Izaayii 54:1-17
54 «Ña weyi ŋkɛ halʋ kaalʋlaɣ nɛ ŋtɩlʋlɩ wiɖiyi yɔ, ma kubusi nɛ taa leleŋ!+
Ña weyi wiɖiyi ŋtɩnɩɩ lʋlʋʋ wɩzasɩ yɔ,+ wɛɛ laŋhʋlʋmɩyɛ taa nɛ ŋma taa leleŋ kubusi,+Mbʋ pʋyɔɔ yɔ halʋ weyi peyebi-i yɔ ɛ-pɩyalaa* ɖɔwaNɛ pɩkpaɖɩ halʋ weyi ɛwɛnɩ walʋ* yɔ ɛ-pɩyalaa,»+ Yehowa yɔɔdʋʋna.
2 «Walɩsɩ ñe-kizinziku lone.+
Posi ña-ɖɩjaɣyɛ sɔsɔɖɛ pɩsaŋ.
Taapɩsɩnɩ wayɩ, yele nɛ ñe-kizinziku nimee ɖaɣlɩ,Nɛ ŋyele nɛ ñe-kizinziku kaŋgamasɩ kpa ɖoŋ.+
3 Mbʋ pʋyɔɔ yɔ ŋkaɣ ña-tɩ walɩsʋʋ nɛ nɩwaŋ yɔɔ nɛ nɩmɩyɛ yɔɔ.
Ña-lʋlʋʋ taa mba kaɣ mʋʋ ajɛɛ nɛ apɩsɩ pa-pʋyʋ,Nɛ pakaɣ caɣʋ tɛtʋ ndɩ ndɩ ndʋ peyebi-tʋ yɔ tɩ-taa.+
4 Sɔɔndʋ ɛtaakpa-ŋ,+ mbʋ pʋyɔɔ yɔ paakaɣ-ŋ ɖʋʋ fɛyɛ;+Nɛ taawɛɛ ɛzɩ weyi paɖʋ-ɩ fɛyɛ yɔ, mbʋ pʋyɔɔ yɔ pɩɩkaɣ-ŋ tibu yɔɔɔ.
Mbʋ pʋyɔɔ yɔ ŋkaɣ sɔʋ ñɛ-pɛlɛtʋ alɩwaatʋ taa fɛyɛ yɔɔ,Nɛ ŋŋkaɣ tasʋʋ tɔzʋʋ ñe-lelitu fɛyɛ yɔɔ paa ññɩɩ.»
5 «Mbʋ pʋyɔɔ yɔ ña-Mayʋ Sɔsɔ+ wɛ ɛzɩ ña-walʋ* yɔ,+Payaɣ-ɩ se yoyaa tɛ Yehowa,Nɛ Izrayɛɛlɩ tɛ Kiɖeɖeu kɛnɩ Weyi ɛɖaɣnɩ-ŋ yabʋ yɔ.+
Pakaɣ-ɩ yaʋ se tɛtʋ kpeekpe tɛ Ɛsɔ.+
6 Mbʋ pʋyɔɔ yɔ alɩwaatʋ ndʋ Yehowa ya-ŋ yɔ, ŋŋwɛ ɛzɩ halʋ weyi peyebi-i nɛ ɛwɛɛ ɛsɩñɩŋɩyɛ taa* yɔ,+Ŋŋwɛ ɛzɩ halʋ weyi ɛwalɩ ɛ-pɛlɛtʋ taa nɛ pʋwayɩ lɛ pekizi-i yɔ,» ñɛ-Ɛsɔ yɔɔdʋʋna.
7 «Alɩwaatʋ pazɩ yem meyebi-ŋ,Ɛlɛ pʋtɔdɩyɛ naʋ sɔsɔm yɔɔ lɛ, mankaɣ-ŋ pɩsɩnʋʋ.+
8 Man-pana wena akpawa nɛ awadɩ yɔ a-yɔɔ lɛ, mɛmɛsɩ mɛ-ɛsɩndaa se ŋtaana-m alɩwaatʋ natʋyʋ,+Ɛlɛ sɔɔlɩm siɣsiɣ ñɩmbʋ mbʋ pɩwɛ tam yɔ pʋyɔɔ lɛ, mankaɣ naʋ ña-pʋtɔdɩyɛ;»+ Yehowa, Weyi ɛɖaɣnɩ-ŋ yabʋ yɔ+ ɛnʋ yɔɔdʋʋna.
9 «Pɩwɛ-m ɛzɩ Noowa alɩwaatʋ taa yɔ.+
Ɛzɩ maaɖuuu se Noowa alɩwaatʋ taa lɩm ɛɛkaɣ tasʋʋ huuzuu tɛtʋ yɔɔ yɔ,+Mbʋ ɖɔɖɔ monɖuki se maakaɣ-ŋ tasʋʋ kɔʋ nɛ pana yaa maatasɩɣ-ŋ kalʋʋ.+
10 Mbʋ pʋyɔɔ yɔ pʋŋ pɩzɩɣ nɛ ɩkpɛzɩNɛ piyisi pɩzɩɣ nɛ sɩñamsɩ,Ɛlɛ maakaɣ-ŋ yebu wɩlʋʋ mɔn-sɔɔlɩm siɣsiɣ ñɩmbʋ,+Nɛ pɩɩkaɣ ñamsʋʋ ɖɔɖɔ ma-laŋhɛzɩyɛ ɛgbɛyɛ,»+ Yehowa, Weyi ɛnaɣ ña-pʋtɔdɩyɛ yɔ ɛnʋ yɔɔdʋʋna.+
11 «Oo halʋ, ña weyi ŋwɛ kʋñɔŋ taa yɔ,+ ña weyi tɛʋ ŋgʋ kɩnɩɣnɩ helim yɔ kɩcɛŋɛsɩɣ yɔ, ña weyi patɩhɛzɩ ña-laŋɩyɛ yɔ,+Mɛwɛɛ nɛ manɖʋʋ ñɛ-pɛɛ nɛ somtu ndʋ tɩwɛ ŋgee yɔNɛ mansɩɣ ñe-tigiɖe nɛ saafiirɩ pɛɛ.+
12 Mankaɣ kpaɣʋ rubii pɛɛ nɛ mamanɩ ñɛ-tɛtʋ kolonzi ñʋŋ taa,Nɛ mankpaɣ pɛɛ wena añɩlɩsɩɣ yɔ* nɛ mamanɩ ñɔ-nɔnɔsɩ,Nɛ mankpaɣ ñɩɣlɩm pɛɛ nɛ mamanɩ ña-kamasɩ tɩŋa.
13 Nɛ Yehowa kaɣ ña-pɩyalaa* tɩŋa tɔm wɩlʋʋ,+Nɛ ña-pɩyalaa* laŋhɛzɩyɛ kaɣ ɖɔʋ pɩdɩɩfɛyɩ.+
14 Ŋkaɣ kam camɩyɛ siɣsiɣ wɛtʋ taa.+
Ŋkaɣ posinuu nazɩm,+Ŋŋkaɣ nabʋyʋ seu sɔɔndʋ nɛ nabʋyʋ ɛɛkaɣ-ŋ ɖʋʋ sɔɔndʋ,Mbʋ pʋyɔɔ yɔ sɔɔndʋ pʋyʋ ɛɛkaɣ-ŋ ñɔtɩnʋʋ.+
15 Ye nɔɔyʋ ɛkʋyaa se eyouni-ŋ yɔ,Pɩɩkaɣ lɩnʋʋ mɔn-cɔlɔ.
Weyi ɛkʋyʋʋ se eyooni-ŋ yɔ, ɛɛkaɣ wabʋ.»+
16 «Na! Ma-maɣmaɣ malɩzɩnɩ kolu,Weyi ɛfɛtɩɣ miŋ mamala,Nɛ eluki you wonuu yɔ.
Ma-maɣmaɣ malɩzɩnɩ ɖɔɖɔ ɛyʋ weyi ɛɖɩzɩɣ yɔ se ɛɖɩzɩ.+
17 Paa you wonuu ŋgʋ poluba se poyouni-ŋ yɔ, kɩɩkaɣ wazʋʋ pʋyʋ,+Nɛ paa nzʋlʋmɩyɛ nɖɩ ɖɩkʋyɩ ñɔ-yɔɔ tɔm hʋʋ taa yɔ, ŋkaɣ ɖɩ-tɔm kʋʋ.
Yehowa sɛyaa ñɩm lɛ,Nɛ pe-siɣsiɣ wɛtʋ lɩnɩ mɔn-cɔlɔ,» Yehowa yɔɔdʋʋna.+
Pɩ-tɛɛ tɔm
^ Yaa «ñʋʋdʋ.»
^ Yaa «e-piya.»
^ Yaa «ña-ñʋʋdʋ.»
^ Piye piye, «nɛ ɛwɛɛ wɩzasɩ taa ɛ-maɣzɩm taa.»
^ Yaa «miŋ pɛɛ.»
^ Yaa «ñe-piya.»
^ Yaa «ñe-piya.»
