Yozuwee 21:1-45
21 Leevi mba hɔŋ ñʋndɩnaa ñɔtɩnɩ cɔjɔ Eleyaazaarɩ,+ Nuuni pɩyalʋ Yozuwee nɛ Izrayɛɛlɩ cejewe taa hɔŋ ñʋndɩnaa,
2 nɛ peheyi-wɛ Siiloo,+ Kanaŋ ɛjaɖɛ taa se: «Yehowa kaatɩŋnɩ Moyizi yɔɔ nɛ ɛɖʋ paɣtʋ se pɛcɛlɩ-ɖʋ tɛtʋ ndʋ tɩ-taa pɩwɛɛ se ɖɩcaɣ yɔ nɛ tɩ-hayɩm se pɩkɛ ɖenɖe ɖa-kpɩna tɔkɩ ñɩtʋ yɔ.»+
3 Pʋyɔɔ Izrayɛɛlɩ mba lɩzɩ tɛtʋ nɛ ti-lona wena a-taa kpɩna tɔkɩ ñɩtʋ yɔ pa-maɣmaɣ pa-ñɩm taa+ nɛ pɛcɛlɩ Leevi mba,+ ɛzɩ Yehowa kaaɖʋʋ paɣtʋ yɔ.
4 Pɔtɔ piye lɛ, ɖɩtɔlɩ Kehaatɩ mba hɔŋ yɔɔ,+ nɛ paha* Leevi ñɩma mba paakɛ cɔjɔ Aarɔɔnɩ lʋlʋʋ taa mba yɔ tɛtʋ 13, palɩzɩ-tʋ Yuuda cejewiye,+ Siimeyɔɔ cejewiye+ nɛ Bɛnjamɛɛ cejewiye+ ñɩm taa.
5 Nɛ Kehaatɩ ñɩma mba pɩkazaa yɔ, pɛcɛlɩ-wɛ* tɛtʋ 10, palɩzɩ-tʋ hɔŋ weyi ɩwɛ Efrayim cejewiye,+ Daanɩ cejewiye nɛ Manaasee cejewiye hɔɔlʋʋ+ taa yɔ ɩ-ñɩm taa.
6 Nɛ Gɛrɩsɔɔnɩ mba lɛ,+ paha-wɛ tɛtʋ 13, palɩzɩ-tʋ Isakaarɩ cejewiye taa, Asɛɛrɩ cejewiye taa, nɛ Naftalii cejewiye taa hɔŋ ñɩm taa nɛ Manaasee cejewiye hɔɔlʋʋ ŋgʋ kɩwɛ Basaanɩ+ yɔ kɩ-hɔŋ ñɩm taa.
7 Pɛcɛlɩ Merarii mba+ nɛ pɔ-hɔŋ tɛtʋ 12; palɩzɩ-tʋ Rubɛɛnɩ cejewiye taa, Gaadɩ cejewiye taa nɛ Zebulɔɔnɩ cejewiye taa.+
8 Mbʋ Izrayɛɛlɩ mba tɔ piye nɛ pɛcɛlɩ Leevi mba tɛtʋ ndɩ ndɩ ndʋ, nɛ ti-lona wena a-taa kpɩna tɔkɩ ñɩtʋ yɔ, ɛzɩ Yehowa kaatɩŋnʋʋ Moyizi yɔɔ nɛ ɛɖʋ paɣtʋ yɔ.+
9 Tɛtʋ ndʋ paya tɩ-hɩla cɩnɛ yɔ, ndʋ palɩzɩ Yuuda cejewiye nɛ Siimeyɔɔ cejewiye ñɩm taa nɛ pɛcɛlɩ,+
10 pɛcɛlɩ-tʋ Aarɔɔnɩ pɩyalaa, Leevi ñɩma mba palɩnɩ Kehaatɩ mba hɔŋ taa yɔ, mbʋ pʋyɔɔ yɔ pɔtɔ kajalaɣ piye lɛ, pɔ-yɔɔ ɖɩtɔlaa.
11 Pɛcɛlɩ-wɛ Kiriyatɩ-Arba+ tɛtʋ (Arba kaakɛnɩ Anakɩ caa), pʋ-tɔbʋʋ se Ebrɔŋ+ tɛtʋ, Yuuda pʋŋ egeetiye taa; pɩkpɛndɩnɩ tɩ-cɔlɔ kpɛɛɛ lona wena a-taa kpɩna tɔkɩ ñɩtʋ yɔ.
12 Ɛlɛ tɛtʋ ndʋ tɩ-hayɩm nɛ tɩ-tɛtʋ cikpetu lɛ, pɛcɛlɩ-tʋ Yefunee pɩyalʋ Kalɛɛbɩ se pɩkɛ ɛ-ñɩm.+
13 Nɛ cɔjɔ Aarɔɔnɩ pɩyalaa lɛ, paha-wɛ ɖɩjɔzɩyɛ tɛtʋ ndʋ tɩ-taa ɛyʋ kʋyʋ cɔzʋʋ yɔ,+ pʋ-tɔbʋʋ se Ebrɔŋ+ tɛtʋ, nɛ ti-lona wena a-taa kpɩna tɔkɩ ñɩtʋ yɔ, pɩkpɛndɩnɩ Libna+ tɛtʋ nɛ ti-lona wena a-taa kpɩna tɔkɩ ñɩtʋ yɔ,
14 Yatiir+ tɛtʋ nɛ ti-lona wena a-taa kpɩna tɔkɩ ñɩtʋ yɔ, Ɛstemowa+ tɛtʋ nɛ ti-lona wena a-taa kpɩna tɔkɩ ñɩtʋ yɔ,
15 Holɔɔnɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ, Debir+ tɛtʋ nɛ ti-lona wena a-taa kpɩna tɔkɩ ñɩtʋ yɔ,
16 Ayinɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ, Yuuta+ tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Bɛtɩ-Semɛɛsɩ tɛtʋ nɛ ti-lona wena a-taa kpɩna tɔkɩ ñɩtʋ yɔ: Palɩzɩ tɛtʋ 9 cejewe ana a-naalɛ a-ñɩm taa.
17 Tɛtʋ ndʋ palɩzɩ Bɛnjamɛɛ cejewiye ñɩm taa yɔ, ndʋ yɔ: Gabawɔɔ+ tɛtʋ nɛ ti-lona wena a-taa kpɩna tɔkɩ ñɩtʋ yɔ, Geba tɛtʋ nɛ ti-lona wena a-taa kpɩna tɔkɩ ñɩtʋ yɔ,+
18 Anatɔɔtɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Alɩmɔɔnɩ tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 4.
19 Tɛtʋ ndʋ payɩ pɛcɛlɩ cɔjɔnaa, Aarɔɔnɩ lʋlʋʋ taa mba yɔ, tɩkpɛndɩ 13, tɩ nɛ ti-lona wena a-taa kpɩna tɔkɩ ñɩtʋ yɔ.+
20 Pɔtɔ piye nɛ pɛcɛlɩ Kehaatɩ mba hɔŋ weyi ɩkazɩ Leevi mba taa yɔ tɛtʋ ndɩ ndɩ ndʋ pakpaɣ Efrayim cejewiye taa yɔ.
21 Paha hɔŋ ɛnɩ ɖɩjɔzɩyɛ tɛtʋ ndɩ ndɩ ndʋ tɩ-taa ɛyʋ kʋyʋ cɔzʋʋ yɔ,+ pʋ-tɔbʋʋ se Sekɛɛm+ tɛtʋ, nɛ ti-lona wena a-taa kpɩna tɔkɩ ñɩtʋ yɔ, Efrayim pʋŋ egeetiye taa; Gezɛɛrɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ,
22 Kibzayim tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Bɛtɩ-Horonɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 4.
23 Tɛtʋ ndʋ palɩzɩ Daanɩ cejewiye ñɩm taa yɔ, ndʋ yɔ: Ɛlteke tɛtʋ nɛ ti-lona wena a-taa kpɩna tɔkɩ ñɩtʋ yɔ, Gibetɔɔnɩ tɛtʋ nɛ ti-lona wena a-taa kpɩna tɔkɩ ñɩtʋ yɔ,
24 Ayalɔɔnɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ, Gaatɩ-Rimɔɔnɩ tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 4.
25 Tɛtʋ ndʋ pakpaɣ Manaasee cejewiye hɔɔlʋʋ ñɩm taa yɔ, ndʋ yɔ: Taanakɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Gaatɩ-Rimɔɔnɩ tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 2.
26 Kehaatɩ mba hɔŋ weyi pɩkazaa yɔ, ɩmʋ tɛtʋ ndʋ payɩ yɔ, tɩɩkpɛndɩ 10; tɩ nɛ ti-lona wena a-taa kpɩna tɔkɩ ñɩtʋ yɔ.
27 Pɛcɛlɩ Gɛrɩsɔɔnɩ ñɩma+ mba palɩnɩ Leevi mba hɔŋ taa yɔ Manaasee cejewiye hɔɔlʋʋ ñɩm taa ɖɩjɔzɩyɛ tɛtʋ ndʋ tɩ-taa ɛyʋ kʋyʋ cɔzʋʋ yɔ, pʋ-tɔbʋʋ se Golaŋ,+ Basaanɩ taa, tɩ nɛ ti-lona wena a-taa kpɩna tɔkɩ ñɩtʋ yɔ; nɛ Beyɛstera tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 2.
28 Tɛtʋ ndʋ pakpaɣ Isakaarɩ cejewiye+ ñɩm taa yɔ, ndʋ yɔ: Kisiyɔnɩ tɛtʋ nɛ ti-lona wena a-taa kpɩna tɔkɩ ñɩtʋ yɔ, Daberatɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ,
29 Yarmuti tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Ɛn-Ganim tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 4.
30 Tɛtʋ ndʋ palɩzɩ Asɛɛrɩ cejewiye+ ñɩm taa yɔ, ndʋ yɔ: Misal tɛtʋ nɛ ti-lona wena a-taa kpɩna tɔkɩ ñɩtʋ yɔ, Abɩdɔɔnɩ tɛtʋ nɛ ti-lona wena a-taa kpɩna tɔkɩ ñɩtʋ yɔ,
31 Hɛlkaatɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Rehob+ tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 4.
32 Tɛtʋ ndʋ palɩzɩ Naftalii cejewiye ñɩm taa yɔ, ndʋ yɔ: Ðɩjɔzɩyɛ tɛtʋ+ ndʋ tɩ-taa ɛyʋ kʋyʋ cɔzʋʋ yɔ, pʋ-tɔbʋʋ se Kedɛɛsɩ,+ Galilee taa, tɩ nɛ ti-lona wena a-taa kpɩna tɔkɩ ñɩtʋ yɔ; Hamɔɔtɩ-Dɔɔr tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Kartaanɩ tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 3.
33 Gɛrɩsɔɔnɩ mba tɛtʋ tɩŋa kpɛndɩ 13, tɩ nɛ ti-lona wena a-taa kpɩna tɔkɩ ñɩtʋ yɔ; paa hɔʋ ŋgʋ lɛ, kɩ nɛ ki-ɖeɖe.
34 Merarii mba hɔŋ,+ pʋ-tɔbʋʋ se Leevi ñɩma mba pɩkazaa yɔ, tɛtʋ ndʋ pɛcɛlɩ-wɛ Zebulɔɔnɩ cejewiye+ ñɩm taa yɔ, ndʋ yɔ: Yokneyam+ tɛtʋ nɛ ti-lona wena a-taa kpɩna tɔkɩ ñɩtʋ yɔ, Karta tɛtʋ nɛ ti-lona wena a-taa kpɩna tɔkɩ ñɩtʋ yɔ,
35 Dimɩna tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Nahalalɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 4.
36 Tɛtʋ ndʋ palɩzɩ Rubɛɛnɩ cejewiye ñɩm taa yɔ, ndʋ yɔ: Bezɛɛrɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ, Yahaz tɛtʋ nɛ ti-lona wena a-taa kpɩna tɔkɩ ñɩtʋ yɔ,+
37 Kedemɔɔtɩ tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Mefaat tɛtʋ nɛ ti-lona wena a-taa kpɩna tɔkɩ ñɩtʋ yɔ: Tɛtʋ 4.
38 Tɛtʋ ndʋ palɩzɩ Gaadɩ cejewiye+ ñɩm taa yɔ, ndʋ yɔ: Ðɩjɔzɩyɛ tɛtʋ ndʋ tɩ-taa ɛyʋ kʋyʋ cɔzʋʋ yɔ, pʋ-tɔbʋʋ se Ramɔɔtɩ, Galaadɩ taa,+ tɩ nɛ ti-lona wena a-taa kpɩna tɔkɩ ñɩtʋ yɔ; Mahanayim+ tɛtʋ nɛ ti-lona wena a-taa kpɩna tɔkɩ ñɩtʋ yɔ,
39 Hɛsɩbɔɔnɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ, nɛ Yazɛɛrɩ+ tɛtʋ nɛ ti-lona wena a-taa kpɩna tɔkɩ ñɩtʋ yɔ; tɛtʋ ndʋ tɩ-tɩŋa tɩkpɛndɩ 4.
40 Tɛtʋ ndʋ payɩ paha Merarii mba hɔŋ, pʋ-tɔbʋʋ se Leevi mba hɔŋ weyi ɩkazaa yɔ, tɩkpɛndɩ 12, paa hɔʋ ŋgʋ lɛ kɩ nɛ ki-ɖeɖe.
41 Leevi mba tɛtʋ ndʋ payɩ tɩwɛ Izrayɛɛlɩ mba ñɩm taa yɔ, tɩkpɛndɩ 48, tɩ nɛ ti-lona wena a-taa kpɩna tɔkɩ ñɩtʋ yɔ.+
42 Paa tɛtʋ ndʋ lɛ, tɩɩwɛnɩ ti-lona wena a-taa kpɩna tɔkɩ ñɩtʋ yɔ, nɛ lona ana aacɔ-tʋ nɛ ata; mbʋ tɛtʋ ndʋ tɩ-tɩŋa tɩɩwɛɛ.
43 Mbʋ Yehowa cɛlɩ Izrayɛɛlɩ mba ɛjaɖɛ nɖɩ eeɖuwaa se ɛcɛlɩɣ pɔ-cɔzɔnaa yɔ ɖi-kpeekpe,+ nɛ pamʋ-ɖɩ nɛ pacaɣ ɖɩ-taa.+
44 Pɩtasɩ lɛ, Yehowa yeba nɛ pehiɣ hɛzɩyɛ hɔɔlɩŋ kpeekpe taa, ɛzɩ eeɖuunuu pɔ-cɔzɔnaa yɔ,+ nɛ po-koyindinaa taa nɔɔyʋ tɩpɩzɩ nɛ ɛkaɖɩnɩ-wɛ.+ Yehowa ɖʋzɩ po-koyindinaa kpeekpe pe-nesi tɛɛ.+
45 Tamasɩ* kɩbanzɩ nzɩ Yehowa kaalabɩ Izrayɛɛlɩ ɖɩɣa yɔ sɩ-taa lɛ, nakɛyɛ tɩɖɛɛ yem nɛ katɩla; sɩ-tɩŋa sɩlaba.+
