Izaayii 6:1-13
6 Pɩnaɣ ŋga Wiyaʋ Uziya sɩba yɔ,+ mana Yehowa caɣ kewiyaɣ kpelaɣ ŋga pakpazɩ-kɛ nɛ kakʋyɩ yɔ kɔ-yɔɔ,+ nɛ e-toko kɩɖaɣlʋʋ hadɛ kiŋ su templo taa ɖo.
2 Serafimwaa kaasɩŋ ɛ-ñʋʋ yɔɔ; paa weyi ɛɛwɛnɩ keŋ 6. Paa weyi ehuuzi* ɛ-ɛsɩndaa nɛ keŋ 2 nɛ ehuuzi ɛ-nɩŋgbanzɩ yɔɔ nɛ keŋ 2, nɛ pa-taa paa weyi lɛ, ɛkʋyaɣnɩ keŋ 2.
3 Nɛ pokou nɛ peheyiɣ ɖama se:
«Kiɖeɖeu, kiɖeɖeu, kiɖeɖeu lɛ yoyaa tɛ Yehowa.+
Ɛ-samtʋ su tɛtʋ kpeekpe yɔɔ.»
4 Nɛ nɔnɔɔ tilima selaɣ alɩwaatʋ ndʋ pokowaɣ yɔ,* nɛ ñɔsɩ su ɖɩɣa taa ɖo.+
5 Peeɖe mɔyɔɔdaa se: «Pɩtɔɔ-m!
Mansɩkɩ,*Mbʋ pʋyɔɔ yɔ mɛnkɛ ɛyʋ weyi e-ndomee fɛyɩ kele kele yɔ,Nɛ mɛwɛ samaɣ ŋga ko-ndomee fɛyɩ kele kele yɔ kɛ-hɛkʋ taa;+Mbʋ pʋyɔɔ yɔ mɛ-ɛsa na Wiyaʋ, yoyaa tɛ Yehowa maɣmaɣ!»
6 Peeɖe serafimwaa taa kʋɖʋm kʋyaa nɛ ɛkɔɔ mɔn-cɔlɔ, nɛ e-nesi tɛɛ nɛ mamaɖɛ cɩɩɩ+ nɖɩ ɛkpaɣnɩ kpɩtɩyɩsɩ, altaaru yɔɔ yɔ.+
7 Etukuni mɔ-nɔɔ nɛ ɛyɔɔdɩ se:
«Na! Pʋnɛ pitukuni ño-ndomee.
Pahɩzɩ wɛɛ wena ŋɖɔwa yɔ,Nɛ pekpeɣ-ŋ ña-kɩwɛɛkɩm.»*
8 Nɛ manɩɩ Yehowa nɔɔ, ɛyɔɔdaɣ se: «Anɩ mankaɣ tiyuu, nɛ akaɣ wobu ɖa-hɩɖɛ taa?»+ Nɛ moncosi se: «Ma yɔ! Tiyi-m!»+
9 Nɛ ɛyɔɔdɩ se: «Wolo nɛ ŋheyi samaɣ kanɛ se:
“Ɩkaɣ nɩʋ tam sakɩyɛ,Ɛlɛ ɩɩkaɣ nɩʋ pʋ-tɔbʋʋ;Ɩkaɣ naʋ tam sakɩyɛ,Ɛlɛ ɩɩkaɣ wɛnʋʋ sɩmtʋ natʋyʋ.”+
10 Yele nɛ samaɣ kanɛ ka-laŋɩyɛ sʋʋ kpɩzɩŋ,+Yele nɛ pa-nɩŋgbaaŋ kpa ɖoŋ,+Nɛ ŋtaaɖɩ pɛ-ɛsa,Se pɩsa nɛ pataananɩ pɛ-ɛsaNɛ panɩɩnɩ pa-nɩŋgbaaŋ,
Se pɩsa nɛ pa-laŋɩyɛ ɛtaanɩɩ pʋ-tɔbʋʋNɛ pataapɩsɩnɩ mɔ-yɔɔ nɛ mawaa-wɛ.»+
11 Ðɩnɛ ɛlɛ, mɔnpɔzɩ se: «Hayɩ Yehowa, pɩkɔɔ nɛ pɩsɩɩnɩ ɖooye?» Nɛ ecosi se:
«Pɩkɔɔ nɛ pɩsɩɩnɩ alɩwaatʋ ndʋ tɛtʋ ndɩ ndɩ yɔkaa nɛ tɩpɩsɩ njaa nɛ nɔɔyʋ fɛyɩ tɩ-taaNɛ ɛyaa fɛyɩ ɖɩsɩ taaNɛ ɛjaɖɛ pɩsɩ njɛyɛ nɛ nɔɔyʋ fɛyɩ ɖɩ-taa yɔ;+
12 Pɩkɔɔ nɛ pɩsɩɩnɩ alɩwaatʋ ndʋ Yehowa ɖɛnɩ ɛyaa ɖooo poliŋ+Nɛ ɛjaɖɛ taa tɛzɩ hazʋʋ caɣ caɣ yɔ.
13 «Ɛlɛ hɔɔlʋʋ 10 ñɩŋgʋ kaɣ kazʋʋ ɖɩ-taa, nɛ pakaɣ-kʋ ɖaɣnʋʋ ñaɣzʋʋ miŋ, ɛzɩ tɩʋ sɔsɔʋ nɛ sɛɛnɩ tɩʋ yɔ, weyi pɛtɛŋɩ-ɩ tim lɛ, pɩkazɩɣ kiɖe yɔ; ɖomaɣ* kiɖeɖeɣa kaɣ kɛʋ kiɖe.»
Pɩ-tɛɛ tɔm
^ Piye piye, «Ehuuzi.»
^ Piye piye, «alɩwaatʋ ndʋ weyi ɛyaɣ yɔ ɛ-nɔɔ tiliɣ yɔ.»
^ Piye piye, «Posuli mɔ-nɔɔ.»
^ Yaa «Nɛ pohuuzi ña-kɩwɛɛkɩm yɔɔ.»
^ Yaa «lʋlʋʋ taa tʋ.»
