Zakarii 9:1-17
9 Tɔm kɩcɛyɩtʋ:
«Yehowa tɔm kaɖɩnɩ Hadraakɩ ɛjaɖɛ,Nɛ Damaasɩ tɩpamnɩ ɛsa*+—Mbʋ pʋyɔɔ yɔ Yehowa ɛsa wɛ ɛyaa yɔɔ+Nɛ ɛ-ɛsa wɛ Izrayɛɛlɩ cejewe kpeekpe yɔɔ—
2 Tɩkaɖɩnɩ Hamatɩ,+ ŋgʋ kɩ nɛ ɩ* pɛkpɛndɩ kamasɩ yɔ,Tɩkaɖɩnɩ Tiirɩ+ nɛ Siidɔɔ,+ mbʋ pʋyɔɔ yɔ pasɩm lɔŋ kpem.+
3 Tiirɩ ma kɩ-tɩ koloŋa ɖoŋ ñɩŋga.*
Kikpeɣli liidiye nɛ kɩkpazɩ huuye ɛzɩ mʋzʋʋ yɔNɛ kikpeɣli sika ɛzɩ habɛɛ yɔɔ ahɔya yɔ.+
4 Ɩna! Yehowa kaɣ mʋʋ kɩ-ñɩm,Nɛ ɛkaɣ kʋʋ kɩ-sɔɔjanaa teŋgu taa;*+Nɛ miŋ kaɣ-kʋ ñaɣʋ.+
5 Askelɔɔnɩ kaɣ naʋ nɛ sɔɔndʋ kpa-kʋ;Gaazaa kaɣ wɛʋ kʋñɔŋ sɔsɔʋ taa,Ekrɔɔnɩ ɖɔɖɔ, mbʋ pʋyɔɔ yɔ ki-lidaʋ pɩsɩ fɛyɛ.
Gaazaa ɛɛkaɣ tasʋʋ wɛnʋʋ wiyaʋ,Nɛ ɛyaa ɩɩkaɣ caɣʋ Askelɔɔnɩ.+
6 Agbaaɣdaa tʋ pɩyalʋ kaɣ caɣʋ Asɩdoodi,Nɛ mankaɣ yebu nɛ Filistii tʋ tɩ kpazʋʋ sɩɩ tɩnaɣ.+
7 Mankaɣ lɩzʋʋ mbʋ calɩm ta-pʋ yɔ ɛ-nɔɔ taaNɛ mankaɣ kpɛʋ mbʋ pɩcaɣ kiniŋ yɔ e-kela hɛkʋ taa,Nɛ ɛ-ɛyʋ weyi pɩkaɣ kazʋʋ yɔ, ɛkaɣ kɛʋ ɖɛ-Ɛsɔ pʋyʋ;Nɛ ɛkaɣ pɩsʋʋ ɛzɩ ñʋʋdʋ* yɔ Yuuda,+Nɛ Ekrɔɔnɩ kaɣ pɩsʋʋ ɛzɩ Yebuusi tʋ yɔ.+
8 Mankaɣ kizinzikiŋ siɣu ɛzɩ feŋiyu yɔ* man-ɖɩɣa nɔɔ,+Nɛ nɔɔyʋ ɛɛkaɣ tɩŋnʋʋ ka-taa nɛ nɔɔyʋ ɛɛkaɣ pɩsʋʋ;Nɛ tʋmɩyɛ yɔɔ cɔnɩyʋ* nɔɔyʋ ɛɛkaɣ tasʋʋ ka-taa tɩŋnʋʋ,+Mbʋ pʋyɔɔ yɔ lɛɛlɛɛyɔ lɛ mana-kʋ* nɛ mɛ-ɛsa.
9 Oo Siyɔŋ pɛlɛ, mɛyɩ kpem.
Oo Yeruzalɛm pɛlɛ, koo wabɩtʋ kogoye.
Na! Ñe-wiyaʋ ɖiɣni kɔm ñɔ-cɔlɔ.+
Ɛkɛ siɣsiɣ tʋ, nɛ eɖiɣni kɔnʋʋ ñʋʋ yabɩtʋ,*Ɛwɛnɩ tɩ luzuu+ nɛ ɛcaɣ kpaŋaɣ yɔɔ,Ɛcaɣ kpaŋaɣ pɩɣa* yɔɔ, kpaŋaɣ halɩñɩŋga pɩɣa yɔɔ.+
10 Mankaɣ mʋʋzʋʋ you kɛɛkɛɛnaa Efrayim taaNɛ mankaɣ mʋʋzʋʋ kpaŋnaŋ Yeruzalɛm taa.
You tɔŋ ɩɩkaɣ tasʋʋ wɛʋ.
Nɛ ɛkaɣ ajɛɛ susuu laŋhɛzɩyɛ;+Ɛkaɣ kewiyitu tɔɔʋ kpaɣnɩ teŋgu nɛ piwolo pɩtalɩ teŋguNɛ kpaɣnɩ Pɔɔ* nɛ piwolo pɩtalɩ tɛtʋ kamasɩ yɔɔ.+
11 Oo halʋ, ña lɛ, pɩtɩŋnɩ ñɛ-ɛgbɛyɛ calɩm yɔɔ lɛ,Mankaɣ lɩzʋʋ ña-salaka tɩnaa pɔʋ ŋgʋ kɩ-taa lɩm fɛyɩ yɔ kɩ-taa.+
12 Mɩ salaka tɩnaa mba pɛwɛnɩ lidaʋ yɔ, ɩpɩsɩ tilimiye ɖoŋ ñɩnɖɛ tɛɛ.+
Sɔnɔ meheyiɣ-ŋ se:
“Oo halʋ, mankaɣ-ŋ hɛyʋʋ pi-lone taa tam nabʋlɛ.+
13 Mankaɣ kotuu* Yuuda ɛzɩ mɔn-tɔʋ yɔ.
Tɔʋ ŋgʋ kɩ-taa mankaɣ ɖʋʋ Efrayim yɔ,*Oo Siyɔŋ, mankaɣ fezuu ña-pɩyalaa,Nɛ pakʋyɩ ña-pɩyalaa yɔɔ, Oo Grɛɛsɩ,Nɛ mankaɣ-ŋ labʋ nɛ ŋwɛɛ ɛzɩ you laɖʋ laɣɖɛ yɔ.”
14 Pakaɣ naʋ Yehowa pa-ñʋʋ yɔɔ,Nɛ ɛ-tɔʋ ñɩmɩyɛ kaɣ lɩʋ ɛzɩ tɛʋ ñɩlɩsʋʋ yɔ.
Kɩbaɣlʋ Kɩlɩm Yehowa kaɣ hʋlʋʋ nɔndɔʋ,+Nɛ ɛkaɣ kpɛndɩnʋʋ hadɛ kiŋ helim sɔsɔm nɛ ɛɖɛɛ.
15 Yoyaa tɛ Yehowa kaɣ kandɩyʋʋ pɔ-yɔɔ,Nɛ pakaɣ pʋʋtʋʋ pʋtɔɖɛ pɛɛ nɛ pɛwɛɛnɩ ɖoŋ a-yɔɔ.+
Pakaɣ ñɔʋ nɛ paakaɣ caɣʋ ɖiɣ ɖiɣ, pakaɣ labʋ ɛzɩ vɛɛ pɔñɔwa yɔ;Nɛ pa-taa kaɣ suu ɛzɩ ñanaɣ yɔ,Ɛzɩ altaaru kɔnanaa yɔ.+
16 Pɛ-Ɛsɔ Yehowa kaɣ pa-ñʋʋ yabʋ kɩyakʋ ŋgʋ ki-wiyeMbʋ pʋyɔɔ yɔ pɛkɛ e-ewiɖe, ɛ-samaɣ;+Mbʋ pʋyɔɔ yɔ pakaɣ wɛʋ ɛzɩ awiya hulaɣ* ñɩɣlɩm pɛɛ yɔ nɛ pañɩlɩsɩɣ ɛ-tɛtʋ yɔɔ.+
17 Mbʋ pʋyɔɔ yɔ ɛ-kɩbandʋ paɣlaa kpem,+Nɛ e-keɖeɣa paɣlaa kpem!
Tɔɔnaɣ pee kaɣ haʋ evebiya ɖoŋ,Nɛ vɛɛ kɩfalʋʋ kaɣ haʋ pɛlaa mba patɩtɩlɩ abalaa yɔ ɖoŋ.»+
Pɩ-tɛɛ tɔm
^ Piye piye, «Nɛ Damaasɩ kɛnɩ tɩ-ɖɩhɛzɩyɛ.»
^ Pɩpɩzɩɣ pɩkɛ, «Hadraakɩ ɛjaɖɛ» yaa «Damaasɩ.»
^ Yaa «ma kɩ-tɩ lone ɖoŋ ñɩnɖɛ.»
^ Pɩpɩzɩɣ pɩkɛ, «teŋgu yɔɔ.»
^ Yaa «cɛɛkɩ.» Cejewiye ñʋʋdʋ payaɣaɣ se cɛɛkɩ.
^ Pɩtʋʋ fɛyɩ se ɛ-samaɣ kʋñɔŋ ɛnawa.
^ Yaa «Nɛ ɛyaa nazɩyʋ.»
^ Yaa «ɛzɩ sɔɔjanaa tikaɣ ŋga kefeŋiɣ yɔ.»
^ Yaa «nɛ ɛkɛ waɖʋ; nɛ payabɩ ɛ-ñʋʋ.»
^ Yaa «kpaŋaɣ abalɩñɩŋga.»
^ Pʋ-tɔbʋʋ se Efraatɩ.
^ Piye piye, «Mankaɣ ñɩɣʋ nɩŋgbaŋaɣ.»
^ Pʋ-tɔbʋʋ se ɛzɩ tɔʋ ñɩmɩyɛ yɔ.
^ Yaa «awiya hulaɣ ŋga kɔ-yɔɔ wɛ ñɩɣlɩm pɛɛ yɔ.»
