Izaayii 60:1-22
60 «Oo halʋ, kʋyɩ,+ ñandɩ, mbʋ pʋyɔɔ yɔ ña-ñalɩmɩyɛ kɔma.
Yehowa samtʋ ñandɩɣ ñɔ-yɔɔ.+
2 Mbʋ pʋyɔɔ yɔ na! Cɩkpɛndʋʋ kaɣ huuzuu tɛtʋ yɔɔNɛ cɩkpɛndʋʋ kpimm kaɣ huuzuu ajɛɛ yɔɔ;Ɛlɛ Yehowa kaɣ yebu nɛ ñalɩmɩyɛ ñandɩ ñɔ-yɔɔ,Nɛ pakaɣ naʋ ɛ-samtʋ ñɔ-yɔɔ.
3 Ajɛɛ kaɣ wobu ña-ñalɩmɩyɛ cɔlɔ+Nɛ awiya+ wolo ñe-keɖeɣa ŋga kañɩlɩsɩɣ yɔ kɔ-cɔlɔ.*+
4 Kʋsɩ ñɛ-ɛsa nɛ ŋcɔnɩ ñɔ-cɔlɔ kpɛɛɛ!
Pekpeɣli pa-tɩŋa; peɖiɣni kɔm ñɔ-cɔlɔ.
Ña-pɩyalaa wɛɛ nɛ palɩɣnɩ ɖooo poliŋ nɛ pɔkɔŋ,+Nɛ pakpaɣ ñɛ-pɛlaa tɩnaɣ yɔɔ.+
5 Alɩwaatʋ ndʋ tɩ-taa lɛ, ŋkaɣ naʋ nɛ ŋpaɣzɩ ñɩlɩsʋʋ,+Nɛ ña-laŋɩyɛ kaɣ mɛyʋʋ nɛ taa leleŋ su ɖɩ-taa,Mbʋ pʋyɔɔ yɔ pakaɣ kɛzʋʋ teŋgu ñɩm nɛ ñɔ-yɔɔ;Ajɛɛ ñɩm kaɣ kɔm ñɔ-cɔlɔ.+
6 Aɖaaɖaanaa sakɩyɛ kaɣ suu ñɛ-ɛjaɖɛ taa,*Madiyaŋ nɛ Efa+ pa-aɖaaɖaanaa* abalɩñɩma.
Mba payɩ palɩnɩ Seeba yɔ, pakaɣ kɔm;Pakaɣ kɔnʋʋ sika nɛ tɩlaaɖɩ kʋhʋlʋmʋʋ.
Pakaɣ susuu Yehowa samtʋ.+
7 Pakaɣ kpeɣluu Kedaarɩ+ kpɩna tindima kpeekpe ñɔ-cɔlɔ.
Nebayiyɔɔtɩ+ ɛyaŋ kaɣ-ŋ labʋ tʋmɩyɛ.
Ɩkaɣ kɔm ma-altaaru yɔɔ nɛ ɩ-tɔm kɛdɩnɩ-m,+Nɛ mankaɣ canʋʋ man-ɖɩɣa ŋga kamʋnɩ samtʋ yɔ.*+
8 Mba lɛ mba pakʋyʋʋ ɛsɔdaa ɛzɩ mɩndʋ yɔ,Ɛzɩ ahoo wena aɖɛɣ a-ɖɩzʋyɛ taa* yɔ?
9 Mbʋ pʋyɔɔ yɔ, ma lɩm hɛkʋ taa tɛtʋ ndɩ ndɩ kaɣ taʋ liu;+Tarɩsiisi mɛlɛnaa ɖɛnɩ nɔɔ,Se pakpaɣ ña-pɩyalaa nɛ ɖooo poliŋ taa,+Pɩkpɛndɩnɩ pe-liidiye nɛ pe-sika,Nɛ pɔkɔnɩ ñɛ-Ɛsɔ Yehowa hɩɖɛ cɔlɔ nɛ Izrayɛɛlɩ tɛ Kiɖeɖeu cɔlɔ,Mbʋ pʋyɔɔ yɔ ɛkaɣ-ŋ ɖʋʋ hɩɖɛ.*+
10 Agɔma kaɣ maʋ ño-kolonzi,Nɛ pa-awiya kaɣ-ŋ ɖʋʋ lɩm,+Mbʋ pʋyɔɔ yɔ man-pana yɔɔ mɔhɔm ña-nɩŋgbaŋʋʋ,Ɛlɛ man-kɩbandʋ labʋ* yɔɔ lɛ, mankaɣ naʋ ña-pʋtɔdɩyɛ.+
11 Pakaɣ tʋlʋʋ ñɔ-nɔnɔsɩ nɛ peyele-sɩ mbʋ tam;+Paakaɣ-sɩ ɖɩɣʋ paa wɩsɩ taa yaa ɖoo taa,Se pɔkɔnɩ-ŋ ajɛɛ ñɩm,Nɛ a-awiya kaɣnɩ ɖɛʋ nɔɔ.+
12 Mbʋ pʋyɔɔ yɔ paa ɛjaɖɛ nɖɩ yaa paa kewiyaɣ ŋga kaaɖʋʋ-ŋ lɩm yɔ, kakaɣ ɖɩm,Nɛ pakaɣ ajɛɛ ana ɖɩzʋʋ caɣ caɣ.+
13 Libaŋ samtʋ kaɣ kɔm ñɔ-cɔlɔ,+Jenevriyee tɩʋ, frɛɛnɩ tɩʋ, nɛ siprɛɛ tɩʋ, ɩ-tɩŋa ɩkaɣ kɔm,+Se ɩcanɩ mon-kooka kiɖeɖeɣa lone;Mankaɣ ɖʋʋ hɩɖɛ man-nɩŋgbanzɩ lone.+
14 Mba panazɩ-ŋ yɔ, pa-pɩyalaa kaɣ kɔm nɛ poluŋ ñɛ-ɛsɩndaa;Mba payɩ paañaŋɩ-ŋ yɔ, pɩwɛɛ se poluŋ ña-nɩŋgbanzɩ tɛɛ,Nɛ pɩkaɣ pɔzʋʋ se paya-ŋ se Yehowa tɛtʋ,Izrayɛɛlɩ tɛ Kiɖeɖeu tɛ Siyɔŋ.+
15 Mbʋ ɛzɩ paalɔ-ŋ nɛ papaɖɩ-ŋ, nɛ nɔɔyʋ ɛɛtɩŋɩɣnɩ ñɛ-tɛ lɛ,+Mankaɣ yebu nɛ ŋkɛ tamtam agʋnda hiɖe,Mbʋ pɩhaɣ amɛya kpaɖɩŋ kpeekpe taa yɔ.+
16 Nɛ toovenim taa lɛ, ŋkaɣ ñɔʋ ajɛɛ naalɩm,+Ŋkaɣ mʋzʋʋ awiya hɩɖɛ;+Nɛ paa pɩɩla ɛzɩma yɔ, ŋkaɣ tɩlʋʋ se ma Yehowa, mɛnkɛ ña-Ñʋʋ Yaɖʋ,Nɛ Yakɔɔb tɛ Ðoŋ Tʋ kɛnɩ weyi ɛɖaɣnɩ-ŋ yabʋ yɔ.+
17 Ñɩɣyʋʋ kɩsɛɛmʋʋ lone taa lɛ, mankaɣ kɔnʋʋ sika,Nɛ ñɩɣyʋʋ lone taa lɛ, mankaɣ kɔnʋʋ liidiye,Ðasɩ lone taa lɛ, mankaɣ kɔnʋʋ ñɩɣyʋʋ kɩsɛɛmʋʋ,Nɛ pɛɛ lone taa lɛ, mankaɣ kɔnʋʋ ñɩɣyʋʋ;Nɛ mankaɣ lɩzʋʋ laŋhɛzɩyɛ se ɖɩkɛ ñɔ-yɔɔ cɔnɩyʋNɛ malɩzɩ siɣsiɣ wɛtʋ se tɩkɛ ña-tʋma ɖʋyʋ.+
18 Paakaɣ tasʋʋ nɩʋ puuyaɣ lakasɩ taŋ ñɛ-ɛjaɖɛ taaYaa ɖɩzʋʋ nɛ asɛyʋʋ taŋ ña-kamasɩ taa.+
Nɛ ŋkaɣ yaʋ ño-kolonzi se Ñʋʋ Yabʋ+ nɛ ŋyaa ñɔ-nɔnɔsɩ se Samtʋ.
19 Wɩsɩ ɛɛkaɣ-ŋ tasʋʋ kɛʋ ñalɩmɩyɛ evemiye taa,Nɛ fenaɣ ɛɛkaɣ tasʋʋ ñandʋʋ se kaha-ŋ ñalɩmɩyɛ,Mbʋ pʋyɔɔ yɔ Yehowa kaɣnɩ-ŋ kɛʋ tamtam ñalɩmɩyɛ,+Nɛ ñɛ-Ɛsɔ kaɣnɩ kɛʋ ñe-keɖeɣa.+
20 Ña-wɩsɩ ɛɛkaɣ tasʋʋ ɖʋʋ,Nɛ ñe-fenaɣ ñalɩmɩyɛ ɛɛkaɣ pasʋʋ ɖɔɖɔ,Mbʋ pʋyɔɔ yɔ Yehowa kaɣnɩ-ŋ kɛʋ tamtam ñalɩmɩyɛ,+Nɛ ña-kʋñɔwiye kɩyakɩŋ kaɣ sɩʋ tɩnaɣ.+
21 Nɛ ña-samaɣ taa ñɩma tɩŋa kaɣ kɛʋ siɣsiɣ tɩnaa;Ɛjaɖɛ kaɣ pɩsʋʋ pa-pʋyʋ tam tam.
Pɛkɛ ɛyazɩyɛ nɖɩ mɔnsɔwa yɔ,Me-nesi tɛɛ tʋmɩyɛ,+ se mancanɩnɩ man-tɩ.+
22 Ɛyaa pazɩ kaɣ pɩsʋʋ kudokuNɛ weyi ɛtɩlɩɩ pʋyʋ yɔ, ɛpɩsɩɣ ɛjaɖɛ ɖoŋ ñɩnɖɛ.
Ma Yehowa, ma-maɣmaɣ makaɣnɩ yebu nɛ pɩla mbʋ lɛɛ lɛɛ pɩ-maɣmaɣ pɩ-alɩwaatʋ yɔɔ.»
Pɩ-tɛɛ tɔm
^ Yaa «ñɛ-tɛbɩyɛ tɛɛ ñalɩmɩyɛ cɔlɔ.»
^ Aɖaaɖaanaa mba pa nɛ po-ɖoŋ nɛ patɩkpadɩyɩ yɔ pɔ-tɔm pɔyɔɔdʋʋ.
^ Piye piye, «kaɣ suu ña-taa.»
^ Yaa «men-keɖeɣa ɖɩɣa.»
^ Yaa «a-ɖɩzʋyɛ nɔsɩ taa.»
^ Yaa «ɛkaɣ-ŋ canʋʋ.»
^ Yaa «man-camɩyɛ lakasɩ.»
