñɔ-nɔɔ taa,Nɛ mankaɣ kpaɣʋ me-nesi kuzotuu nɛ mohuuzini ñɔ-yɔɔ,+Se pɩsa nɛ mensiɣ ɛsɔdaa nɛ mansɩɩ tɛtʋ tigiɖe+Nɛ meheyi Siyɔŋ se: “Ŋkɛ man-samaɣ.”+
17 Fe! Fe! Kʋyɩ, Oo Yeruzalɛm,+Ña weyi ŋñɔ Yehowa pana kɔpʋ e-nesi tɛɛ yɔ.
Ŋñɔ kɔpʋ ŋgʋ;Ŋñɔ kɔpʋ ŋgʋ kiyeki nɛ pɩcɛŋɛsɩɣ ɛyʋ yɔ nɛ kɩtɛ caɣ caɣ.+
18 Ɛ-pɩyalaa mba ɛlʋlaa yɔ, pa-taa paa kʋɖʋm fɛyɩ se eɖiyi-i,Nɛ ɛ-pɩyalaa mba ɛcɔnɩ pɔ-yɔɔ yɔ, pa-taa paa kʋɖʋm tɩɖɔkɩ e-nesi.
19 Pʋnɛ pɩ-naalɛ pɩtalɩ-ŋ.
Akaɣ ñe-siziŋ nɩʋ?
Ðɩzʋʋ nɛ yɔkʋʋ, ñɔɔsɩ nɛ laɣɖɛ!+
Akaɣ hɛzʋʋ ña-laŋɩyɛ?+
20 Ña-pɩyalaa fiɣnaa.+
Pahɩnɩɣ paa habɩyɛ kɔna ŋgʋ lɛ kɩ-taa*Ɛzɩ tɛyɛ heŋ weyi pɩkpa-ɩ piyuu taa yɔ.
Yehowa pana su pa-taa, ñɛ-Ɛsɔ nɩŋgbaŋʋʋ hɔm su pa-taa.»
21 Pʋyɔɔ lɛ mentendi-ŋ, welisi tɔm tʋnɛ,Oo halʋ, ña weyi ŋwɛ kʋñɔŋ taa nɛ pɩkʋʋ-ŋ ɛlɛ pɩtɩkɛ vɛɛ kʋʋnɩ-ŋ yɔ.
22 Tɔm tʋnɛ ña-Kɩbaɣlʋ Yehowa yɔɔdʋʋ, ñɛ-Ɛsɔ weyi ɛlʋkɩ ɛ-samaɣ yɔɔ yɔ:
«Na! Mankaɣ mʋʋ ñe-nesi tɛɛ kɔpʋ ŋgʋ kiyeki nɛ pɩcɛŋɛsɩɣ ɛyʋ yɔ,+Kɔpʋ ŋgʋ kɩkɛ man-pana kɔpʋ;Ŋŋkaɣ-kʋ tasʋʋ ñɔʋ kpa.+
23 Mankaɣ-kʋ ɖʋzʋʋ mba pawɩlɩɣ-ŋ ñaŋ yɔ pe-nesi tɛɛ,+Mba peheyaɣ-ŋ* se: “Luŋ nɛ ɖɩɖɔ ñɔ-yɔɔ!” yɔ.
Pʋyɔɔ lɛ, ŋyeba nɛ ñe-siɣye wɛɛ ɛzɩ tɛtʋ yɔ,Ɛzɩ habɩyɛ yɔ se pɔɖɔ ɖɩ-yɔɔ.»
Pɩ-tɛɛ tɔm
^ Yaa «ɩwɛɛ nɛ ɩɖʋʋ siɣsiɣ wɛtʋ wayɩ yɔ.»
^ Yaa «weyi ɛnɩ lʋlʋʋ wɩzasɩ nɛ ɛlʋlɩ-mɩ yɔ.»
^ Yaa «mon-ɖoŋ.»
^ Yaa «ɛɛkaɣ mɩzʋʋ.»
^ Yaa «ma-wɩlɩtʋ.»
^ Pɩpɩzɩɣ pɩkɛ, «Sonzoowa.»
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «weyi ɛñɩkɩɣ-ŋ yɔ.»
^ Piye piye, «kpɔnɔ.»
^ Piye piye, «Pahɩnɩɣ habɛɛ tɩŋa ñʋʋ yɔɔ.»
^ Yaa «peheyaɣ ña-kalɩzaɣ.»
