Nehemiya 10:1-39
10 Mba pañɩɣ niye tɩ-yɔɔ nɛ pa-mayaɣ yɔ+ mba yɔ:
Hakaliya pɩyalʋ Nehemiya, ɛnʋ kaakɛnɩ egeetiye ñʋʋdʋ,*Nɛ Zedekiya,
2 Seraya, Azariya, Yereemii,
3 Pasuuri, Amariya, Malɩkiiya,
4 Hatuusi, Sebaniya, Maluuki,
5 Harim,+ Meremɔɔtɩ, Abɩdɩyasɩ,
6 Danɩyɛɛlɩ,+ Ginetɔɔnɩ, Baaruuki,
7 Mesulam, Abiya, Miyamiinɩ,
8 Maaziya, Biligaayɩ nɛ Semayaa; cɔjɔnaa kɛlɛ.
9 Leevi ñɩma mba pañɩɣ niye tɩ-yɔɔ yɔ mba yɔ: Azaniya pɩyalʋ Yesuwa, Binuwii weyi ɛlɩnɩ Henadaadɩ pɩyalaa taa yɔ, Kadɩmɩyɛɛlɩ,+
10 nɛ po-koobiya Sebaniya, Hodiya, Kelita, Pelayiya, Hanaanɩ,
11 Mika, Rehob, Hasabiya,
12 Zakuurɩ, Serebiya,+ Sebaniya,
13 Hodiya, Bani nɛ Beninu.
14 Samaɣ ñʋndɩnaa mba pañɩɣ niye tɩ-yɔɔ yɔ mba yɔ: Parɔɔsɩ, Pahaatɩ-Mowaabʋ,+ Elam, Zatuu, Bani,
15 Buunii, Azɩgadɩ, Bebayii,
16 Adoniya, Bigivaayi, Adinɩ,
17 Atɛɛrɩ, Ezekiyaasɩ, Azuurɩ,
18 Hodiya, Asuum, Bezayi,
19 Harifu, Anatɔɔtɩ, Nebaayɩ,
20 Magɩpiyaasɩ, Mesulam, Heziiri,
21 Mesezabɛɛlɩ, Sadɔɔkɩ, Yaduwa,
22 Pelatiya, Hanaanɩ, Anaya,
23 Osee, Anaanɩya, Hasuubi,
24 Alohɛɛsɩ, Piila, Sobɛɛkɩ,
25 Rehum, Hasabɩna, Maaseyiya,
26 Ahiya, Hanaanɩ, Anaanɩ,
27 Maluuki, Harim nɛ Baanaa.
28 Samaɣ taa mba pɩkazaa yɔ: Cɔjɔnaa, Leevi mba, nɔnɔsɩ yɔɔ ɖaŋɩyaa, hendu teyaa, templo taa lɩmɖʋyaa* nɛ mba payɩ poposi pa-tɩ nɛ ajɛɛ taa mba se pɔɖɔ Ɛsɔ toovenim tʋ Paɣtʋ yɔɔ yɔ,+ pa nɛ pa-halaa, pa-pɩyalaa, nɛ pɛ-pɛlaa, mba payɩ pɛwɛnɩ sɩmtʋ nɛ tɔm taa nɩʋ lɛɣtʋ yɔ*
29 pɛkpɛndɩ po-koobiya yɔɔ, pɛ-ɛyaa mba pa-hɩla sɛwa yɔ pɔ-yɔɔ nɛ poɖuu ɖuutu nɛ pɔyɔɔdɩ se piyoo mba ye patɩɖɔ tɩ-yɔɔ yɔ; poɖuwaa se pɔɖɔŋ Ɛsɔ toovenim tʋ Paɣtʋ yɔɔ, ndʋ ɛtɩŋnɩ Ɛsɔ toovenim tʋ lɩmɖʋyʋ Moyizi yɔɔ nɛ ɛɖʋ yɔ, poɖuwaa se pɔɖɔŋ camɩyɛ ɖa-Kɩbaɣlʋ Yehowa kpalɩtʋ, ɛ-tɔm hʋʋ ɖʋtʋ nɛ ɛ-ɖʋtʋ tɩŋa yɔɔ.
30 Ðɩɩkaɣ cɛlʋʋ ɛjaɖɛ taa mba ɖɛ-pɛlaa, nɛ ɖɩɩkaɣ kpaɣʋ pɛ-pɛlaa nɛ ɖɩcɛlɩ ɖa-pɩyalaa.+
31 Ye ɛjaɖɛ taa mba ɩkɔnɩ pa-tadɩyɛ wondu nɛ tɔɔnasɩ pee ndɩ ndɩ se pɛpɛdɩɣ Sabaatɩ wiye yɔ, ɖɩɩkaɣ nabʋyʋ yabʋ pɔ-cɔlɔ Sabaatɩ wiye+ yaa evemiye kiɖeɖeye naɖɩyɛ wiye.+ Ðɩkaɣ yebu tɛtʋ nɛ tɩhɛzɩ pɩnaɣ 7 ñɩŋga taa,+ nɛ ɖɩɩkaɣ nɔɔyʋ pɔzʋʋ kɩmɩyɛ naɖɩyɛ.+
32 Pɩtasɩ lɛ, ɖɩɖʋ ɖa-taa se pɩwɛɛ se ɖa-taa paa weyi lɛ, ɛha sikli* hɔɔlʋʋ 3 ñɩŋgʋ paa pɩnaɣ ŋga ɖɛ-Ɛsɔ ɖɩɣa* tʋmɩyɛ yɔɔ,+
33 se pɩsa nɛ pɔcɔnɩ ɖʋtʋ tʋnɛ ti-ɖeɖe: Kpɔnɔnaa mba patɩnɩɣ-wɛ ɖama yɔɔ yɔ,*+ tɔɔnaɣ pee kɩlaʋ ŋgʋ palaɣ ɖoŋ ɖoŋ yɔ,+ kɩlaʋ kɩñaɣzʋʋ ŋgʋ palaɣ ɖoŋ ɖoŋ Sabaatɩwaa+ nɛ fenasɩ kɩfasɩ wiye+ yɔ, nɛ kazandʋ ndʋ pɔtɔkɩ tɩ-alɩwaatʋ yɔɔ yɔ,+ wondu kiɖeɖetu, kɩwɛɛkɩm yɔɔ kɩlaŋ+ weyi ihuuzuu Izrayɛɛlɩ kɩwɛɛkɩm yɔɔ yɔ nɛ ɖɛ-Ɛsɔ ɖɩɣa tʋma lɛɛna kpeekpe.
34 Pɩtasɩ lɛ, ɖɩtɔ piye ɖasɩ nzɩ pɩwɛɛ se cɔjɔnaa, Leevi mba, nɛ ɛyaa samaɣ iwoni ɖɛ-Ɛsɔ ɖɩɣa taa, ɖɔ-cɔzɔnaa hɔŋ nɔsɩ taa yɔ sɩ-yɔɔ, se pɩsa nɛ powoni-sɩ paa pɩnaɣ ŋga alɩwaatʋ ndʋ paɖʋwa yɔ tɩ-yɔɔ nɛ pañaɣzɩ-sɩ miŋ ɖɛ-Ɛsɔ Yehowa altaaru yɔɔ ɛzɩ pamaʋ Paɣtʋ taa yɔ.+
35 Paa pɩnaɣ ŋga lɛ, ɖɩkaɣ wonuu ɖɔɖɔ Yehowa ɖɩɣa taa ɖɛ-tɛtʋ yɔɔ kajalaɣ tɔɔnaɣ pee nɛ tɩŋ ndɩ ndɩ kajalaɣ pee,+
36 pɩkpɛndɩnɩ ɖa-pɩyalaa taa kajalaɣ piya nɛ ɖa-kpɩna taa kajalaɣ wondu,+ ɛzɩ pamaʋ Paɣtʋ taa yɔ, nɛ ɖa-naŋ nɛ ɖa-pʋŋ nɛ ɖe-heŋ taa kajalaɣ wondu. Ðɩkaɣ-wɛ wonuu ɖɛ-Ɛsɔ ɖɩɣa taa, ɖiwokini-wɛ cɔjɔnaa mba palakɩ tʋmɩyɛ ɖɛ-Ɛsɔ ɖɩɣa taa yɔ.+
37 Pɩtasɩ lɛ, ɖɩkaɣ wonuu ɖa-kajalaɣ tɔɔnaɣ mʋlʋm,*+ ɖa-haɖɛ, tɩŋ ndɩ ndɩ pee,+ vɛɛ kɩfalʋʋ nɛ num,+ nɛ ɖɩcɛlɩ cɔjɔnaa ɖɛ-Ɛsɔ ɖɩɣa wondu ɖɩzɩyɛ taa;*+ ɖɩkaɣ cɛlʋʋ ɖɔɖɔ Leevi mba ɖɛ-tɛtʋ yɔɔ tɔɔnaɣ hɔɔlʋʋ 10 ñɩŋgʋ,+ mbʋ pʋyɔɔ yɔ tɛtʋ ndʋ tɩ-taa payɩ ɖɩhayɩɣ yɔ, Leevi mba mʋʋnɩ hɔɔlʋʋ 10 ñɩŋgʋ tɩ-taa.
38 Nɛ pɩwɛɛ se cɔjɔ nɔɔyʋ, Aarɔɔnɩ lʋlʋʋ taa tʋ nɔɔyʋ ɛwɛɛ Leevi mba cɔlɔ alɩwaatʋ ndʋ Leevi mba mʋʋ hɔɔlʋʋ 10 ñɩŋgʋ yɔ; nɛ pɩwɛɛ ɖɔɖɔ se Leevi mba ɩha hɔɔlʋʋ 10 ñɩŋgʋ yɔɔ hɔɔlʋʋ 10 ñɩŋgʋ ɖɛ-Ɛsɔ ɖɩɣa,+ wondu ɖɩzɩyɛ ɖamɩŋ* taa.
39 Mbʋ pʋyɔɔ yɔ wondu ɖɩzɩyɛ* taa pɩwɛɛ se Izrayɛɛlɩ mba nɛ Leevi pɩyalaa powoni tɔɔnaɣ pee haɖɛ,+ vɛɛ kɩfalʋʋ nɛ num,+ nɛ peeɖe kooka kiɖeɖeɣa ñanzɩ wɛɛ, nɛ peeɖe ɖɔɖɔ cɔjɔnaa mba paɖʋʋ lɩm yɔ, nɔnɔsɩ yɔɔ ɖaŋɩyaa nɛ hendu teyaa pɛwɛɛ. Ðɩɩkaɣ labʋ kaakendu ɖɛ-Ɛsɔ ɖɩɣa yɔɔ.+
Pɩ-tɛɛ tɔm
^ Yaa «kaakɛnɩ Tirisataa,» pɩɩkɛnɩ hɩɖɛ kɩsɛsɛyɛ nɖɩ Pɛrɩsɩ mba haɣ egeetiye ñʋʋdʋ yɔ.
^ Yaa «Netiinimwaa.» Piye piye, «mba pakpaɣ-wɛ nɛ paha yɔ.»
^ Pɩpɩzɩɣ pɩkɛ, «mba payɩ patalaa se papɩzɩɣ nɛ panɩɩ tɔm tɔbʋʋ yɔ.»
^ Sikli kʋɖʋmʋʋ maɣnɩ ɛzɩ kɩɖamnaa 11 nɛ hɔɔlʋʋ mbʋ yɔ (kɩɖamnaa 11,4). Cɔnɩ Tɔm kɩsɔzɩtʋ B14.
^ Yaa «templo.»
^ Pɩkɛ kpɔnɔnaa mba pasɩɣ Ɛsɔ ɛsɩndaa yɔ.
^ Yaa «ɖamɩŋ weyi ɩ-tɛɛ pɔtɔkɩ tɔɔnaɣ yɔ.»
^ Piye piye, «mʋlʋm mbʋ pɩtɩkpɩzɩ yɔ.»
^ Yaa «ɖamɩŋ weyi ɩ-tɛɛ pɔtɔkɩ tɔɔnaɣ yɔ.»
^ Yaa «ɖamɩŋ weyi ɩ-tɛɛ pɔtɔkɩ tɔɔnaɣ yɔ.»
