Mikee 1:1-16
1 Yehowa tɔm ndʋ tɩtalɩ Moresɛɛtɩ tʋ Mikee,*+ Yuuda awiya+ Yotam,+ Ahaazɩ+ nɛ Ezekiyaasɩ+ pa-alɩwaatʋ taa yɔ, tɔm ndʋ ɛmʋ natʋ natʋyʋ taa Samaarii nɛ Yeruzalɛm pɔ-yɔɔ yɔ ndʋ yɔ:
2 «Iwelisi, mɩ samasɩ kpeekpe!
Kemsi camɩyɛ, Oo tɛtʋ, nɛ mbʋ pisu ña-taa ɖo yɔ,Nɛ iyele nɛ Kɩbaɣlʋ Kɩlɩm Yehowa kɛ aseɣɖe tʋ weyi ekuluu mɩ-yɔɔ yɔ+—Yehowa wɛ e-templo kiɖeɖeu taa.
3 Mbʋ pʋyɔɔ yɔ, na! Yehowa ɖiɣni lɩnʋʋ e-lone taa nɛ ɛkɔŋ;Ɛkaɣ tibu nɛ ɛfɛyɩ tɛtʋ yɔɔ lona kʋkʋya yɔɔ.
4 Pʋŋ kaɣ yoluu ɛ-tɛɛ,+Nɛ fɛɛŋ* kaɣ faɣʋƐzɩ tʋŋ sɛŋɛlɛtʋ yoluu miŋ ɛsɩndaa yɔ,Ɛzɩ lɩm falʋʋ kajalaŋa taa yɔ.
5 Yakɔɔb kaañamtʋ lakasɩ yɔɔ pɩtɩŋa payɩ mbʋ yɔ pɩlaba,Izrayɛɛlɩ ɖɩɣa kɩwɛɛkɩm yɔɔ.+
A-cɔlɔ Yakɔɔb kaañamtʋ lakasɩ lɩnaa?
Pɩtɩkɛ Samaarii yaa we?+
Nɛ a-cɔlɔ pɩlɩnaa nɛ lona kʋkʋya wɛɛ Yuuda?+
Pɩtɩkɛ Yeruzalɛm yaa we?
6 Mankaɣ labʋ nɛ Samaarii pɩsɩ njɛyɛ tambaɣ huuye ñɩtʋ taa,Lone nɖɩ ɖɩ-taa pɔsɔʋ viiñi yɔ;Mankaɣ tuzuu kɩ-pɛɛ nɛ mɛnpɛɖɩ* fɛɛʋ taa,Nɛ mankaɣ kuluu ki-tigila yɔɔ nɛ meyele-yɛ ndaakpeɖe.
7 Pakaɣ yɔkʋʋ ɛ-sɩʋ kpelisi tɩŋa yʋbɩlɛɛɛ,+Nɛ kʋjɔŋ weyi payɩ ɩ-yɔɔ ɛpɛdɩ ɛ-tɩ yɔ,* pakaɣ-ɩ ñaɣzʋʋ miŋ.+
Mankaɣ ɖɩzʋʋ ɛ-sɩʋ kpelisi tɩŋa.
Mbʋ pʋyɔɔ yɔ ɛ-hayitu lakasɩ taa ehiɣ-sɩ,Nɛ sɩkaɣ tasʋʋ pɩsʋʋ hayitu laɖaa kɩhɛyʋʋ.»
8 Pʋyɔɔ lɛ, mankaɣ peenduu nɛ mama kubusi ɖoŋ;+Mankaɣ ɖɔm nɩŋgbanzɩ kpɛɖɛ nɛ ndaakpeɖe.+
Men-peenduu kaɣ wɛʋ ɛzɩ tɛyɛ hasɩ peenduu yɔ,Nɛ man-kʋñɔwiye wɛɛ ɛzɩ taataanaa kʋñɔwiye yɔ.
9 Mbʋ pʋyɔɔ yɔ, paapɩzɩɣ nɛ pawaa e-heŋ;+Ɛtalɩ ɖooo Yuuda.+
Kʋdɔŋ yɛlaa nɛ kɩtalɩ man-samaɣ nɔnɔɔ taa, kɩtalɩ Yeruzalɛm.+
10 «Itaasusi kɩ-tɔm Gaatɩ taa;Pɩtɩpɔzɩ se iwii kaaʋ.
Ipilimi mʋzʋʋ taa Bɛtɩ-Afra taa.*
11 Ɩwɛɛ ndaakpeɖe nɛ ɩtɛzɩnɩ fɛyɛ, Oo Safiiri taa mba.*
Zaanaanɩ taa mba* tɩlɩɩ.
Peenduu kaɣ wɛʋ Bɛtɩ-Ezɛɛlɩ taa; nɛ sɩnʋʋ mbʋ ihikaɣ kɩ-taa yɔ, pɩɩkaɣ tasʋʋ wɛʋ.
12 Mbʋ pʋyɔɔ yɔ Marɔɔtɩ taa mba* kaaɖaŋ mbʋ pɩwɛ ɖeu yɔ;Ɛlɛ mbʋ pɩfɛyɩ ɖeu yɔ, pɩlɩɩnɩ Yehowa cɔlɔ nɛ pitii Yeruzalɛm nɔnɔɔ taa.
13 Ɩkpaɣ kɛɛkɛɛ nɛ ɩhɔkɩnɩ kpaŋnaŋ, Oo Lakisi taa mba.*+
Mɩ-cɔlɔ Siyɔŋ pɛlɛ kɩwɛɛkɩm paɣzaa,Mbʋ pʋyɔɔ yɔ ñɛ-tɛ pana Izrayɛɛlɩ kaañamtʋ lakasɩ.+
14 Pʋyɔɔ lɛ, ŋkaɣ cɛlʋʋ kʋjɔŋ se ŋlabɩnɩ wele wele Moresɛɛtɩ-Gaatɩ.
Akɩziib+ ɖɩsɩ kaakɛ mbʋ pipeɣziɣ Izrayɛɛlɩ awiya yɔ.
15 Mankaɣ tasʋʋ kɔnʋʋ waɖʋ* mɩ-tɛ,+ Oo Maresaa taa mba.*+
Izrayɛɛlɩ samtʋ kaɣ talʋʋ ɖooo Adulam.+
16 Ɩpɩsɩ mɩ-tɩ ñʋʋ melem tɩnaa nɛ ɩhʋ mɩ-ñʋŋ koloŋgolo mi-piya kʋsɔɔlɩsɩ yɔɔ.
Ɩpɩsɩ mɩ-tɩ ñʋʋ melem tɩnaa ɛzɩ aguluŋgu* yɔ,mbʋ pʋyɔɔ yɔ pakpaɣ-sɩ mɩ-cɔlɔ nɛ pɛɖɛnɩ yomiye taa.»+
Pɩ-tɛɛ tɔm
^ Hɩɖɛ «Mikayɛɛlɩ» yaa «Mikayiya» potobiyaa. «Mikayɛɛlɩ» tɔbʋʋ lɛ «Awɛ ɛzɩ Ɛsɔ?» nɛ «Mikayiya» tɔbʋʋ lɛ «Awɛ ɛzɩ Yehowa?»
^ Yaa «kɛdɛɛnzɩ.»
^ Piye piye, «Mankaɣ pɩyʋʋ kɩ-pɛɛ.»
^ Yaa «Nɛ ɛ-hayitu lakasɩ kɩhɛyʋʋ tɩŋa.»
^ Yaa «Afra ɖɩɣa taa.»
^ Piye piye, «Safiiri taa halʋ.»
^ Piye piye, «Zaanaanɩ taa halʋ.»
^ Piye piye, «Marɔɔtɩ taa halʋ.»
^ Piye piye, «Lakis taa halʋ.»
^ Yaa «ñɩm mʋyʋ.»
^ Yaa «Maressa taa halʋ.»
^ Ebree tɔm piye nɖɩ palabɩnɩ tʋmɩyɛ yɔ ɖɩ-tɔbʋʋ nɩʋ wɩlɩɣ se pɩpɩzɩɣ nɛ pɩkɛ ɖɔɖɔ keziye.