Mikee 3:1-12
3 Mɔyɔɔdaa se: «Mentendi-mɩ, iwelisi, mɩ Yakɔɔb ñʋndɩnaaNɛ mɩ Izrayɛɛlɩ ɖɩɣa ɖiyiyaa.+
Ɛzɩ pɩfɛyɩ se ɩtɩlɩ mbʋ pɩwɛ siɣsiɣ yɔ yaa we?
2 Ɛlɛ ɩpaɖɩɣ mbʋ pɩwɛ ɖeu yɔ+ nɛ ɩsɔɔlʋʋ mbʋ pɩfɛyɩ ɖeu yɔ;+Ɩcɩyɩɣ man-samaɣ tɔnʋʋ nɛ ɩkɛlɩɣ kɔ-mɔɔ yɔɔ nandʋ.+
3 Ɩtɔkɩ ɖɔɖɔ man-samaɣ nandʋ+Nɛ ilitiɣ kɔ-tɔnʋʋ,Ɩpɛlɩɣ kɔ-mɔɔ, nɛ ɩyɔkʋʋ-yɛ hɔɔlasɩ hɔɔlasɩ,+Ɛzɩ mbʋ patɩzɩ ɖeɣa* taa yɔ, ɛzɩ patɩzʋʋ nandʋ ɖeɣa taa yɔ.
4 Alɩwaatʋ ndʋ tɩ-taa lɛ, pakaɣ yaʋ Yehowa se ɛsɩnɩ-wɛ,Ɛlɛ ɛɛkaɣ-wɛ cosuu.
Ɛkaɣ mɛsʋʋ ɛ-ɛsɩndaa alɩwaatʋ ndʋ tɩ-taa se pataana-ɩ,+Pa-lakasɩ kɩdɛkɛdɩsɩ yɔɔ.+
5 Tɔm tʋnɛ Yehowa yɔɔdʋʋ nayaa mba potolisuu ɛ-samaɣ yɔ pɔ-yɔɔ,+Mba posusuu laŋhɛzɩyɛ+ alɩwaatʋ ndʋ peɖiɣni ñasʋʋ nɛ pe-kela yɔ*+Ɛlɛ palakɩ you nɛ weyi ɛɛɖʋʋ nabʋyʋ pɔ-nɔsɩ taa yɔ:
6 “Ðoo kaɣ-mɩ yuu;+ natʋ natʋyʋ ɛɛkaɣ wɛʋ;+Cɩkpɛndʋʋ ɖeke ɩkaɣ wɛnʋʋ, tɩyɩtʋ ɛɛwɛɣ.
Wɩsɩ kaɣ ɖʋʋ nayaa yɔɔ,Nɛ wɩsɩ taa kaɣ-wɛ pɩsʋʋ cɩkpɛndʋʋ.+
7 Fɛyɛ kaɣ kpaʋ mba panaɣ natʋ yɔ,+Nɛ pɩkaɣ tibu tɩyaa yɔɔɔ.
Nɛ pa-tɩŋa pakaɣ huuzuu pɔ-nɔsɩ yɔɔ,*Mbʋ pʋyɔɔ yɔ Ɛsɔ ticosi natʋyʋ.”»
8 Piyele nɛ ma yɔ, Yehowa fezuu yɔɔ lɛ, ɖoŋ su man-taa,Nɛ siɣsiɣ wɛtʋ nɛ hoɖe su man-taa ɖɔɖɔ,Se meheyi Yakɔɔb ɛ-kaañamtʋ lakasɩ nɛ Izrayɛɛlɩ ɛ-kɩwɛɛkɩm.
9 Mɩ Yakɔɔb ɖɩɣa ñʋndɩnaa, mentendi-mɩ, ɩnɩɩ tɔm tʋnɛ,Nɛ mɩ Izrayɛɛlɩ ɖɩɣa ɖiyiyaa,+Mɩ mba ɩpaɖɩɣ siɣsiɣ wɛtʋ nɛ mɩ mba ikotuu mbʋ payɩ pɩtʋʋzaa yɔ,+
10 Mɩ mba ɩkpakɩɣ calɩm kpɛdʋʋ nɛ ɩmaɣnɩ Siyɔŋ nɛ ɩkpakɩɣ mbʋ pɩfɛyɩ siɣsiɣ yɔ+ nɛ ɩmaɣnɩ Yeruzalɛm yɔ.
11 Ki-ɖiyiyaa* hʋʋ tɔm mulum kʋjɔʋ yɔɔ,+Kɩ-cɔjɔnaa wɩlɩɣ tɔm kɩhɛyʋʋ yɔɔ,+Nɛ kɩ-nayaa lakɩ tɩyɩtʋ lakasɩ liidiye* yɔɔ.+
Nɛ paa mbʋ yɔ, pamalɩɣnɩ Yehowa* nɛ pɔtɔŋ se:
«Yehowa fɛyɩ ɖɛ-hɛkʋ taa yaa we?+
Asɛyʋʋ nakʋyʋ ɛɛkaɣ kɔm ɖɔ-yɔɔ.»+
12 Mbʋ yebina nɛ mɩ-yɔɔ lɛ,Pakaɣ hayʋʋ Siyɔŋ ɛzɩ hayɩm yɔ,Yeruzalɛm kaɣ pɩsʋʋ njɛyɛ tambaɣ huuye,+Nɛ Ðɩɣa pʋʋ* kaɣ pɩsʋʋ ɛzɩ lona kʋkʋya wena awɛ laʋ tɛɛ yɔ.*+
Pɩ-tɛɛ tɔm
^ Yaa «ɖeɣa ŋga kɔ-nɔɔ walaa yɔ.»
^ Pɩpɩzɩɣ pɩkɛ, «alɩwaatʋ ndʋ pɛwɛnɩ nabʋyʋ pɔ-nɔsɩ taa se pɔtɔɔnɩ pe-kela yɔ.»
^ Yaa «pakaɣ huuzuu pɔ-nɔɔ hʋndʋ yɔɔ.»
^ Piye piye, «Kɩ-ñʋndɩnaa.»
^ Yaa «liidiye ñɩɣyʋʋ.»
^ Yaa «palakɩ nɔɔ taa yem se pamalɩɣnɩ Yehowa.»
^ Yaa «templo pʋʋ.»
^ Yaa «ɛzɩ pʋʋ ŋgʋ kɩ-yɔɔ nɛ laʋ yɔ.»