Yereemii 45:1-5
-
Tɔm ndʋ Yehowa heyi Baaruuki yɔ (1-5)
45 Tɔm tʋnɛ nayʋ Yereemii heyi Neriya pɩyalʋ Baaruuki+ alɩwaatʋ ndʋ Yereemii yɔɔdaɣ tɔm ndʋ nɛ ɛlɛ maɣ-tʋ takayaɣ nakɛyɛ taa,+ Yuuda wiyaʋ Yoziyaasɩ pɩyalʋ Yehoyakim pɩnaɣ 4 ñɩŋga taa+ yɔ:
2 «Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ ña Baaruuki ñɔ-yɔɔ:
3 “Ŋyɔɔdaa se: ‘Pɩtɔɔ-m, mbʋ pʋyɔɔ yɔ Yehowa sɔzɩ laŋwɛɛkɩyɛ men-siziŋ nɩʋ yɔɔ! Pɩnɩ-m nɛ mɔla, nɛ mantihiɣ ɖɩhɛzɩyɛ lone naɖɩyɛ.’”
4 «Pɩwɛɛ se ŋheyi-i se: “Tɔm tʋnɛ Yehowa yɔɔdʋʋ: ‘Na! Mbʋ mamawa yɔ, mɔyɔkʋʋ-pʋ; nɛ mbʋ mɔnsɔwa yɔ, mɛnkpɛzɩɣ-pʋ, pʋ-tɔbʋʋ se ɛjaɖɛ tɩŋa.+
5 Ɛlɛ ŋwɛɛ nɛ ŋñɩnɩɣ ña-tɩ* wondu sɔsɔtʋ. Yele wondu ndʋ tɩ-ñɩnʋʋ.’”
«“Mbʋ pʋyɔɔ yɔ mawɩzɩ kɔnʋʋ asɛyʋʋ tomnasɩ* kpeekpe yɔɔ,+ nɛ paa le ŋwoki yɔ, mankaɣ-ŋ cɛlʋʋ ñe-wezuu* nɛ pɩkɛ ña-kɩhɛyʋʋ,”*+ Yehowa yɔɔdʋʋna.»
Pɩ-tɛɛ tɔm
^ Yaa «ŋwɛɛ nɛ ŋɖaŋɩɣ se ŋwɛɛnɩ.»
^ Yaa «ɛyaa.»
^ Yaa «ña-kalɩzaɣ.»
^ Piye piye, «nɛ pɩkɛ mbʋ ŋmʋ you taa yɔ.» Yaa «mankaɣ yebu nɛ ŋya ñe-wezuu ñʋʋ.»
