Yozuwee 16:1-10
16 Tɛtʋ ndʋ paatɔ piye+ nɛ pɛcɛlɩ* Yosɛɛfʋ+ lʋlʋʋ taa mba yɔ, tɩɩpaɣzɩnɩ Yɔɔrdaŋ, Yeriikoo cɔlɔ nɛ tiwolo Yeriikoo wɩsɩ ɖɩlɩyɛ taa lɩm cɔlɔ, nɛ tɩtɩŋnɩ kañɩmbusuu ŋgʋ kɩkʋyɩnɩ Yeriikoo nɛ kɩɖɛɛ kɩkpa Betɛɛlɩ+ pʋŋ egeetiye taa yɔ kɩ-taa.
2 Tɩɩwɛ kpaɣnɩ Betɛɛlɩ ŋgʋ kɩwɛ Luuz yɔ nɛ tɩtalɩ Arki mba kamaɣ yɔɔ Atarɔtɩ,
3 nɛ titii wɩsɩ ɖɩɖʋyɛ taa kiŋ Yaflɛtɩ mba kamaɣ yɔɔ nɛ tɩtalɩ ɖooo Bɛtɩ-Horonɩ Pɩ-tɛɛ Ñɩŋgʋ+ kamaɣ yɔɔ nɛ Gezɛɛrɩ,+ nɛ tiwolo tɩsɩɩnɩ teŋgu.
4 Mbʋ Yosɛɛfʋ lʋlʋʋ taa mba,+ Manaasee nɛ Efrayim pamʋ pɛ-tɛtʋ.+
5 Efrayim lʋlʋʋ taa mba hɔŋ tɛtʋ kamaɣ kɔyɔ: Wɩsɩ ɖɩlɩyɛ taa lɛ, Atarɔtɩ-Adarɩ kaakɛnɩ pɛ-tɛtʋ kamaɣ,+ nɛ piwolo pɩtalɩ ɖooo Bɛtɩ-Horonɩ Hayo Ñɩŋgʋ,+
6 nɛ kamaɣ wolo katalɩ teŋgu. Mikmetatɩ+ kaawɛnɩ hayo kiŋ, nɛ kamaɣ kotini wɩsɩ ɖɩlɩyɛ taa nɛ kɛɖɛɛnɩ Taanatɩ-Siiloo, nɛ kowobini wɩsɩ ɖɩlɩyɛ taa Yanowa kiŋ.
7 Nɛ kakʋyɩnɩ Yanowa nɛ ketii Atarɔtɩ nɛ Naara nɛ kowolo Yeriikoo+ nɛ katalɩ Yɔɔrdaŋ.
8 Kpaɣnɩ Tapuwa+ lɛ, kamaɣ ɖɛnɩ wɩsɩ ɖɩɖʋyɛ taa nɛ katalɩ Kana Lemeɣa, nɛ kowolo kasɩɩnɩ teŋgu.+ Efrayim cejewiye ñɩm kɛlɛ, paa hɔʋ ŋgʋ lɛ, kɩ nɛ ki-ɖeɖe;
9 Efrayim lʋlʋʋ taa mba kaawɛnɩ ɖɔɖɔ tɛtʋ lɛɛtʋ Manaasee ñɩm hɛkʋ taa,+ tɛtʋ sɔsɔtʋ kpeekpe nɛ tɩ-tɛtʋ cikpetu.
10 Ɛlɛ patɩɖɔɔnɩ Kanaŋ ñɩma mba paawɛ Gezɛɛrɩ yɔ,+ nɛ Kanaŋ mba wɛɛ Efrayim mba hɛkʋ taa mbʋ halɩ nɛ sɔnɔ,+ nɛ Efrayim mba kpaɣaɣ-wɛ nɛ ɖoŋ nɛ palakɩ tʋma.+
Pɩ-tɛɛ tɔm
^ Yaa «Tɛtʋ ndʋ paaha.»
