Yereemii 12:1-17
12 Oo Yehowa, ŋwɛ siɣsiɣ+ alɩwaatʋ ndʋ mɔnkɔŋnɩ mɔn-tɔm ñɔ-cɔlɔ yɔ,Alɩwaatʋ ndʋ ma nɛ ŋ ɖɩyɔɔdʋʋ tɔm hʋʋ siɣsiɣ tɔm yɔ.
Ɛlɛ ɛbɛ yɔɔ kañatʋ tɩnaa nʋmɔʋ ɖeɣni-wɛ?+
Nɛ ɛbɛ yɔɔ ɛyaa wayɩ lɩyaa* ɩɩnɩɣzɩɣ natʋyʋ?
2 Ŋsɔ-wɛ, nɛ paka lila.
Papaɣlaa nɛ palʋlɩ pee.
Ŋwɛ po-ndomee yɔɔ, ɛlɛ ŋposini pa-lɩmaɣza cukaŋ ñɩna.*+
3 Ɛlɛ ŋsɩmɩ-m camɩyɛ, Oo Yehowa,+ ŋnaɣ-m;Ŋtazɩ ma-laŋɩyɛ taa nɛ ŋna se ɖɩñɔnɩ-ŋ.+
Lɩzɩ-wɛ nɛ hɔɔlʋʋ ɛzɩ heŋ weyi pacaɣ kʋʋ yɔ,Nɛ ŋkɛzɩ-wɛ nɛ hɔɔlʋʋ nɛ pɩkɔɔ pɩtalɩ kʋʋ kɩyakʋ wiye.
4 Pɩpɔzʋʋ se ɛjaɖɛ elooNɛ hayɩm kpeekpe taa ñɩtʋ wɩlɩ nɛ pɩkɔɔ nɛ pɩsɩɩnɩ ɖooye?+
Mba pɛwɛ ɛjaɖɛ taa yɔ pa-kɩdɛkɛdɩm lakasɩ yɔɔ lɛ,Paɖɩzɩ tɛtɛgbɩna nɛ sumasɩ.
Mbʋ pʋyɔɔ yɔ pɔyɔɔdaa se: «Ɛɛnaɣ mbʋ pɩkaɣ-ɖʋ talʋʋ yɔ.»
5 Ye ña nɛ nɩŋgbanzɩ tɩnaa iseɣ nɛ pɩnɩɣ-ŋ yɔ,Ɛzɩma ña nɛ kpaŋnaŋ ɩpɩzɩɣ nɛ ise seya?+
Paa sɔɔndʋ ɛɛkpaɣ-ŋ laŋhɛzɩyɛ ɛjaɖɛ taa,Ɛzɩma ŋkaɣ labʋ hɔɖɩŋ sɔsɔŋ weyi ɩwɛ Yɔɔrdaŋ nɔɔ kpɛɛɛ yɔ ɩ-hɛkʋ taa?
6 Mbʋ pʋyɔɔ yɔ halɩ ña-maɣmaɣ ño-koobiya, ña-maɣmaɣ ña-caa ɖɩɣa taa mba,Lɩ ña-wayɩ.*+
Pamabɩ kubuka sɔsɔɔ ñɔ-yɔɔ.
Taataa-wɛ liu,Paa peheyiɣ-ŋ tɔm kɩbandʋ yɔ.
7 «Mɔlɔ man-ɖɩɣa;+ meyebi ma-ñɩm nɛ mɛnɖɛɛ.+
Manɖʋzɩ weyi mɔnsɔɔlɩ-ɩ siŋŋ yɔ* e-koyindinaa nesi tɛɛ.+
8 Man-kʋsɔɔlʋ weyi ɛkɛ ma-ñɩm yɔ ɛpɩsɩ mɛ-ɛsɩndaa ɛzɩ laʋ tɛɛ mʋʋzʋʋ yɔ.
Ɛmʋdaa nɛ ɛkaɖɩnɩ-m.
Pʋyɔɔ mɔnkɔma nɛ manpaɖɩ-ɩ.
9 Ma-ñɩm wɛ-m ɛzɩ sumaɣ ŋga kɛwɛnɩ tɔlɩm ndɩ ndɩ* nɛ kɔtɔkɩ nandʋ yɔ;Sumasɩ lɛɛsɩ nzɩ sɩtɔkɩ nandʋ yɔ sɩcɔʋ-kɛ nɛ sɩtaŋ nɛ siyouni-kɛ.+
Ɩkɔɔ, ikpeɣli ɖama, ñɩtʋ taa tɛtɛgbɩna kpeekpe,Ɩkɔɔ nɛ ɩtɔɔ.+
10 Ninɖiɣyaa sakɩyɛ ɖɩzɩ men-viiñi hayɩm;+Pamɩtɩ mon-kotoŋa yɔɔ.+
Peyeba nɛ mon-kotoŋa kɩbaŋa pɩsɩ kañɩmbusuu ŋgʋ kɩ-taa nɔɔyʋ fɛyɩ yɔ.
11 Kapɩsɩ tɛtʋ ndʋ peyebi-tʋ yɔ.
Kolowa.*
Kapɩsɩ njɛyɛ mɛ-ɛsɩndaa.+
Peyeba nɛ ɛjaɖɛ kpeekpe pɩsɩ njɛyɛ,Ɛlɛ nɔɔyʋ ɛɛmaɣzɩɣ pɩ-yɔɔ.+
12 Ðɩzɩyaa tɩŋnɩ kañɩmbusuu taa nʋmɔŋ weyi ɩkpɩzaa yɔ i-kpeekpe nɛ pɔkɔɔ,Mbʋ pʋyɔɔ yɔ Yehowa laɣɖɛ wɛɛ nɛ ɖɩtɔkɩ kpaɣnɩ ɛjaɖɛ kamaɣ yɔɔ nɛ piwolo kamaɣ lɛɛka yɔɔ.+
Nɔɔyʋ* fɛyɩnɩ laŋhɛzɩyɛ.
13 Poɖu blee, ɛlɛ pakʋ sɔɔ.+
Pɔyɔkɩ pa-ñʋŋ, ɛlɛ pɩtɩwazɩ-wɛ nabʋyʋ.
Fɛyɛ kaɣ-wɛ kpaʋ nɛ mbʋ pakʋma yɔYehowa pana sɔsɔna yɔɔ.»
14 Tɔm tʋnɛ Yehowa yɔɔdʋʋ mɔn-cɔlɔ ñɩma mba pɛkɛ kɩdɛkɛdaa yɔ pe-kpeekpe pɔ-yɔɔ, mba pɛwɛɛ nɛ potukuuni ñɩm mbʋ mɛncɛlɩ man-samaɣ Izrayɛɛlɩ se pɩpɩsɩ ka-pʋyʋ yɔ:+ «Ɩna, menɖiɣni-wɛ kpɛzʋʋ pɛ-ɛjaɖɛ taa,+ nɛ mankaɣ kpɛzʋʋ Yuuda ɖɩɣa pɛ-hɛkʋ taa.
15 Ɛlɛ mɛntɛŋ-wɛ kpɛzʋʋ lɛ, mankaɣ tasʋʋ naʋ pa-pʋtɔdɩyɛ nɛ manpɩsɩnɩ pa-taa paa weyi lɛ ɛ-ñɩm cɔlɔ nɛ ɛ-ɛjaɖɛ taa.»
16 «Nɛ ye pɛtɛm pa-taa se pɛkpɛlɩkɩɣ nɛ patɩŋɩɣ man-samaɣ nʋmɔŋ nɛ poɖuu ma-hɩɖɛ taa se: “Yehowa ñɩtʋʋ nɛ ɛwɛɛ wezuu yɔ!” ɛzɩ paawɩlʋʋ man-samaɣ se koɖuuni Baalɩ yɔ, ɖɩnɛ ɛlɛ pakaɣ-wɛ haʋ lone man-samaɣ hɛkʋ taa.
17 Ɛlɛ ye pekizaa se paañaŋ yɔ, mankaɣ ɖɔɖɔ kpɛzʋʋ ɛjaɖɛ nɖɩ, mɛnkpɛzɩɣ-ɖɩ nɛ manɖɩzɩ-ɖɩ,» Yehowa yɔɔdʋʋna.+
Pɩ-tɛɛ tɔm
^ Yaa «agutaaku tɩnaa.»
^ Piye piye, «pa-kataŋgayɩsɩ.»
^ Yaa «Labɩ-ŋ agutaaku lakasɩ.»
^ Yaa «weyi man-kalɩzaɣ sɔɔlɩ-ɩ siŋŋ yɔ.»
^ Yaa «sumaɣ ŋga kɔ-yɔɔ wɛ takɩŋ takɩŋ.»
^ Pɩpɩzɩɣ pɩkɛ, «Kacaɣ kʋñɔwiye.»
^ Piye piye, «Tomnaɣ nakɛyɛ.»
