Izaayii 61:1-11
61 Kɩbaɣlʋ Kɩlɩm Yehowa fezuu wɛ mɔ-yɔɔ,+Mbʋ pʋyɔɔ yɔ Yehowa ta-m num se monsusi tɔm kɩbandʋ ɛyaa hɛɛɛ tɩnaa.+
Etiyi-m se mawaa* mba pa-laŋa wɛɛkaa yɔ,Se monsusi yomaa se pakaɣ wɛʋ pa-tɩ yɔɔNɛ salaka tɩnaa se pɛ-ɛsa kaɣ kuluu wamm,+
2 Se monsusi Yehowa camɩyɛ lakasɩ* pɩnaɣNɛ ɖɛ-Ɛsɔ kɩmɩyɛ kpaʋ kɩyakʋ,+Se mɛhɛzɩ mba payɩ pɛwɛ kʋñɔwiye taa yɔ pa-laŋa,+
3 Se mɔncɔnɩ mba pɛwɛ kʋñɔwiye taa Siyɔŋ yɔɔ yɔ pɔ-yɔɔ,Nɛ maha-wɛ ñʋʋ kitemuu, tɔlɩma lone taa,Amɛya num, kʋñɔwiye lone taa,Samtʋ toko, maɣzɩm mbʋ pitibi-pʋ yɔɔɔ yɔ pi-lone taa.
Nɛ pakaɣ-wɛ yaʋ se siɣsiɣ wɛtʋ tɩŋ sɔsɔŋ,Yehowa tɩŋ hayɩm, se pɩsa nɛ pɩha-ɩ samtʋ.*+
4 Pakaɣ ɖaɣnʋʋ maʋ caanaʋ taa njaa;Pakaɣ kʋsʋʋ ɖooo lɔndaa lona wena acaɣ kpɛɖɛ yɔ,+Nɛ pakaɣ ɖaɣnʋʋ ñɔɔzʋʋ tɛtʋ ndɩ ndɩ ndʋ paayɔkɩ-tʋ yɔ,+Nɛ pɔñɔɔzɩ lona wena acaɣ kpɛɖɛ kpaɣ kpaɖʋʋ nɛ ŋwolo kpaɖʋʋ yɔ.+
5 «Agɔma kaɣ sɩŋʋʋ nɛ peɖiyi mɩ-kpɩna,Nɛ agɔma+ kaɣ kɛʋ mɩ-haɖaa nɛ mi-viiñi hayɩyaa.+
6 Piyele nɛ mɩ yɔ, pakaɣ-mɩ yaʋ se Yehowa cɔjɔnaa;+Pakaɣ-mɩ yaʋ se ɖɛ-Ɛsɔ lɩmɖʋyaa.
Ɩkaɣ tɔɔʋ ajɛɛ ñɩm,+Nɛ ɩkaɣ kʋndɩnʋʋ a-samtʋ.*
7 Fɛyɛ lone taa lɛ, ɩkaɣ wɛnʋʋ ñɩm tam nabʋlɛ taa,Nɛ fɛyɛ ɖʋʋ lone taa lɛ, pakaɣ mabʋ kubusi nɛ taa leleŋ mbʋ pakaɣ mʋʋ yɔ pɩ-yɔɔ,Ɛɛɛ, pakaɣ wɛnʋʋ ñɩm tam nabʋlɛ taa pɛ-ɛjaɖɛ taa.+
Tamtam amɛya kaɣ kɛʋ pa-pʋyʋ.+
8 Mbʋ pʋyɔɔ yɔ, ma Yehowa, mɔnsɔɔlɩ siɣsiɣ wɛtʋ;+Manpaɖɩɣ mɩlɩm nɛ mbʋ pɩfɛyɩ siɣsiɣ yɔ.+
Mankaɣ-wɛ cɛlʋʋ pa-kɩhɛyʋʋ ɛzɩ pɩmʋnaʋ yɔ,Nɛ mankaɣ-wɛ ɖʋnʋʋ tamtam ɛgbɛyɛ.+
9 Pakaɣ tɩlʋʋ pa-lʋlʋʋ taa mba* ajɛɛ hɛkʋ taa+Nɛ pe-liɖe taa piya, samasɩ hɛkʋ taa.
Mba payɩ panaɣ-wɛ yɔ pakaɣ-wɛ tɩlʋʋ,Se pɛkɛ lʋlʋʋ taa ñɩma* mba Yehowa wazɩ-wɛ yɔ.»+
10 Mankaɣ wɛʋ amɛya taa siŋŋ Yehowa yɔɔ.
Ma-laŋɩyɛ kpeekpe* taa kaɣ labʋ leleŋ nɛ mɛ-Ɛsɔ.+
Mbʋ pʋyɔɔ yɔ esu-m ñʋʋ yabʋ wondu;+Ɛhɔkɩ-m nɛ siɣsiɣ wɛtʋ toko kɩɖaɣlʋʋ,*Ɛzɩ asɛyʋ walʋ weyi eteŋ ñʋʋ kitemuu ŋgʋ kɩwɛ ɛzɩ cɔjɔ ñɩŋgʋ yɔ,+Nɛ ɛzɩ asɛyʋ weyi ɛcanɩɣ ɛ-tɩ nɛ ɛ-ajana wondu yɔ.
11 Mbʋ pʋyɔɔ yɔ ɛzɩ tɛtʋ yekuu nɛ tɩ-yɔɔ ɖomaɣ ñɔʋNɛ ɛzɩ kaɖaɣ yekuu nɛ mbʋ poɖu ka-taa yɔ pɩñɔʋ yɔ,Mbʋ ɖɔɖɔ Kɩbaɣlʋ Kɩlɩm YehowaKaɣ yebu nɛ siɣsiɣ wɛtʋ+ nɛ samtʋ pɔñɔ+ ajɛɛ kpeekpe ɛsɩndaa.
Pɩ-tɛɛ tɔm
^ Piye piye, «se mɔhɔkɩ.»
^ Yaa «kɩbandʋ labʋ.»
^ Yaa «pɩsa nɛ pɩcanɩ-ɩ.»
^ Yaa «a-ñɩm.»
^ Piye piye, «po-ɖomaɣ.»
^ Piye piye, «pɛkɛ ɖomaɣ.»
^ Yaa «Man-kalɩzaɣ.»
^ Yaa «toko kɩtɩnʋʋ ŋgʋ kɩfɛyɩnɩ nɩŋgbɛɛnzɩ yɔ.»
