Ozee 13:1-16
13 «Efrayim yɔɔdaɣ lɛ, ɛyaa selaɣ;Ɛɛwɛnɩ ɖoŋ Izrayɛɛlɩ taa.+
Ɛlɛ Baalɩ+ yɔɔ lɛ, ɛɖɔ wɛɛ nɛ ɛsɩ.
2 Lɛɛlɛɛyɔ pɔsɔzʋʋ pa-kɩwɛɛkɩm yɔɔNɛ pakpakɩɣ pe-liidiye nɛ polukini ñɩɣtʋ sɩʋ kpelisi;*+Poluki sɩʋ kpelisi nɛ lɛɣtʋ, si-kpeekpe sɩkɛ nesi tɛɛ tʋmlaɖaa tʋmɩyɛ.
Peheyiɣ-sɩ se: “Pɩwɛɛ se ɛyaa mba palaɣ kɩlaŋ yɔ, pamʋzɩ newee yɔɔ.”+
3 Pʋyɔɔ lɛ, pakaɣ wɛʋ ɛzɩ tanaŋ tɛɛ mɩndʋ yɔ,Ɛzɩ ɖoluu ŋgʋ kɩkʋyʋʋ tanaŋ tɛɛ pala yɔ,Ɛzɩ lɔtʋ ndʋ helim kpakɩɣ tɔɔnaɣ ɖɩmaɖɛ yɔ,Nɛ ɛzɩ ñɔsɩ nzɩ sɩlɩɣnɩ lɔbɩtʋ pɔʋ taa yɔ.
4 Ɛlɛ mɛnkɛnɩ Yehowa ñɛ-Ɛsɔ kpaɣnɩ* Ejipiti ɛjaɖɛ taa;+Ŋtaatɩlɩ Ɛsɔ nɔɔyʋ nɛ pɩtasɩnɩ-m,Nɛ ma-wayɩ lɛ, ñʋʋ yaɖʋ nɔɔyʋ fɛyɩ.+
5 Maasɩmɩ-ŋ kañɩmbusuu taa,+ wɩlɩŋ ɛjaɖɛ taa.
6 Pɔtɔɔ pa-ñɩtʋ ɖɩdɔɔyɛ taa tɔɔnaɣ nɛ pahaɣ,+Pahaɣaa nɛ pa-laŋɩyɛ kpazɩ ɖɩ-tɩ.
Nɛ piyele nɛ pɔsɔɔ mɔ-yɔɔ.+
7 Mankaɣ wɛʋ ɛzɩ mʋʋzʋʋ* yɔ pɛ-ɛsɩndaa,+Ɛzɩ kpou ŋgʋ kɩpabɩ nʋmɔʋ nɔɔ yɔ.
8 Mankaɣ kɔm pa-wayɩ ɛzɩ kpemtɔɔyaɣ ŋga kelesi ke-piya yɔ,Nɛ mankaɣ cɩyʋʋ pa-laŋɩyɛ.*
Mankaɣ-wɛ tɔɔʋ peeɖe ɛzɩ mʋʋzʋʋ yɔ;Tɛtɛgbɩnɛ naɖɩyɛ kaɣ-wɛ cɩyʋʋ hɔɔlasɩ hɔɔlasɩ.
9 Ðɩkaɣ-ŋ ɖɩzʋʋ, hayɩ Izrayɛɛlɩ,Mbʋ pʋyɔɔ yɔ ŋkaɖɩnɩ-m, ŋkaɖɩnɩ ña-sɩnɩyʋ.
10 Lɛɛlɛɛyɔ, le ñe-wiyaʋ wɛɛ, se ɛya ña-ñʋʋ ñɛ-tɛtʋ tɩŋa taa?+
Nɛ le ñe-ɖiyiyaa* mba ŋyɔɔdɩ pɔ-tɔm se:
“Ha-m wiyaʋ nɛ awumbiya”+ yɔ, pɛwɛɛ?
11 Maha-ŋ wiyaʋ man-pana taa,+Nɛ mankaɣ-ɩ kʋsʋʋ mɔ-hɔpɩsɩyɛ taa.+
12 Pɔhɔkɩ* Efrayim kɩwɛɛkɩm;Pɔñɔɔzɩ ɛ-kɩdɛkɛdɩm nɛ pasɩɩ.
13 Ɛkaɣ nɩʋ lʋlʋʋ wɩzasɩ.
Ɛlɛ ɛkɛ pɩɣa ŋga kɛfɛyɩ lɔŋ yɔ;Alɩwaatʋ talaa se palʋlɩ-ɩ lɛ, ɛtɩkɔnɩ ɛ-tɩ.
14 Mankaɣ-wɛ holuu Pɩlaʋ* ɖoŋ tɛɛ;Mankaɣ-wɛ lɩzʋʋ sɩm nesi tɛɛ.+
Hayɩ Sɩm, le ñɛ-ɛjɔŋ wɛɛ?+
Hayɩ Pɩlaʋ, le ɖoŋ weyi ŋɖɩzɩɣna yɔ ɛwɛɛ?+
Mɛ-ɛsa ɩɩkaɣ naʋ pʋtɔdɩyɛ.
15 Paa ɛnɛɣdɩɣ kañɩŋgbayɩsɩ hɛkʋ taa yɔ,Wɩsɩ ɖɩlɩyɛ taa helim nabʋyʋ kaɣ kɔm, Yehowa helim,Pɩlɩɣnɩ kañɩmbusuu taa nɛ pɩkɔɔ, se piyele nɛ ɛ-lɔkɔ taa lɩm sɔɔ nɛ e-hiɖe taa lɩm ɖɔɖɔ sɔɔ.
Ɛlɛ kaɣ lazʋʋ ɛ-ñɩm ɖɩzɩyɛ taa ñɩm kpeekpe.+
16 Pakaɣ kʋʋ Samaarii tɔm,+ mbʋ pʋyɔɔ yɔ kɩkʋyɩ kɩ-Ɛsɔ yɔɔ.+
Pakaɣ-wɛ kʋʋ nɛ laɣɖɛ,+Pakaɣ tɔyɩtʋʋ pe-piya,Nɛ pakaɣ yasʋʋ pa-halaa hosi tɩnaa lotu.»
Pɩ-tɛɛ tɔm
^ Yaa «sɩʋ kpelisi nzɩ poyolisi ñɩɣtʋ nɛ polubina yɔ.»
^ Yaa «ɖooo.»
^ Mʋʋzʋʋ ŋgʋ kɩ nɛ ki-ɖoŋ nɛ kɩtɩkpadɩyɩ yɔ kɩ-tɔm pɔyɔɔdʋʋ.
^ Piye piye, «mbʋ pihuuzuu pa-laŋɩyɛ yɔɔ yɔ.»
^ Piye piye, «ñɔ-tɔm hʋyaa.»
^ Yaa «Pɔtɔsɩ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
