Yoonaa 2:1-10
2 Nɛ Yoonaa tɩmnɩ ɛ-Ɛsɔ Yehowa kpakpayaɣ lotu taa,+
2 nɛ ɛtɔ se:
«Man-kʋñɔŋ taa lɛ, maya Yehowa, nɛ ecosi-m.+
Pɩlaʋ* cukaŋ* taa mamabɩ kubuka nɛ mɔnpɔzɩ sɩnʋʋ.+
Ŋnɩ mɔ-nɔɔ.
3 Ŋpɛɖɩ-m lɩm cukaŋ taa, teŋgu hɛkʋ taa lɛ,Lɩm cɔ-m nɛ pɩta.+
Ña-lɩm hola ɖoŋ ñɩna kpeekpe wadɩ mɔ-yɔɔ.+
4 Nɛ mɔntɔ se: “Pɔɖɔɔnɩ-m ñɛ-ɛsɩndaa!
Ɛzɩma manpɩzɩɣ nɛ mantasɩ cɔnʋʋ ñe-templo kiɖeɖeu?”
5 Lɩm cɔ-m nɛ pɩta nɛ me-wezuu sʋʋ kaɖɛ taa;*+Lɩm cukaŋ ñɩmbʋ huuzi mɔ-yɔɔ.
Aɖɔnɖɔlɛɛ cɔ ma-ñʋʋ nɛ ata.
6 Mentibi pʋŋ kila tɛɛ.
Tɛtʋ nɔnɔsɩ ɖɩɣ mɔ-yɔɔ kpaagbaa ɖɩɣʋ.
Ɛlɛ ŋholi me-wezuu nɛ pɔʋ taa nɛ ŋlɩzɩ, hayɩ mɛ-Ɛsɔ Yehowa.+
7 Alɩwaatʋ ndʋ me-wezuu* tɛŋaɣ yɔ, Yehowa kaakɛnɩ weyi ɛ-yɔɔ mɔntɔzaa yɔ.+
Nɛ ma-adɩma talɩ-ŋ, atalɩ ñe-templo kiɖeɖeu taa.+
8 Mba paha pa-tɩ sɩʋ kpelisi nzɩ sɩfɛyɩnɩ wazaɣ yɔ, peyebi Ɛsɔ weyi ɛwɩlɩ-wɛ sɔɔlɩm siɣsiɣ ñɩmbʋ yɔ.*
9 Ɛlɛ ma lɛ, mankaɣ-ŋ sam nɛ mawɩlɩnɩ-ŋ ɛsɩmɩyɛ nɛ mala-ŋ kɩlaʋ.
Ndʋ monɖuwaa yɔ, mankaɣ labʋ tɩ-yɔɔ.+
Ñʋʋ yabʋ lɩɣnɩ Yehowa cɔlɔ.»+
10 Pʋwayɩ lɛ, Yehowa ɖʋ paɣtʋ kpakpayaɣ, nɛ kohoo Yoonaa nɛ kɔtɔ kidiiliŋ yɔɔ.
Pɩ-tɛɛ tɔm
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Piye piye, «lotu.»
^ Yaa «Lɩm cɔ-m nɛ pɩta nɛ pɩtalɩ man-kalɩzaɣ.»
^ Yaa «man-kalɩzaɣ.»
^ Pɩpɩzɩɣ pɩkɛ, «peyebi pe-siɣsiɣ wɛtʋ.»
