Yozuwee 19:1-51
19 Pɔtɔ piye nabʋlɛ ɖeɖe lɛ,+ ɖɩtɔlɩ Siimeyɔɔ yɔɔ, nɛ Siimeyɔɔ+ cejewiye mʋ ɖi-ɖeɖe, paa hɔʋ ŋgʋ lɛ, kɩ nɛ ki-ɖeɖe. Nɛ pa-ñɩm kaawɛ Yuuda ñɩm taa.+
2 Pa-ñɩm kaakɛnɩ Beyɛɛrɩ-Seeba+ nɛ Seeba, Molada,+
3 Hazaar-Suwaalɩ,+ Bala, Ezɛɛm,+
4 Ɛltolad,+ Betuulɩ, Hɔrma,
5 Zikɩlaagɩ,+ Bɛtɩ-Markabɔɔtɩ, Hazaar-Susa,
6 Bɛtɩ-Lebawɔɔtɩ+ nɛ Saruhɛɛnɩ—tɛtʋ sɔsɔtʋ 13 nɛ tɩ-tɛtʋ cikpetu;
7 Ayinɩ, Rimɔɔnɩ, Etɛɛrɩ nɛ Asanɩ+—tɛtʋ sɔsɔtʋ 4 nɛ tɩ-tɛtʋ cikpetu;
8 nɛ tɛtʋ cikpetu ndʋ payɩ tɩɩcɔ tɛtʋ ndʋ nɛ tɩta yɔ, nɛ piwolo pɩtalɩ ɖooo Baalatɩ-Beyɛɛrɩ, pʋ-tɔbʋʋ se hadɛ kiŋ Ramaa. Siimeyɔɔ cejewiye ñɩm kɛlɛ, paa hɔʋ ŋgʋ lɛ, kɩ nɛ ki-ɖeɖe.
9 Yuuda tɛtʋ yɔɔ papasaa nɛ pɛcɛlɩ Siimeyɔɔ lʋlʋʋ taa mba nɛ pɩpɩsɩ pa-ñɩm, mbʋ pʋyɔɔ yɔ Yuuda mba ɖeɖe kaakɩlɩ-wɛ ɖɔʋ. Pʋyɔɔ Siimeyɔɔ lʋlʋʋ taa mba mʋ pe-ɖeɖe Yuuda mba ñɩm taa.+
10 Pɔtɔ piye tozo ɖeɖe lɛ,+ ɖɩtɔlɩ Zebulɔɔnɩ+ lʋlʋʋ taa mba yɔɔ, nɛ paa hɔʋ ŋgʋ lɛ, kɩmʋ ki-ɖeɖe, nɛ pɛ-tɛtʋ kamaɣ kaatalɩ ɖooo Saridɩ.
11 Pa-kamaɣ ɖɛwa nɛ kakpa wɩsɩ ɖɩɖʋyɛ taa kiŋ nɛ kɛɖɛɛnɩ Mareyaalɩ nɛ katalɩ Dabesɛɛtɩ, nɛ pʋwayɩ lɛ, katalɩ fɛɛʋ* ŋgʋ kɩwɛ Yokneyam ɛsɩndaa yɔ kɩ-taa.
12 Nɛ kakʋyɩnɩ Saridɩ nɛ kɛɖɛɛnɩ wɩsɩ ɖɩlɩyɛ taa, katalɩ Kislɔɔtɩ-Taabɔɔrɩ kamaɣ yɔɔ nɛ kɛɖɛɛ Daberatɩ+ nɛ kakpa Yafiya.
13 Kakʋyɩnɩ peeɖe lɛ, kɛɖɛɛnɩ wɩsɩ ɖɩlɩyɛ taa, Gaatɩ-Efɛɛrɩ+ kiŋ, nɛ katalɩ Ɛt-Kazin, nɛ kɛɖɛɛnɩ Rimɔɔnɩ nɛ katalɩ Neya.
14 Nɛ kamaɣ koti hayo kiŋ nɛ kɛɖɛɛnɩ Hanatɔɔnɩ, nɛ kɛɖɛɛ kasɩɩnɩ Ifta-Ɛl Fɛɛʋ,
15 nɛ Kataatɩ, Nahalalɩ, Simirɔɔnɩ,+ Idala nɛ Bɛtɩlɛhɛm+—tɛtʋ sɔsɔtʋ 12 nɛ tɩ-tɛtʋ cikpetu.
16 Zebulɔɔnɩ lʋlʋʋ taa mba ñɩm lɛ; paa hɔʋ ŋgʋ lɛ, kɩ nɛ ki-ɖeɖe.+ Tɛtʋ sɔsɔtʋ nɛ tɩ-tɛtʋ cikpetu lɛ.
17 Pɔtɔ piye nabʋnaza ɖeɖe lɛ,+ ɖɩtɔlɩ Isakaarɩ+ yɔɔ, nɛ Isakaarɩ lʋlʋʋ taa mba mʋ pe-ɖeɖe, paa hɔʋ ŋgʋ lɛ, kɩ nɛ ki-ɖeɖe.
18 Nɛ pa-kamaɣ kaatalɩ Yizreyɛɛlɩ,+ Kesulɔɔtɩ, Sunɛm,+
19 Hafarayim, Siyooni, Anaaratɩ,
20 Rabit, Kisiyɔnɩ, Ebɛɛzɩ,
21 Remɛɛtɩ, Ɛn-Ganim,+ Ɛn-Hadaa nɛ Bɛtɩ-Pazɛɛzɩ.
22 Pa-kamaɣ talɩ Taabɔɔrɩ+ nɛ Saazuma nɛ Bɛtɩ-Semɛɛsɩ, nɛ kowolo kasɩɩnɩ Yɔɔrdaŋ—tɛtʋ sɔsɔtʋ 16 nɛ tɩ-tɛtʋ cikpetu.
23 Isakaarɩ cejewiye ñɩm lɛ; paa hɔʋ ŋgʋ lɛ,+ kɩ nɛ ki-ɖeɖe, tɛtʋ sɔsɔtʋ nɛ tɩ-tɛtʋ cikpetu.
24 Pɔtɔ piye 5 ɖeɖe lɛ,+ ɖɩtɔlɩ Asɛɛrɩ+ cejewiye yɔɔ, nɛ paa hɔʋ ŋgʋ lɛ, kɩmʋ ki-ɖeɖe.
25 Nɛ pa-kamaɣ kaawɛ Hɛlkaatɩ,+ Hali, Betɛɛnɩ, Akɩsaaf,
26 Alamelɛɛkɩ, Amad nɛ Misal. Wɩsɩ ɖɩɖʋyɛ taa lɛ, kaatalɩ Karmɛɛlɩ+ nɛ Sihɔɔrɩ-Libinaatɩ,
27 nɛ kapɩsɩnɩ wɩsɩ ɖɩlɩyɛ taa kiŋ nɛ kɛɖɛɛnɩ Bɛtɩ-Daagɔɔnɩ nɛ katalɩ Zebulɔɔnɩ nɛ Ifta-Ɛl Fɛɛʋ, hayo kiŋ, nɛ katalɩ Bɛtɩ-Emɛɛkɩ nɛ Neyiyɛɛlɩ, nɛ katalɩ ɖooo Kabuulɩ nɩmɩyɛ yɔɔ,
28 nɛ katalɩ Ebrɔɔnɩ, Rehob, Hamoonɩ nɛ Kana, nɛ kowolo katalɩ ɖooo Siidɔɔ Sɔsɔʋ.+
29 Nɛ kamaɣ pɩsɩ Ramaa nɛ katalɩ ɖooo Tiirɩ+ tɛtʋ ɖoŋ ñɩndʋ.* Nɛ kamaɣ pɩsɩ Hosaa, nɛ kasɩɩnɩ teŋgu, egeetiye nɖɩ ɖɩ-taa Akɩziib,
30 Uma, Afɛɛkɩ+ nɛ Rehob+ pɛwɛɛ yɔ—tɛtʋ sɔsɔtʋ 22 nɛ tɩ-tɛtʋ cikpetu.
31 Asɛɛrɩ cejewiye ñɩm lɛ; paa hɔʋ ŋgʋ lɛ,+ kɩ nɛ ki-ɖeɖe. Tɛtʋ sɔsɔtʋ nɛ tɩ-tɛtʋ cikpetu lɛ.
32 Pɔtɔ piye 6 ɖeɖe lɛ,+ ɖɩtɔlɩ Naftalii lʋlʋʋ taa mba yɔɔ, nɛ Naftalii lʋlʋʋ taa mba mʋ pe-ɖeɖe, paa hɔʋ ŋgʋ lɛ, kɩ nɛ ki-ɖeɖe.
33 Pa-kamaɣ kaapaɣzɩnɩ Helɛɛf, kpaɣnɩ tɩʋ sɔsɔʋ ŋgʋ kɩwɛ Zaananim+ yɔ, nɛ kowolo Adami-Nekɛb nɛ Yabneyɛɛlɩ nɛ piwolo pɩtalɩ ɖooo Lakum; nɛ kowolo kasɩɩnɩ Yɔɔrdaŋ.
34 Kamaɣ pɩsɩnɩ wɩsɩ ɖɩɖʋyɛ taa kiŋ nɛ kɛɖɛɛnɩ Azɩnɔɔtɩ-Taabɔɔrɩ nɛ kakʋyɩnɩ peeɖe nɛ kɛɖɛɛ Hukɔɔk nɛ katalɩ Zebulɔɔnɩ, hadɛ kiŋ; nɛ katalɩ Asɛɛrɩ, wɩsɩ ɖɩɖʋyɛ taa; nɛ katalɩ Yuuda, Yɔɔrdaŋ wɩsɩ ɖɩlɩyɛ taa kiŋ.
35 Tɛtʋ ɖoŋ ñɩndʋ yɔ: Zidim, Zɛɛrɩ, Hamaatɩ,+ Rakat, Kinerɛtɩ,
36 Adama, Ramaa, Hazɔɔrɩ,+
37 Kedɛɛsɩ,+ Edreyi, Ɛn-Hazɔɔrɩ,
38 Yirɔɔnɩ, Migɩdal-Ɛl, Horɛm, Bɛtɩ-Anatɩ nɛ Bɛtɩ-Semɛɛsɩ+—tɛtʋ sɔsɔtʋ 19 nɛ tɩ-tɛtʋ cikpetu.
39 Naftalii cejewiye ñɩm lɛ; paa hɔʋ ŋgʋ lɛ,+ kɩ nɛ ki-ɖeɖe, tɛtʋ sɔsɔtʋ nɛ tɩ-tɛtʋ cikpetu.
40 Pɔtɔ piye 7 ɖeɖe lɛ,+ ɖɩtɔlɩ Daanɩ+ cejewiye yɔɔ, nɛ paa hɔʋ ŋgʋ lɛ, kɩmʋ ki-ɖeɖe.
41 Nɛ pɛ-tɛtʋ kamaɣ kaawɛ Zora,+ Ɛstawɔɔlɩ, Irɩ-Semɛɛsɩ,
42 Saalabinɩ,+ Ayalɔɔnɩ,+ Itla,
43 Elɔɔnɩ, Timina,+ Ekrɔɔnɩ,+
44 Ɛlteke, Gibetɔɔnɩ,+ Baalatɩ,
45 Yewuudi, Bene-Berak, Gaatɩ-Rimɔɔnɩ,+
46 Me-Yarɩkonɩ nɛ Rakoonɩ, nɛ kamaɣ kaaha ɛsa nɛ Yopee.+
47 Ɛlɛ Daanɩ egeetiye kaakɩlɩ-wɛ sɔɖɩɩɩ.+ Pʋyɔɔ pakpawa nɛ poyooni Lesɛm+ tɛtʋ nɛ pamʋ-tʋ nɛ paɖɩzɩ-tʋ nɛ laɣɖɛ. Pʋwayɩ lɛ, papɩsɩ-tʋ pa-ñɩm nɛ pacaɣ tɩ-taa, nɛ pɛlɛɣzɩ Lesɛm tɛtʋ hɩɖɛ nɛ payaa-tʋ pɔ-cɔzɔ hɩɖɛ se Daanɩ.+
48 Daanɩ cejewiye ñɩm lɛ; paa hɔʋ ŋgʋ lɛ, kɩ nɛ ki-ɖeɖe. Tɛtʋ sɔsɔtʋ nɛ tɩ-tɛtʋ cikpetu lɛ.
49 Mbʋ pɛtɛzɩ tayʋʋ ɛjaɖɛ nɖɩ ɖi-ageeta nɛ apɩsɩ pa-ñɩm. Nɛ Izrayɛɛlɩ mba ha Nuuni pɩyalʋ Yozuwee e-ɖeɖe pɛ-hɛkʋ taa.
50 Ɛzɩ Yehowa kaaɖʋʋ paɣtʋ yɔ, pɛcɛlɩ-ɩ Efrayim pʋŋ egeetiye taa tɛtʋ ndʋ ɛɛpɔzaa yɔ, ndʋ lɛ Timina-Sera,+ nɛ ɛma-tʋ nɛ ɛcaɣ tɩ-taa.
51 Ñɩm mbʋ cɔjɔ Eleyaazaarɩ, Nuuni pɩyalʋ Yozuwee nɛ Izrayɛɛlɩ cejewe taa hɔŋ ñʋndɩnaa pɔtɔ piye nɛ patayɩ+ Izrayɛɛlɩ cejewe Yehowa ɛsɩndaa, kediɣzaɣ kizinziku+ nɔnɔɔ taa Siiloo+ yɔ mbʋ lɛ. Mbʋ pɛtɛzɩ tayʋʋ tɛtʋ.
