Izaayii 58:1-14
58 «Ma kubuka nɛ ño-ɖoŋ kpeekpe; taasu!
Ñɔ-nɔɔ ɛkʋyɩ ɖoŋ ɛzɩ nɔndɔʋ yɔ.
Heyi man-samaɣ ka-kaañamtʋ lakasɩ,+Heyi Yakɔɔb ɖɩɣa ka-kɩwɛɛkɩm.
2 Pañɩnɩɣ-m paa evemiye nɖɩ,Nɛ pɔyɔɔdʋʋ se pɔsɔɔlaa se patɩlɩ ma-nʋmɔŋ,Nɛ pɩwɛɛ ɛzɩ pɛkɛ ɛjaɖɛ nɖɩ ɖɩɩlabɩ mbʋ pɩwɛ siɣsiɣ yɔNɛ pataalɔ pɛ-Ɛsɔ siɣsiɣ wɛtʋ yɔ.+
Pɔpɔzʋʋ-m tɔm hʋʋ siɣsiɣ,Nɛ pɩwɛ ɛzɩ pɔsɔɔlaa se pɔñɔtɩnɩ Ɛsɔ yɔ:+
3 “Alɩwaatʋ ndʋ ɖɩhɔkʋʋ nɔɔ yɔ, ɛbɛ yɔɔ ŋŋnaɣ?+
Nɛ alɩwaatʋ ndʋ ɖɩɖʋʋ ɖa-tɩ* kʋñɔŋ yɔ, ɛbɛ yɔɔ ŋŋnaɣ?”+
Mbʋ pʋyɔɔ yɔ kɩyakʋ ŋgʋ ɩhɔkʋʋ nɔɔ yɔ, mɩ-maɣmaɣ mɩ-kɛzɛsɩ* ɩñɩnɩɣ,Nɛ ɩnazɩɣ mɩ-tʋmlaɖaa.+
4 Mɩ-nɔɔ hɔkʋʋ tɛzɩɣnɩ you nɛ kɩmakʋ,Nɛ ɩmakɩnɩ kañatʋ ŋgulumiye.
Ɩɩpɩzɩɣ nɛ ɩhɔkɩ nɔɔ ɛzɩ ɩlakʋʋ sɔnɔ yɔ nɛ panɩɩ mɩ-nɔɔ ɛsɔdaa.
5 Ɛzɩ nɔɔ hɔkʋʋ mbʋ malɩzaa yɔ, mbʋ pɩmʋnaa se pɩwɛɛ yaa we,Ɛzɩ pɩmʋnaa se pɩwɛɛ ɛzɩ kɩyakʋ ŋgʋ ki-wiye nɔɔyʋ ɖʋʋ ɛ-tɩ* kʋñɔŋ yɔ,Nɛ eluzuu ɛ-ñʋʋ ɛzɩ ñɩtʋ kɩɖaɣlɩtʋ yɔ,Nɛ ɛhɩnɩɣ fɔlɔtɔ yɔɔ nɛ tɔlɩma taa?
Mbʋ ŋyaɣ se nɔɔ hɔkʋʋ nɛ kɩyakʋ ŋgʋ kɩkɛdɩɣnɩ Yehowa yɔ?
6 Aayɩ, nɔɔ hɔkʋʋ pʋnɛ malɩzaa:
Se palɩzɩ kañatʋ lakasɩ kpasɩ,Se pɛhɛɖɩ sʋʋtʋ ɖaʋ kɩtamɩŋ,+Se peyele mba panazɩɣ-wɛ yɔ nɛ pɛɖɛɛ,+Nɛ pɛpɛlɩ paa sʋʋtʋ ɖaʋ ŋgʋ lɛ kɩ-hɛkʋ taa;
7 Se ña nɛ weyi ñɔɔsɩ wɩɣ-ɩ yɔ ɩtayɩ ñɔ-tɔɔnaɣ,*+Se ŋkɔnɩ kʋñɔndʋ nɛ weyi ɛfɛyɩnɩ ɖɩzʋyɛ yɔ ña-ɖɩɣa taa,Se ye ŋna nɔɔyʋ ɛwɛ ndaakpeɖe yɔ ŋsuu-i wondu,+
Nɛ ŋtaaha siɣye ñɔ-hɔʋ taa ñɩma.*
8 Ðɩnɛ ɛlɛ ña-ñalɩmɩyɛ kaɣ ñandʋʋ ɛzɩ tɛbɩyɛ tɛɛ ñalɩmɩyɛ yɔ,+Nɛ ñɔ-yɔɔ kaɣ cɛbʋ lɛɛ lɛɛ.
Ñe-siɣsiɣ wɛtʋ kaɣ-ŋ ɖɛʋ nɔɔ,Nɛ Yehowa samtʋ kaɣ kɛʋ mbʋ pifeŋiɣ ñɔ-yɔɔ nɛ wayɩ kiŋ yɔ.+
9 Ðɩnɛ ɛlɛ ŋkaɣ yaʋ, nɛ Yehowa kaɣ cosuu;Ŋkaɣ mabʋ kubuka se pasɩnɩ-ŋ, nɛ ɛkaɣ yɔɔdʋʋ se: “Ma yɔ!”
Ye ŋkʋsɩ sʋʋtʋ ɖaʋ ñɛ-hɛkʋ taaNɛ ŋyele wɩlʋʋ ñe-niye nɛ ŋyɔɔdʋʋ ɛzaɣtʋ tɔm yɔ,+
10 Ye ŋhaɣ weyi ñɔɔsɩ wɩɣ-ɩ yɔ mbʋ ña-maɣmaɣ ñe-liu wɛɛ yɔ*+Nɛ ŋcɔŋnɩ mba paɖʋʋ-wɛ kʋñɔŋ yɔ* pa-kɩcɛyɩm ɖeɖe camɩyɛ yɔ,Ðɩnɛ ɛlɛ ña-ñalɩmɩyɛ kaɣ ñandʋʋ halɩ pɩkpɛndɩnɩ cɩkpɛndʋʋ taa,Nɛ ña-cɩkpɛndʋʋ kpimm kaɣ wɛʋ ɛzɩ wɩsɩ siɣu alɩwaatʋ taa yɔ.+
11 Yehowa kaɣ-ŋ ɖiyuu paa ɛzɩmtaaNɛ eyele nɛ ñe-liu sɩ* halɩ pɩkpɛndɩnɩ wɩlɩŋ ɛjaɖɛ taa;+Ɛkaɣ ñɔ-mɔɔ kpazʋʋ ɖoŋ,Nɛ ŋkaɣ pɩsʋʋ ɛzɩ kaɖaɣ ŋga pamɩzɩ-kɛ lɩm camɩyɛ yɔ,+Ɛzɩ hiɖe nɖɩ ɖɩ-taa lɩm ɛɛsɔʋ kaaʋ yɔ.
12 Ñɔ-yɔɔ lɛ, pakaɣ ɖaɣnʋʋ maʋ caanaʋ taa njaa,+Nɛ ŋkaɣ ɖaɣnʋʋ ñɔɔzʋʋ kpaɖɩŋ weyi ɩɖɛwa yɔ i-tigila.+
Pakaɣ-ŋ yaʋ se kolonzi nzɩ sɩyɔkaa yɔ* sɩ-ñɔɔzɩyʋ,+Habɛɛ wena papɩzɩɣ nɛ pacaɣ a-nɔsɩ yɔ a-ñɔɔzɩyʋ.
13 Sabaatɩ yɔɔ lɛ, ye ŋyebi ñɩnʋʋ* ña-maɣmaɣ ñɛ-kɛzɛsɩ* man-kɩyakʋ kiɖeɖeu wiye+Nɛ ŋyaɣ Sabaatɩ se taa leleŋ weyi ɩ-wayɩ fɛyɩ yɔ, Yehowa kɩyakʋ kiɖeɖeu, ŋgʋ paɖʋ-kʋ hɩɖɛ yɔ,+Nɛ ŋɖʋʋ-kʋ hɩɖɛ nɛ ŋyeki ñɩnʋʋ ña-maɣmaɣ ñɛ-kɛzɛsɩ nɛ falaa tɔm yɔɔdʋʋ yɔ,
14 Pʋbʋ lɛ, Yehowa yɔɔ lɛ, ŋkaɣ hiɣu ña-taa leleŋ weyi ɩ-wayɩ fɛyɩ yɔ,Nɛ mankaɣ yebu nɛ ŋwɛɛnɩ ɖoŋ, tɛtʋ yɔɔ lona kʋkʋya yɔɔ.+
Mankaɣ yebu nɛ ŋtɔɔ* ñɔ-cɔzɔ Yakɔɔb ñɩm,+Mbʋ pʋyɔɔ yɔ Yehowa nɔɔ yɔɔdɩna.»
Pɩ-tɛɛ tɔm
^ Yaa «ɖa-kalɩzaɣ.»
^ Yaa «mbʋ pɩkɛdɩɣnɩ mɩ-maɣmaɣ yɔ.»
^ Yaa «ɛ-kalɩzaɣ.»
^ Piye piye, «ñɔ-kpɔnɔ.»
^ Yaa «ña-maɣmaɣ ño-tomnaɣ.»
^ Yaa «mbʋ ña-maɣmaɣ ña-kalɩzaɣ liu wɛɛ yɔ.»
^ Yaa «Nɛ ŋcɔŋnɩ kalɩzasɩ nzɩ paɖʋʋ-sɩ kʋñɔŋ yɔ.»
^ Yaa «ña-kalɩzaɣ liu sɩ.»
^ Piye piye, «nzɩ patʋlɩ-sɩ pɔŋ yɔ.»
^ Piye piye, «ŋpɩsɩnɩ ña-nɩŋgbaŋaɣ.»
^ Yaa «ŋyebi ñɩnʋʋ mbʋ pɩkɛdɩɣnɩ ña-maɣmaɣ yɔ.»
^ Yaa «ŋnɩɩ leleŋ nɛ.»
