Izaayii 57:1-21
57 Ɛyʋ siɣsiɣ tʋ ɖɩma,Ɛlɛ nɔɔyʋ ɛɛmaɣzɩɣ pɩ-yɔɔ.
Pɩkpaɣ ɛyaa siɣsiɣ tɩnaa nɛ pɩɖɛna,*+Nɛ nɔɔyʋ tiɖiɣzina se pɩkpaɣ ɛyʋ siɣsiɣ tʋ nɛ pɩɖɛna,Asɛyʋʋ yɔɔ.*
2 Ɛsʋʋ laŋhɛzɩyɛ taa.
Mba payɩ pɔɖɔŋ ɖɔnɛ nɖɩ ɖɩtʋʋzaa yɔ, pɛhɛzɩɣ pa-kaɖʋnaa yɔɔ.*
3 «Ɛlɛ mɩ lɛ, ɩñɔtɩ,Mɩ, halʋ efeluu pɩyalaa,Mɩ, abalʋ acɛyɛ tʋ nɛ halʋ hayitu laɖʋ pe-piya:
4 Anɩ ihoŋuu?
A-yɔɔ ikuluu mɩ-nɔɔ wamm nɛ ɩlɩzɩɣ mɩ-nzʋlʋmɩyɛ?
Ɛzɩ ɩtɩkɛ kɩwɛɛkɩm piya,Cɛtɩm piya,+
5 Mba pɔ-kɔɖɛyɩ kʋyɩ siŋŋ tɩŋ sɔsɔŋ hɛkʋ taa yɔ,+Tɩŋ weyi payɩ ɩwɛ hatʋ camɩyɛ yɔ ɩ-tɛɛ yɔ,+Mba pakʋʋ piya fɛɛŋ* taa,+Kaaŋ sɔsɔŋ hɛɛnzɩ taa yɔ?
6 Fɛɛʋ* taa pɛɛ solo solo ñɩna ŋsɔɔlaa,+Mbʋ ŋlɩzaa.
Halɩ ŋpɩyɩɣ-yɛ kilizasɩ nɛ ŋlakɩ-yɛ kʋjɔŋ.+
Ɛzɩ lakasɩ nzɩ sɩpɩzɩɣ nɛ sɩkɛdɩnɩ-m?*
7 Ŋñɔɔzɩ ña-kaɖʋ pʋʋ ŋgʋ kɩkʋyɩ liɣ liɣ yɔ kɩ-yɔɔ,+Nɛ ŋkpa peeɖe se ŋlaa kɩlaʋ.+
8 Ŋsiɣ tɔzʋʋ yʋsaɣ pɔɔyʋʋ nɛ kɩ-ɖasɩ wayɩ.
Ŋyebi-m nɛ ŋɖɛɛ nɛ ŋkuli ña-tɩ yɔɔ;Ŋkpawa nɛ ŋwalɩsɩ ña-kaɖʋ.
Nɛ ña nɛ wɛ ɩɖʋ ɛgbɛyɛ.
Ŋsɔɔlaa se ña nɛ wɛ ɩhɩnɩɣ pa-kaɖʋ yɔɔ,+Nɛ ŋcɔnɩ abalʋ kʋzʋʋ piliŋa cuɖuɖu.*
9 Ŋkpɛndɩnɩ num nɛ ŋtii Meelɛɛkɩ* cɔlɔPɩ nɛ tɩlaaɖɩ sakɩyɛ.
Ŋtiyi mba ŋtiyiɣ-wɛ yɔ ɖooo poliŋ,Piyeba nɛ ŋtii Pɩlaʋ* taa.
10 Ŋyɔkɩ ña-ñʋʋ nɛ ña-nʋmɔŋ sakɩyɛ tɩŋʋʋ,Ɛlɛ ŋtɩyɔɔdɩ se: “Lidaʋ nakʋyʋ fɛyɩ!”
Ŋɖaɣnɩ hiɣu ɖoŋ.Pʋyɔɔ ŋŋlɔʋ lidaʋ.*
11 Anɩ ŋse sɔɔndʋ nɛ ayeba nɛ ŋseliNɛ piyele nɛ ŋpaɣzɩ cɛtʋʋ?+
Ŋtɩtɔzɩ mɔ-yɔɔ.+
Ña-paa fɛyɩnɩ natʋyʋ.+
Mantisu tamɩyɛ nɛ mɛnkɛzɩ man-tɩ nɛ hɔɔlʋʋ na?*+
Pʋyɔɔ ŋtise-m sɔɔndʋ.
12 Mankaɣ yebu nɛ patɩlɩ “ñe-siɣsiɣ wɛtʋ”+ nɛ ña-tʋma,+Nɛ pɩɩkaɣ-ŋ wazʋʋ.+
13 Alɩwaatʋ ndʋ ŋmakɩ kubusi se pasɩnɩ-ŋ yɔ,Ña-sɩʋ kpelisi nzɩ ŋkpeɣlaa yɔ sɩɩkaɣ ña-ñʋʋ yabʋ.+
Helim kaɣ sɩ-tɩŋa kpaɣʋ nɛ pɩɖɛna,Cɛɛkɛ helim mbʋ ɛyʋ feziɣ yɔ, pɩkaɣ-sɩ kpaɣʋ nɛ pɩɖɛna,Ɛlɛ weyi ɛcɔzʋʋ mɔn-cɔlɔ yɔ, tɛtʋ kaɣ pɩsʋʋ ɛ-ñɩmNɛ man-pʋʋ kiɖeɖeu kaɣ pɩsʋʋ ɛ-pʋyʋ.+
14 Pakaɣ yɔɔdʋʋ se: “Ɩɖʋ, ɩɖʋ habɩyɛ! Ɩñɔɔzɩ nʋmɔʋ!+
Ɩkʋsɩ mbʋ payɩ pɩpadɩɣ yɔ man-samaɣ nʋmɔʋ taa.”»
15 Mbʋ pʋyɔɔ yɔ, tɔm tʋnɛ Weyi ɛkʋyaa nɛ ɛkɩlɩ pɩtɩŋa yɔ,Weyi ɛwɛ* wezuu tam tam+ nɛ ɛ-hɩɖɛ kɛ kiɖeɖeye+ yɔ ɛyɔɔdʋʋ:
«Mancakɩ lone kʋkʋyɩyɛ nɛ kiɖeɖeye taa,+Ɛlɛ mɛwɛɣ ɖɔɖɔ mba pɩtɔyɩtɩ-wɛ yɔ nɛ mba poluzuu pa-tɩ yɔ pɔ-cɔlɔ,Se meyele nɛ ajamaa fezuu ɖaɣnɩ kpaʋ ɖoŋNɛ meyele nɛ mba pɩtɔyɩtɩ-wɛ yɔ pa-laŋɩyɛ ɖaɣnɩ hiɣu ɖoŋ.+
16 Mbʋ pʋyɔɔ yɔ maakaɣ-wɛ kaɖɩnʋʋ tamYaa maawɛɣ pana taa tam;+Pɩtɩkɛ mbʋ yɔ, mɔ-yɔɔ lɛ ɛyʋ fezuu kaɣ camʋʋ,+Halɩ pɩkpɛndɩnɩ wondu kɩlɩzɩtʋ ndʋ malaba nɛ tifeziɣ yɔ.
17 Ɛ-kɩdɛkɛdɩm, e-mulum kɛzɛɣa ñɩnʋʋ yɔɔ lɛ, mɔnkɔ pana,+Pʋyɔɔ mɔhɔm ɛ-nɩŋgbaŋʋʋ, mɛmɛsɩ mɛ-ɛsɩndaa se ɛtaana-m, nɛ mɔnkɔ pana.
Ɛlɛ ɛwɛɛ nɛ ɛɖɔŋ kaañamtʋ ɖɔnɛ,+ nɛ ɛtɩŋɩɣ nʋmɔʋ ŋgʋ ɛ-laŋɩyɛ wɩlɩɣ-ɩ yɔ.
18 Mana ɛ-nʋmɔŋ,Ɛlɛ mankaɣ-ɩ waʋ+ nɛ menɖiyi-i+Nɛ manɖaɣnɩ-ɩ haʋ laŋɩyɛ hɛzʋʋ,+ ɛ nɛ ɛ-ɛyaa mba pɛwɛ kʋñɔwiye taa yɔ.»*+
19 «Mɛwɛɛ nɛ manɖʋʋ samtʋ ɛyʋ nzʋlʋmɩyɛ yɔɔ.
Pakaɣ haʋ tamtam laŋhɛzɩyɛ weyi ɛwɛ ɖooo poliŋ nɛ weyi ɛwɛ pɩ-cɔlɔ yɔ,+Nɛ mankaɣ yebu nɛ ɛ-yɔɔ cɛ,» Yehowa yɔɔdʋʋna.
20 «Ɛlɛ kañatʋ tɩnaa wɛ ɛzɩ teŋgu ŋgʋ kɩwasɩɣ nɛ kɩɩpɩzɩɣ se kɩcaɣ ɖiɣ ɖiɣ,Nɛ kɩ-lɩm wɛɛ nɛ pɩlɩzɩɣ aɖɔnɖɔla nɛ ahɔya yɔ.
21 Kañatʋ tɩnaa fɛyɩnɩ laŋhɛzɩyɛ,»+ mɛ-Ɛsɔ yɔɔdʋʋna.
Pɩ-tɛɛ tɔm
^ Pɩpɩzɩɣ pɩkɛ, «Se ɛlɩɩ asɛyʋʋ nesi tɛɛ.»
^ Pʋ-tɔbʋʋ se sɩm taa.
^ Pʋ-tɔbʋʋ se pɩlaʋ taa.
^ Yaa «lemisi.»
^ Yaa «Ɛzɩ manpɩzɩɣ nɛ mɛhɛzɩ ma-laŋɩyɛ nɛ lakasɩ nzɩ?»
^ Yaa «Lemeɣa.»
^ Pɩkɛɣnɩ sɩɩnaa latʋ nʋmɔʋ taa.
^ Pɩpɩzɩɣ pɩkɛ, «wiyaʋ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Piye piye, «pɩɩnɩɣ-ŋ.»
^ Yaa «nɛ mɛmɛsɩ tɔm na?»
^ Yaa «ɛcakɩ.»
^ Yaa «Nɛ maha-ɩ pi-lone taa laŋɩyɛ hɛzʋʋ, ɛ nɛ ɛ-ɛyaa mba pɛwɛ kʋñɔwiye taa yɔ.»
