Mikee 7:1-20
7 Pɩtɔɔ-m! Mɛwɛ ɛzɩ weyi,Pɛtɛŋ kpeɣluu soŋaɣ alɩwaatʋ taa tɩŋ peeNɛ pacazɩ hayɩm taa viiñi kʋmtʋ wayɩ lɛ,Ɛɛnaɣ viiñi tiku nakʋyʋ se ɛtɔɔ yɔ,Maanaɣ kajalaɣ fiigi pee wena awɛ-m liu siŋŋ yɔ.*
2 Ɛyʋ siɣsiɣ tʋ mʋʋ tɛtʋ yɔɔ;Pɩtɩkazɩ nɔɔyʋ ɛyaa taa se ɛtʋʋzaa.+
Pa-tɩŋa papabaa nɛ paɖaŋ se pɛkpɛdɩ calɩm.+
Paa anɩ ɛɖʋʋ ɛ-maɣmaɣ e-koobu wayɩ nɛ piyuu.
3 Pe-nesi sɩm mbʋ pɩfɛyɩ ɖeu yɔ pɩ-labʋ pɩdɩɩfɛyɩ;+Awumbu pɔzʋʋ kʋjɔʋ,Tɔm hʋyʋ pɔzʋʋ kɩhɛyʋʋ,+Weyi ɛkɛ caa akele yɔ eyeki nɛ patɩlɩɣ mbʋ ɛsɔɔlaa yɔ,*+Nɛ pɛkpɛndɩɣ nɛ palakɩ mbʋ.*
4 Pa-taa weyi ɛkpaɖɩ ɖeu yɔ, ɛwɛ ɛzɩ sɔɔ yɔ,Pa-taa weyi ɛkpaɖɩ tʋʋzʋʋ yɔ, sɔɔ ñɩtʋ koloŋa kɩlɩ-ɩ sooci.
Ñe-feŋiyaa nɛ ña-akɔnta labʋ evemiye kaɣ kɔm.+
Ðɩnɛ ɛlɛ pakaɣ seluu.+
5 Taatisi ñɛ-ɛgbaɣdʋ tɔm yɔɔYaa taataa liu weyi ɛkɛ ña-taabalʋ siŋŋ yɔ.+
Kpa ña-tɩ nɛ tɔm ndʋ ŋheyiɣ weyi ɛhɩnɩ ñɔ-nɔkɔyʋʋ taa yɔ.
6 Mbʋ pʋyɔɔ yɔ pɩyalʋ niŋ ɛ-caa,Pɛlɛ kʋyʋʋ e-ɖoo yɔɔ,+Nɛ wolu kʋyɩ ɛ-waŋ yɔɔ;+Ɛyʋ koyindinaa lɛ ɛ-ɖɩɣa taa mba.+
7 Ɛlɛ ma yɔ, mankaɣ wɛʋ nɛ mɔncɔŋʋʋ Yehowa.+
Mankaɣ wɛʋ nɛ manɖaŋɩɣ* Ɛsɔ, ma-ñʋʋ yaɖʋ.+
Mɛ-Ɛsɔ kaɣ-m welisinuu.+
8 Ña-taa ɛtaala leleŋ mɔ-yɔɔ, Oo mon-koyindu.*
Paa mɔntɔlaa yɔ, mankaɣ kʋyʋʋ;Paa mɛwɛ cɩkpɛndʋʋ taa yɔ, Yehowa kaɣ kɛʋ ma-ñalɩmɩyɛ.
9 Mankaɣ man-tɩ ɖɔkʋʋ Yehowa pana taa—Mbʋ pʋyɔɔ yɔ mayʋsɩnɩ-ɩ+—Pɩkɔɔ pɩtalɩ alɩwaatʋ ndʋ ɛlʋkɩ mɔ-yɔɔ nɛ ɛhʋʋ mɔn-tɔm siɣsiɣ yɔ.
Ɛkaɣ-m lɩzʋʋ nɛ ewoni ñalɩmɩyɛ taa;Mankaɣ naʋ e-siɣsiɣ wɛtʋ.
10 Mon-koyindu kaɣ ɖɔɖɔ naʋ,Nɛ fɛyɛ kaɣ-ɩ kpaʋ siŋŋ, ɛnʋ weyi ɛpɔzɩ-m se:
«Le ñɛ-Ɛsɔ Yehowa wɛɛ?» yɔ.+
Mɛ-ɛsa kaɣ-ɩ naʋ.
Lɛɛlɛɛyɔ pakaɣ-ɩ fɛyʋʋ ɛzɩ habɛɛ yɔɔ ahɔya yɔ.
11 Pɩkaɣ kɛʋ kɩyakʋ ŋgʋ pamaɣ ñɛ-pɛɛ kolonzi yɔ;Kɩyakʋ ŋgʋ ki-wiye lɛ, pakaɣ walɩsʋʋ kamasɩ.*
12 Kɩyakʋ ŋgʋ ki-wiye lɛ, pakaɣ ñɔ-cɔlɔ kɔmPakaɣ lɩnʋʋ Asiirii nɛ Ejipiti tɛtʋ ndɩ ndɩ taa,Kpaɣnɩ Ejipiti nɛ ŋwolo ŋtalɩ Pɔɔ;*Kpaɣnɩ teŋgu nɛ ŋwolo teŋgu nɛ kpaɣnɩ pʋʋ nɛ ŋwolo pʋʋ.+
13 Nɛ ɛjaɖɛ kaɣ pɩsʋʋ njɛyɛ ɖɩ-taa mba yɔɔ,Mbʋ palaba yɔ pɩ-yɔɔ.*
14 Ðiyi ña-samaɣ nɛ ña-ɖaʋ, ña-ñɩm ewiɖe,+Nɖɩ ɖɩɩwɛ ɖi-ɖeke laʋ tɛɛ, tɩŋ pee hayɩm hɛkʋ taa yɔ.
Yele nɛ pɔtɔɔ Basaanɩ taa nɛ Galaadɩ taa+ ɛzɩ ɖooo lɔndaa yɔ.
15 «Ɛzɩ kɩyakɩŋ weyi ɩ-taa ŋlɩ Ejipiti ɛjaɖɛ taa yɔ,Mankaɣ-ɩ wɩlʋʋ wondu ndʋ tɩwɛ piti yɔ.+
16 Ajɛɛ kaɣ naʋ nɛ fɛyɛ kpa-yɛ paa awɛ ɖoŋ siŋŋ yɔ.+
Akaɣ a-nesi huuzuu a-nɔsɩ yɔɔ;A-nɩŋgbaaŋ kaɣ tamʋʋ.
17 Akaɣ nezuu mʋzʋʋ ɛzɩ ɖʋmaa yɔ;+Akaɣ lɩʋ a-ɖɩjɔzɩyɛ taa nɛ aseliɣ ɛzɩ tɛtʋ yɔɔ kpɩna wena atuu tataa yɔ.
Akaɣ kɔm ɖɛ-Ɛsɔ Yehowa cɔlɔ nɛ sɔɔndʋ siŋŋ,Nɛ akaɣ-ŋ seu sɔɔndʋ.»+
18 Akɛ Ɛsɔ ɛzɩ ña yɔ,Nɛ ekpeɣu kɩdɛkɛdɩm nɛ ɛɛkpakɩɣ ɛ-samaɣ taa mba pɩkazaa yɔ pa-paɣtʋ yɔɔ maʋ nɛ ɛlakɩnɩ tʋmɩyɛ?+
Ɛɛkaɣ wɛʋ ɛ-pana taa tam,Mbʋ pʋyɔɔ yɔ ɛ-taa lakɩ leleŋ nɛ sɔɔlɩm siɣsiɣ ñɩmbʋ.+
19 Ɛkaɣ tasʋʋ naʋ ɖa-pʋtɔdɩyɛ;+ ɛkaɣ wabʋ* ɖa-kɩwɛɛkɩm.
Ŋkaɣ lɔʋ pa-kɩwɛɛkɩm kpeekpe ɖooo teŋgu cukaŋ taa.+
20 Ŋkaɣ wɩlʋʋ siɣsiɣ wɛtʋ Yakɔɔb,Nɛ ŋwɩlɩ sɔɔlɩm siɣsiɣ ñɩmbʋ Abraham,Ɛzɩ ŋɖuunuu ɖɔ-cɔzɔnaa ɖooo lɔndaa yɔ.+
Pɩ-tɛɛ tɔm
^ Yaa «wena awɛ man-kalɩzaɣ liu siŋŋ yɔ.»
^ Yaa «mbʋ ɛ-kalɩzaɣ sɔɔlɩ siŋŋ yɔ.»
^ Piye piye, «pɛkpɛndɩɣ nɛ palʋʋ-tʋ.»
^ Yaa «Mankaɣ ɖʋʋ suuɖu nɛ manɖaŋ.»
^ Ebree taa lɛ, tɔm piye nɖɩ pɛɖɛzaa se «koyindu» yɔ, ɖɩwɩlɩɣ se ɛkɛ halɩñɩnʋ.
^ Pɩpɩzɩɣ pɩkɛ, «paɣtʋ ndʋ paɖʋwa yɔ, tɩkaɣ talʋʋ ɖooo poliŋ.»
^ Pʋ-tɔbʋʋ se Efraatɩ.
^ Piye piye, «Pee wena pa-lakasɩ lʋlaa yɔ a-yɔɔ.»
^ Yaa «fɛyʋʋ; luzuu.»
