Yereemii 47:1-7
-
Filistii mba yɔɔ natʋ tɔm (1-7)
47 Tɔm tʋnɛ Yehowa heyi nayʋ Yereemii Filistii mba yɔɔ,+ pʋcɔ nɛ Farawɔɔ wakɩ Gaazaa.
2 Tɔm tʋnɛ Yehowa yɔɔdʋʋ:
«Ɩna! Lɩm lɩnɩ hayo kiŋ nɛ pɩkɔŋ.
Pɩkaɣ pɩsʋʋ lemeɣa ŋga kosuwa nɛ kawadɩɣ yɔ.
Nɛ pɩkaɣ wadʋʋ ɛjaɖɛ nɛ mbʋ payɩ pɩwɛ ɖɩ-taa yɔ pɩ-yɔɔ,Tɛtʋ nɛ tɩ-taa mba yɔɔ.
Ɛyaa kaɣ mabʋ kubusi,Nɛ mba payɩ pɛwɛ ɛjaɖɛ taa yɔ pakaɣ wiu.
3 Panɩɣ ɛ-kpaŋnaŋ abalɩñɩŋ acaa taŋ lɛ,Panɩɣ ɛ-kɛɛkɛɛnaa kɔkɔɖɛ taŋNɛ e-kpela kɔkɔɖɛ taŋ lɛ,Halɩ caanaa ɩɩkaɣ kisinuu pa-pɩyalaa yɔɔ,Mbʋ pʋyɔɔ yɔ pe-nesi tiki yɔbɩ,
4 Mbʋ pʋyɔɔ yɔ kɩyakʋ ŋgʋ kiɖiɣni kɔm yɔ, kɩkaɣ ɖɩzʋʋ Filistii mba tɩŋa;+Kɩkaɣ ɖɩzʋʋ Tiirɩ+ nɛ Siidɔɔ+ sɩnɩyaa mba payɩ pɩkazaa yɔ.
Mbʋ pʋyɔɔ yɔ Yehowa kaɣ ɖɩzʋʋ Filistii mba,Mba pɛkɛ Kaftɔɔrɩ* lɩm hɛkʋ taa tɛtʋ taa ñɩma mba pɩkazaa yɔ.+
5 Gaazaa ñʋʋ taa kaɣ hazʋʋ.*
Posuli Askelɔɔnɩ nɔɔ.+
Oo, ña weyi ŋkɛ pɛ-fɛɛʋ* ŋgʋ pɩkazaa yɔ,Ŋwɛɣ nɛ ŋhɛdɩɣ ño-tomnaɣ nɛ pɩkɔɔ pɩsɩɩnɩ ɖooye?+
6 Aa! Yehowa laɣɖɛ!+
Ðooye ŋkaɣ caɣʋ ɖiɣ ɖiɣ?
Pɩsɩ ño-huyuu taa.
Hɛzɩ nɛ ŋsu tamɩyɛ.
7 Ɛzɩma ɖɩpɩzɩɣ nɛ ɖɩcaɣ ɖiɣ ɖiɣŊgʋ Yehowa ɖʋ-ɖɩ paɣtʋ?
Etiyi-ɖɩ se ɖiwolo Askelɔɔnɩ nɛ teŋgu kidiiliŋ pa-wayɩ,+Peeɖe etiyi-ɖɩ.»
Pɩ-tɛɛ tɔm
^ Pʋ-tɔbʋʋ se Krɛɛtɩ.
^ Pʋ-tɔbʋʋ se pakaɣ pa-ñʋŋ hʋm nɛ pɩwɩlɩ se pɛwɛ kʋñɔwiye taa nɛ fɛyɛ kpa-wɛ.
^ Yaa «pɛ-kɛdɛɛŋa.»
