Ozee 11:1-12
11 «Alɩwaatʋ ndʋ Izrayɛɛlɩ kaakɛ abalɩbɩɣa yɔ, maasɔɔlɩ-ɩ,+Nɛ maya man-pɩyalʋ se ɛlɩɩnɩ Ejipiti.+
2 Payaɣaɣ-wɛ* nɛ pɩkɩlɩɣ lɛ,Poposuuni-wɛ nɛ pɩkɩlɩɣ.+
Pɛwɛɛ nɛ palaɣ kɩlaŋ Baalɩ sɩʋ kpelisi+Nɛ palaɣ kɩlaŋ sɩʋ kpelisi nzɩ pasaɣaa* yɔ.+
3 Ɛlɛ mawɩlɩnɩ Efrayim ɖɔnɛ,+ mankpakaɣ-wɛ me-nesi taa;+Nɛ patiɖiɣzina se mawa-wɛ.
4 Maawɛɛ nɛ mɔhɔŋ-wɛ nɛ ɛyaa nimee,* mɔhɔŋaɣ-wɛ nɛ sɔɔlɩm nimasɩ;+Nɛ pɛ-ɛsɩndaa lɛ, maawɛ ɛzɩ weyi ɛkʋsʋʋ sʋʋtʋ ɖaʋ pa-tamasɩ yɔɔ yɔ,Nɛ mowoni tɔɔnaɣ paa weyi lɛ nɛ sɔɔlɩm.
5 Paakaɣ pɩsʋʋ Ejipiti ɛjaɖɛ taa, ɛlɛ Asiirii kaɣnɩ kɛʋ pe-wiyaʋ,+Mbʋ pʋyɔɔ yɔ pekizaa se paapɩsɩɣ mɔn-cɔlɔ.+
6 Nɛ laɣɖɛ kaɣ cɔʋ pɛ-tɛtʋ yɔɔ+Nɛ ɖɩpʋʋtɩ pɔ-nɔnɔsɩ ɖaŋ* nɛ ɖɩtɔɔ-wɛ kɩdɛkɛdɩm mbʋ paɖʋwa se palakɩ yɔ pɩ-yɔɔ.+
7 Man-samaɣ tɛm ka-taa se kaawɛɣ siɣsiɣ mɛ-ɛsɩndaa.+
Paa payaɣ-kɛ nɛ hayo kiŋ yɔ,* nɔɔyʋ ɛɛkʋyʋʋ.
8 Ɛzɩma manpɩzɩɣ nɛ meyebi-ŋ, Oo Efrayim?+
Ɛzɩma manpɩzɩɣ nɛ manɖʋzɩ-ŋ koyindu nesi tɛɛ, Oo Izrayɛɛlɩ?
Ɛzɩma manpɩzɩɣ nɛ malabɩ-ŋ ɛzɩ malabʋ Admaa yɔ?
Ɛzɩma manpɩzɩɣ nɛ malabɩ-ŋ ɛzɩ malabʋ Zebooyim+ yɔ?
Mɛlɛɣzɩ ma-lɩmaɣza;Nɛ alɩwaatʋ kʋɖʋmtʋ ndʋ tɩ-taa lɛ, piseɣti man-pʋtɔdɩyɛ naʋ.+
9 Maakaɣ hutuu man-pana miŋ.
Maakaɣ tasʋʋ Efrayim ɖɩzʋʋ,+Mbʋ pʋyɔɔ yɔ mɛnkɛ Ɛsɔ, mantɩkɛ ɛyʋ,Mɛnkɛ Kiɖeɖeu mɩ-hɛkʋ taa;Nɛ maatasɩɣ kɔm ña-wayɩ nɛ pana.
10 Pakaɣ ɖɔm Yehowa wayɩ, nɛ ɛkaɣ mʋdʋʋ ɛzɩ mʋʋzʋʋ yɔ;+Alɩwaatʋ ndʋ ɛmʋdʋʋ yɔ, ɛ-pɩyalaa kaɣ wɛʋ nɛ peseliɣ nɛ palɩɩnɩ wɩsɩ ɖɩɖʋyɛ nɛ pɔkɔɔ.+
11 Pakaɣ seluu ɛzɩ sumaɣ yɔ, alɩwaatʋ ndʋ palɩɣnɩ Ejipiti yɔ,Ɛzɩ ehooye yɔ, alɩwaatʋ ndʋ palɩɣnɩ Asiirii ɛjaɖɛ taa yɔ;+Nɛ mankaɣ-wɛ caɣzʋʋ pa-ɖɩsɩ taa, Yehowa yɔɔdʋʋna.+
12 Efrayim kpaɣ cɛtɩm nɛ ɛcɔzɩnɩ-m nɛ ɛta,Nɛ Izrayɛɛlɩ ɖɩɣa kpaɣ pɔbɔtʋ tɔm nɛ kɔcɔzɩnɩ-m nɛ kata.+
Ɛlɛ Yuuda nɛ Ɛsɔ peɖiɣni ɖɔm mbʋ,Nɛ ɛwɛ siɣsiɣ Kiɖeɖema Taa Kiɖeɖeu ɛsɩndaa.»+
Pɩ-tɛɛ tɔm
^ Nayaa nɛ lalaa mba petiyaa se pawɩlɩ Izrayɛɛlɩ tɔm yɔ mba yaɣaɣna.
^ Yaa «poluba.»
^ Yaa «camɩyɛ lakasɩ nimee,» ɛzɩ lʋlɩyʋ ñɩna yɔ.
^ Yaa «ñɩɣtʋ ɖaŋ.»
^ Pʋ-tɔbʋʋ se payaɣ-kɛ se kapɩsɩnɩ Ɛsɔ sɛtʋ ndʋ tɩkɩlaa yɔ tɩ-yɔɔ.
