Mikee 5:1-15
5 «Lɛɛlɛɛyɔ ŋwɛɛ nɛ ŋhɛdɩɣ ña-tɩ,Oo pɛlɛ weyi pakʋyɩ ɛ-yɔɔ yɔ;Pɔcɔ-ɖʋ nɛ pata se poyooni-ɖʋ.+
Pakpaɣ ɖaʋ nɛ pamakɩ Izrayɛɛlɩ tɔm hʋyʋ lɩkpaɣzaɣ yɔɔ.+
2 Nɛ ña, Oo Bɛtɩlɛhɛm Efrata,+Ña weyi ŋkɩlɩ ññɩɩ Yuuda cejewe* hɛkʋ taa yɔ,Weyi ɛkaɣ-m kɛʋ wiyaʋ Izrayɛɛlɩ taa yɔ, ñɛ-tɛ ɛkaɣ lɩnʋʋ,+Weyi ɛ-ɖɩlɩyɛ kaawɛ ɖooo caanaʋ taa yɔ, ɖooo lɔndaa yɔ.
3 Pʋyɔɔ lɛ ɛkaɣ-wɛ lɔʋPɩkɔɔ nɛ pɩsɩɩnɩ alɩwaatʋ ndʋ weyi pɩwɛɛ se ɛlʋlɩ yɔ, ɛlʋlaa yɔ.
Nɛ e-koobiya taa mba pɩkazaa yɔ, pakaɣ pɩsʋʋ Izrayɛɛlɩ samaɣ cɔlɔ.
4 Yehowa ɖoŋ taa lɛ, ɛkaɣ kʋyʋʋ nɛ eɖiyi,+Ɛkaɣ kʋyʋʋ nɛ eɖiyini ɛ-Ɛsɔ Yehowa hɩɖɛ paɣlɩka.
Nɛ pakaɣ caɣʋ pɛɛyɛ taa,+Mbʋ pʋyɔɔ yɔ lɛɛlɛɛyɔ lɛ, ɛ-sɔsɔtʋ kaɣ talʋʋ tɛtʋ tɩnaɣ yɔɔ.+
5 Nɛ ɛkaɣ kɔnʋʋ laŋhɛzɩyɛ.+
Ye Asiirii tʋ ɛwadɩ ɖɛ-ɛjaɖɛ yɔɔ nɛ ɛfɛyɩ ɖo-ɖoŋ tilima yɔɔ yɔ,+Ðɩkaɣ kʋsʋʋ ninɖiɣyaa 7, ɛɛɛ, ɛyaa taa awumbiya* 8 nɛ pakaɖɩnɩ-ɩ.
6 Pakaɣ kpaɣʋ laɣɖɛ nɛ pɔhɔmnɩ Asiirii ɛjaɖɛ nɩŋgbaŋʋʋ,*+Nɛ pɔhɔ Nimroodi ɛjaɖɛ+ nɩŋgbaŋʋʋ ɖɩ-nɔnɔsɩ taa.
Nɛ ɛkaɣ-ɖʋ holuu Asiirii tʋ nesi tɛɛ,+Alɩwaatʋ ndʋ ɛwadɩɣ ɖɛ-ɛjaɖɛ yɔɔ nɛ ɛfɛyɩɣ ɖɛ-tɛtʋ yɔɔ yɔ.
7 Yakɔɔb tɛ mba pɩkazaa yɔ, pakaɣ wɛʋ ɛyaa samasɩ sakɩyɛ hɛkʋ taa;Ɛzɩ ɖoluu ŋgʋ kɩlɩnɩ Yehowa cɔlɔ yɔ,Ɛzɩ tɛʋ nɩɣʋ ñɩtʋ yɔɔ yɔŊgʋ kɩɩɖʋʋ ki-lidaʋ ɛyʋ yɔɔ yɔYaa kɩɩɖaŋɩɣ ɛyaa pɩyalaa yɔ.
8 Yakɔɔb tɛ mba pɩkazaa yɔ, pakaɣ wɛʋ ajɛɛ hɛkʋ taa,Ɛyaa samasɩ sakɩyɛ hɛkʋ taa,Ɛzɩ mʋʋzʋʋ wɛʋ laʋ tɛɛ kpɩna hɛkʋ taa yɔ,Ɛzɩ mʋʋzʋʋ* wɛʋ heŋ ewiɖe hɛkʋ taa yɔ,Kɩtɩŋɩɣ heŋ ewiɖe taa nɛ kɩkpaɣ heŋ nɛ kɩcɩyɩɣ-ɩ hɔɔlasɩ hɔɔlasɩ;Nɛ nɔɔyʋ fɛyɩ se eholi-i.
9 Ñe-nesi kaɣ kpaʋ ño-koyindinaa yɔɔ,Nɛ pakaɣ ɖɩzʋʋ ño-koyindinaa tɩŋa.»
10 «Kɩyakʋ ŋgʋ ki-wiye lɛ,Mankaɣ ɖɩzʋʋ ña-kpaŋnaŋ ñɛ-hɛkʋ taa nɛ mɛwɛɛkɩ ñɛ-kɛɛkɛɛnaa cɩɖɩ cɩɖɩ, Yehowa yɔɔdʋʋna.
11 Mankaɣ ɖɩzʋʋ ñɛ-ɛjaɖɛ taa tɛtʋ ndɩ ndɩNɛ mɔyɔkɩ ño-lona ɖoŋ ñɩna tɩŋa nɛ mɛnpɛɖɩ.
12 Mankaɣ yebu nɛ ñe-efeletu lakasɩ sɩɩ tɩnaɣ,*Nɛ pɩɩkaɣ kazʋʋ nɔɔyʋ ñɛ-hɛkʋ taa se ɛlakɩ maajiki lakasɩ.+
13 Mankaɣ ɖɩzʋʋ ña-sɩʋ kpelisi nɛ ñe-tilima ñɛ-hɛkʋ taa,Nɛ ŋŋkaɣ tasʋʋ luŋuu ñe-nesi tɛɛ tʋma tɛɛ.+
14 Mankaɣ kpɛzʋʋ ñe-sizikasɩ kiɖeɖesi*+ ñɛ-hɛkʋ taaNɛ manɖɩzɩ ñɛ-tɛtʋ ndɩ ndɩ.
15 Pana nɛ ɖɩwɩzɩyɛ taa mankaɣ kpaʋ kɩmɩyɛAjɛɛ wena atɩña yɔ.»
Pɩ-tɛɛ tɔm
^ Piye piye, «kudokiŋ.»
^ Yaa «ɖiyiyaa.»
^ Piye piye, «nɛ peɖiyini Asiirii ɛjaɖɛ.»
^ Yaa «mʋʋzʋʋ ŋgʋ kɩwɛnɩ kpɛm ki-pondone yɔɔ yɔ.» Mʋʋzʋʋ ŋgʋ kɩ nɛ ki-ɖoŋ nɛ kɩtɩkpadɩyɩ yɔ kɩ-tɔm pɔyɔɔdʋʋ.
^ Piye piye, «nɛ efeletu sɩɩ tɩnaɣ ñe-nesi taa.»
^ Cɔnɩ Tɔm pee sɔsɔna tɔbʋʋ lɩzʋʋ.
