Zakarii 10:1-12
10 «Ɩpɔzɩ tɛʋ Yehowa, wayɩ wayɩ tɛŋ* alɩwaatʋ taa.
Yehowa lakɩnɩ tɛʋ sɔsɔʋ mɩndʋ,Ɛnʋ yekina nɛ tɛʋ nɩɣ nɛ pɩwazɩɣ ɛyaa,+Nɛ ɛhaɣ paa anɩ mbʋ pɩñɔʋnɩ tɛtɛɛ yɔ hayɩm taa.
2 Mbʋ pʋyɔɔ yɔ sɩʋ kpelisi* yɔɔdɩ cɛtɩm tɔm;*Nɛ nayaa na cɛtɩm natʋ.
Pɔyɔɔdʋʋ ɖoza wena aawazɩɣ pʋyʋ yɔ a-tɔm,Nɛ pañakɩ pana se pɛhɛzɩ laŋa, ɛlɛ falaa.
Pʋyɔɔ pakaɣ yotuu ɛzɩ heŋ yɔ.
Pakaɣ labʋ kʋñɔŋ, mbʋ pʋyɔɔ yɔ ninɖiɣyu nɔɔyʋ fɛyɩ.
3 Man-pana mʋ miŋ ninɖiɣyaa yɔɔ,Nɛ mankaɣ pɔzʋʋ akɔnta ñʋndɩnaa mba pɛkɛ nazɩyaa yɔ;*Mbʋ pʋyɔɔ yɔ yoyaa tɛ Yehowa kɛzɩ ɛ-lɩmaɣza nɛ e-ewiɖe yɔɔ kiŋ,+ Yuuda ɖɩɣa yɔɔ,Nɛ ɛpɩsɩ-wɛ ɛzɩ ɛ-kpaŋnʋ sɔsɔ you taa yɔ.
4 Ɛ-taa ɛyʋ weyi ɛ-tɔm cɛyaa yɔ* ɛlɩɣna,Ɛ-taa ñʋʋdʋ weyi ɛsɩɣna yɔ* ɛlɩɣna,Ɛ-taa you tɔʋ lɩɣna;Ɛ-taa paa tʋmɩyɛ yɔɔ cɔnɩyʋ weyi ɛlɩɣna, pa-tɩŋa payɩ pɛkpɛndɩɣ nɛ palɩɩnɩ ɛ-taa.
5 Nɛ pakaɣ pɩsʋʋ ɛzɩ you laɖaaMba pɛfɛyɩɣ habɛɛ yɔɔ ahɔya taa you taa yɔ.
Pakaɣ you labʋ, mbʋ pʋyɔɔ yɔ Yehowa wɛ pɔ-cɔlɔ;+Nɛ fɛyɛ kaɣ kpaʋ kpaŋnaŋ yɔɔ caɣyaa.+
6 Mankaɣ labʋ nɛ Yuuda ɖɩɣa kɩlɩ,Nɛ mankaɣ yabʋ Yosɛɛfʋ ɖɩɣa ñʋʋ.+
Mankaɣ-wɛ pɩsɩnʋʋ,Mbʋ pʋyɔɔ yɔ mankaɣ naʋ pa-pʋtɔdɩyɛ;+Nɛ pakaɣ wɛʋ ɛzɩ wiɖiyi mantaalɔ-wɛ yɔ;+Mbʋ pʋyɔɔ yɔ mɛnkɛ pɛ-Ɛsɔ Yehowa, nɛ mankaɣ-wɛ cosuu.
7 Efrayim mba kaɣ pɩsʋʋ ɛzɩ you laɖʋ ɖoŋ tʋ yɔ,Nɛ pa-laŋa taa kaɣ labʋ leleŋ ɛzɩ pɔñɔ vɛɛ yɔ.+
Pa-pɩyalaa kaɣ naʋ mbʋ, nɛ pa-taa la leleŋ;Yehowa yɔɔ lɛ, pa-laŋa taa kaɣ labʋ leleŋ.+
8 “Mankaɣ hʋlʋʋ nɛ mayaanɩ-wɛ nɛ menkpeɣli-wɛ;Mbʋ pʋyɔɔ yɔ mankaɣ pa-ñʋʋ yabʋ,+ nɛ pakaɣ ɖɔʋ,Nɛ pakaɣ wɛʋ ɖɔʋ yɔɔ.
9 Paa mamɩzɩ-wɛ ɛzɩ ɖomaɣ yɔ ɛyaa samasɩ taa yɔ,Pakaɣ mɔ-yɔɔ tɔzʋʋ poliŋ lona taa;Pa nɛ pa-pɩyalaa pakaɣ ɖaɣnʋʋ kpaʋ ɖoŋ* nɛ papɩsɩ.
10 Mankaɣ-wɛ pɩsɩnʋʋ nɛ Ejipiti ɛjaɖɛ taa,Nɛ malɩzɩɣ-wɛ Asiirii nɛ menkpeɣli-wɛ;+Mankaɣ-wɛ kɔnʋʋ Galaadɩ egeetiye taa+ nɛ Libaŋ taa,Nɛ ɖɩjaɣyɛ ɛɛkaɣ-wɛ talʋʋ.+
11 Pɩwɛɛ se ɛtɛzɩ teŋgu nɛ ɛla nɛ kɩnɩɩ siziŋ;Nɛ teŋgu taa lɛ, ɛkaɣ mabʋ lɩm hola;+Niili lɩm cukaŋ ñɩmbʋ tɩŋa kaɣ sɔʋ.
Nɛ pakaɣ tisuu Asiirii tɩ kpazʋʋ,Nɛ Ejipiti kewiyaɣ ɖaʋ kaɣ kʋyʋʋ nɛ kɩɖɛɛ.+
12 Yehowa yɔɔ lɛ, mankaɣ labʋ nɛ pakɩlɩ lalaa+Nɛ pakaɣ ɖɔm ɛ-hɩɖɛ taa,”+ Yehowa yɔɔdʋʋna.»
Pɩ-tɛɛ tɔm
^ Wayɩ wayɩ tɛŋ paɣzaɣ Ðomaɣ fenaɣ hɛkʋ taa mbʋ yɔ. Cɔnɩ Tɔm kɩsɔzɩtʋ B15.
^ Yaa «hɔʋ ɛsɔnaa.» Piye piye, «terafim.»
^ Yaa «yɔɔdɩ kawɩlasɩ tɔm; yɔɔdɩ tɔm ndʋ ɛyʋ ɛɛpɩzɩɣ nɛ ɛnɩɩ tɩ-taa yɔ.»
^ Piye piye, «mankaɣ pɔzʋʋ akɔnta tuliŋ.»
^ Piye piye, «kʋlɔmʋʋ taa tilimiye,» pɩkɛ tɔm ndʋ palakɩnɩ tʋmɩyɛ nɛ pɩwɩlɩɣ abalʋ weyi ɛmʋ ñɩm yaa ɛ-tɔm cɛyaa yɔ; wiyaʋ.
^ Piye piye, «kaŋgamaɣ,» pɩkɛ tɔm ndʋ palakɩnɩ tʋmɩyɛ nɛ pɩwɩlɩɣ ɛyʋ weyi eteɣliɣ yɔ; ñʋʋdʋ.
^ Yaa «ɖaɣnʋʋ caɣʋ wezuu.»
